ORAN do THIGHEARNA CHLUAINIDH; Le Pàl Mac a Phearsain am Baideineach.

DEOCH slainte Thighearna Chluainidh,
Cuir mu ’n cuairt anns a chùp i;
Ged a chostadh i ginidh,
’S mi fhin nach biodh diùmbach:
Tha na dh’ olas do shlainte,
Chrùintean spainnteach am phuidse;
’N deigh am màl a thoirt seachad,
Do dh’ ath-chorc a Phrionnsa.

Ach tha bagar air t-fhearunn,
Tha toirt gal air mo shùilean;
Mi air ùilleagan leapa,

A cheanna feadhnaidh Chlainne Mhuirich,
Leam is duilich ged chualadh,
Gu ’n do bhuannaich thu ’n Fhraing oirnn,
’S tu thighin slan as gach cruadal:
Oig aigionntaich rìoghail,
’S mor pris aig na h-uaislean;
Fhir a chaisg oirnn gach trioblaid,
’S mor is miste sinn uainn thu.

’N am thogail do bhrataich,
Ann an caismeachd uaire;
Gheibhte mìle laoch gasda,
Mu gheatachan Chluainidh;
Luchd na ’n osana’ gearra,
Thairngneadh lannan mu d’ ghuaillean;
’N diugh ’s faoin a tha ’m misneach,
Gun do thiotal an uachdar.

Ach Eoghain ’Ic Mhuirich,
’S fada t-fhuireach ’sa ’n fhasach;
’S e dh’ fhag smal air mo leirsinn,
Thu bhi ’g éiridh ’sna carnaibh;
Gur lìonar bean bheildearg,
Tha a breid air dhroch caradh;
Ged a dhean iad oirnn eucoir,
Cha teid thu ga ’n rèidhteach.

Fhuair na Gaidheil an logairt,
’N Cuileodair ’s cha chrìon e;

Bhuaidh tha ’n iondraichinn chatha,
Tha mi labhairt ’sa ’n tim so;
Ma sa cuimhne leibh fhathasd,
An latha bha ’m Pìorat;
’N am dhol sios anns a bhatailt
’S mairg a chasadh do mhio-thlachd,
Leat a dh’ éireadh na gallain,
Nach cuireadh carraid gu mìghean.

Bu lìonar do chairdean,
’S cha bu ghann iad ri léughadh;
’Nuair a chluinnte do chaismeachd,
Thigeadh feachd dhiu a Eirinn;
Thigeadh streang dhiu a Uithisd,
Air siubhal fo bhreid leat,
Le reubadh cuain ’s le seoil mhara,
Na seoid bharrail nach geilleadh.

Cha b’e gadachd na h-oidhche,
Na traiteireachd naduir,
Chuir mo dhislean gu taice,
Eidear Chaiptein a’s Chádai;
Ach ma chuaidh sibh ’sna bruachan,
Cha ’n e ur cruadal a dh’ fhailing;
Leibh a dh’ eireadh am baiteal,
’S b’ e ur cleachda buaidh larach.

Tha meirg air nighin Tearlaich,
’S cha tar mi ga gleusadh;