ORAN eidear an sealgair agus am fiadh, Le Donull mor òg, duin’ uasal Chamshronacha bh’ann an Lochabar.

Fonn. —Gabhail Strath Dhruimnachdair, &c.

Sealgair. Mi ’m shuidhe sa bhachdan chaorainn,
’S beag m’ aidhear ris a ghaoidh so,
I gabhail domh sa’n aodann,
Dh’fhag m’ aogasg gu gle bhochd.
Mi m’ shuidhe, &c.

Tha damh na luidhe suas uam,
’S e’g amharc orm le tuaileas,
’S cha ’n fhaod mi le dha ghruam-shuil,
Ceim gluasad as a so.
Tha damh, &c.

Nam faighinn as so slaodadh,
Gu bachd na craoibhe caorainn,
Mi fhin ’s mo ghunna craosach,
Gu’n taomainn i ad chorp.
Na ’m faighinn, &c.

Fiadh. Gu’m b’ fhearr dhuit cur a’s cliathadh,
Bhi ’g iomain cruidh ’s ga’m biadhadh,
Na staoic deth m’ shithinn bhliodhnaich,
’S nach fhiach i cuir am poit.
Gu’m b’fhearr, &c.

Mo leathar cha’n eil feum ann,
Air tolladh leis na feursnaibh,
Nach grannda dhuit, bhi ’n deigh orm;
’S nach d’rinn mi eucoir ort.

Sealgaiir. ’N cuimhne leat gach sealbhag,
A Dh’ith thu anns an arbhar,
Theid cuilein ann ad shealbhan,
’S do mharbhadh air an spot.
’N cuimhne leat, &.

Fiadh. Na ’n eisdeadh tu ri m’ sheanachas,
Gu ’n innsinn tuille dearbhaidh,
Nach mis a bh’anns anns an arbhar,
Ach fear bu ghairbhe dos.
Na’n eisdeadh, &c.

Sealgair. Na’n innseadh tusa dhomhsa,
’N ceart bhall a’ bheil e chomhnuidh,
Bu chuimhneachan do d’ sheors e,
Ged dh’fhalbh do bheosa nochd.
Na ’n innseadh, &c.

Fiadh. ’N Creag chorraig tha e ’s t-samhradh,
Air phost an Coire-maltaig,
Tha tolairean cho teann air,
’S nach geall e tighin an so.
’N Creag chorraig, &c.

Sealgair. B’fhearr leam na mo chota,
Mi fhin ’s mo ghunna gròbach,
Gu m biodh-mid a’ coradh,
Ri crogairneach na’n cnoc.
B’ fhear, &c.

ORAN gaoil le IAIN BRUN, Seanachaidh do Phrionnsa nan Gaidheal, d’a leanan ’s i air a threigsinn le fear eile phosadh am bliadhnn 1768, agus esan air posadh a peathar d’a cion, am bliadhna 1773.

CLUINNIBH cumha trom a Bhrùnaich,
Mu Nic Dhughaill o Dhunolla;
’S mor a thuit d’a fior chairdean,
Anns’ na blair le Mac Colla.

Bha thu uasal ’s bha thu aluinn,
Sona ’n fhardach d’a ’m buin thu;
’S cha lughaide mo ghradhs’ ort,
Mi bhi ’n drasd fo do chumha.

Och mo dhith bhi gun storas!
Ao’r mo bhroin bhi as éuguis;
Sud a chaill orm-sa ghruagach,
Bheir do ’n uaigh a’s do ’n éug mi,

’S ann an Glasacha aig t-fhoghlum,
Ghabh mi eolas a’s spéis diot;
’S e mo dhith nach do phos sinn,
A’s sinn bhi deonach le cheile.

Bha thu Shìleam na ’n uaislean,
Sheas a suas le Righ Seumas;
’S leis na Righribh bha Dhundualach,
Ged a bhuadhaich orra ’n eucoir.

’S trom do chumhasa ri ghiulan,
’S cha dugh dhomh uaith éiridh;
Oir leithid mo leannains’,
’S tearc ’sa ’s anna iad air feilltean

Co i nighean a Ghaill chrocaich?
Lan do storas ’s do bheurla,
’N diugh a lionadh mo shuileans’
Dheagh Nic Dhughaill a d’ dheigh-sa,

Siol na ’m boineidean odhar,
’S na ’m falluinge liath-ghlas;
’S ann leamsa O! gu ’m bu choma,
H-aon bha boinionn dhiubh iarruidh.

Ach! cha choirich mi gu brath thu,
’S e do chairdean-sa theum thu;
’S chuir Mac Dhughaill Dhunolla,
Air a bhodach thu ’r eiginn.

Luidh a ghrian air Beinn-Ibheis,
’S chite rionnag ’s na speuran;
Solfa ’n d’ aontaich Nic Dhughaill,
Mise, am Brunach a thréigsinn.

Ach na ’m bithinns’ aig Dunolla,
’S cho chomasach a’s deonach;
Bheirte la Chuileodair,
Mu ’n do chuir iad air bord thu.

O! gun bhi ann ad dhuthaich,
’S buidheann a Bhrunaich o Chomhal leam;
’S air an turas ud mur buai’chinn,
Bheirte ’n uaigh dhomh mar phorsan.

Oir ged tha mise falamh,
Tha mi fallain deas ogail,
’S cha choimeas mi ri d’ cheil- ’sa,
Tha na éiginn fo ’n loinidh.

’S gar an d’ fhuair mi chum arain,
Ach m’ ealdhain a’s m’ fhoghlum;
Fhad ’sa mhaireas an saoghal,
Bidh daoine ’m feum bhrogan.

Nis cha phos mi ri m’ lathaibh,
Dubh-chail’ air son storais
’S co i thoilcheas mi na deigh-sa,
’S deas a theid i na brogan.

Coig bliadhna o ’n uin’ ud.
Chrath am Brunach am bron deth;
A’s phos e piuthar do Nic Dhughaill ud,
S lion i shiuilean ’sa sholas.

B i Mairi mo raoghainn,
’S a thaghainn thair storas;
’S cha ’n eil leithid mo cheil-sa,
’N diugh ag eiridh aig Seorus.

Tha i iorasal agus uasal,
’S i gu truacanta cairdeil,
’S gach buaidh eile tha dualach,
Do bhean uasal an deagh naduir.

Tha i Shileam na ’m fear feachdail,
Ghineadh o ’n t-seachdamh Righ Domhnull;
’S tha i Rioghail ’s bu dual d’ i,
Deth na Stiubhartaich, chaidh fhogradh.

Sibhs’ O! fhearaibh mo dhuthcha,
Fhuair air diultadh, bihibh coma,
’S leanaibh eiseampleir a Bhrunaich,
Mu Nic Dhughaill o Dhunolla.