ORAN do SHALI GRANNTA, maighdionn uasal a bh’ ann an Ionmhurnis ri linn na ciad Reisimeid Chataich bhi anns a bhaile sin, agus mas fior am bard gu ’n robh na h-Oifigich a comh strith uimpe; —Le Rob Donn.

Mu ’m faca mo shuil thu,
’S e ’n cliùth ort a fhuair mi,
A riomhainn a àluinn, éibhinn og.
Gu ’n robh thu mar bhan-dé,
Gu ’n geilleadh na sluaigh dhuit,
A rìomhainn aluinn, éibhinn òg.

Shaoil mi gu ’m bu spòrs,
Nach bu chòir bhi ri luaidh e;
Ach ’nuair shìn an ceol,
’S gu ’n d’ thug iad a suas mi,
Chreid mi h-uile drannt dheth,
’Sa ’n damhsa ’nuair a ghluais thu,
A rìomhainn àluinn, éibhinn òg.

’S e ’n t-aobhar nach fhagainn,
Sàli aig a Choirneal,
An rìomhainn àluinn, éibhin òg.

An t-eagal gu ’m biodh càch,
Le nàimhdeas na sgornan,
An rìomhainn àluinn, éibhinn òg.

Créatoir cho ghrinn r’i,
A’s creatoir cho bhoidheach,
Gu m bu mhor am béud,
Gu ’n cailleadh i d’a deoin iad,
Suireichean an t-saoghail,
Le aon fhear a phosadh;
An rìomhainn àluinn, éibhinn òg.

Tha Deorsa ro dhàna,
Air a Mhaidseir na cbainnt,
An rìomhainn àluinn, éibhinn òg.

Gu bhi cuir an ceill doibh,
Gu leir gu ’n robh sannt air,
An rìomhainn àluinn, éibhinn òg.

Ach ’n uair thig an t-ol,
Mu ’n bhord anns na rancan;
Olaidh e gu sunndach,
Deoch-slainte na Baintighearn;
’Sa h-uile fear do chàch,
Mach o Shàli toirt taing dha?
An rïomhainn àluinn, éibhinn òg.

Thuit mi ann an dùsal,
Mar gu ’n tùislicheadh tranns orm;
An rìomhainn àluinn, éibhinn òg.

A’s chunna’ mi air an trùir ud,
Le ’n sùilean ’s le ’n samhlachd;
An rìomhainn àluinn, éibhinn òg.

A reir ’s mar a dh’ aodainn-sa,
An aodainn a rannsachadh,
Gu ’n duraichdeadh Sàli,
Am Màidseir na bhanntraich;
A’s aoibhneas air Deorsa,
Mu ’n bhron bh’ air a Ghranntach.
An rìomhainn àluinn, éibhinn òg.

Huile duine bha,
’Sa Bhataillein ga ’m b eol i
An riomhainn aluinn, eibhinn, og
Chuir i ann arm bruadar
Fuasgailt a’s post iad
An riomhainn aluinn, eibhinn, og.

Ach gu ruig a’s Tearlach,
Am Maidseir a b’ òige,
Ged bu chruaidh ainmeil
Ann an armailt Righ Deors’ e;
Chaochaileadh e aogas;
Le gaol bhi d’a còirse;
An rìomhainn àluinn, éibhinn òg.

Am fear is mo gradh
Cha nar e bhi suas riut
An riomhainn aluinn, eibhinn, og
’S e is mo cradh
Mur paighear na dhuais e
An riomhainn, aluinn, eibhin og;

Bheir mi mo shuil,
No bheir mi mo chluas diom,
Ma tha h-aon do ’n triuir,
Is trice theid a luaidh riut,
Cho tinn le do ghaol,
Ris an aon sin is fuath leat;
A rìomhainn àluinn, éibhinn òg.