---

[130]

Marbhrann do SHIR SEUMUS MAC DHONUILL; Le Gilleasbuig a bhrathair.

B’ FHEARR am mor olc a chluinntinn,
Bhrigh iomra’ na fhaicinn;
Dhomhsa b’ fhurasd’ sud innse,
Rug air ’m inntinn trom sachd dheth;
O ’n is mi bha ’sa ’n fhulang,
Bu chruaidh duilich ri fhaicinn;

---

[131] Rainig croma-sgian o ’n aog orm,
Cha do shaor i bun aisne.

’S e dh’ fhag fodha dhomh ’n coite,
Aon a mhoichead a dhuisg mi,
’S mi gun fhear air barr agam,
Thogadh ’m aigne a dùsal;
’Nuair a bheum an sruth traigh orm,
Rug muir baitht’ air a chul sin,
Cha d’ fhiosraich mi ’m bas duit,
Gus an d’ fhag mi thu ’n crùiste.

Fath m’ acuin ’s mo thùrsa,
Nach duisgear le teud thu,
Na le torgan na fìle,
Mo dhìobhail ’s mo leir-chreach;
Fhir a chumadh i dìonach,
Dh’ aindeoin siontain ga geiread,
Thu ’n diugh fo leacan na h-ùrach,
Gun mo dhuil ri thu dh’ eiridh.

’S bochd an ealtainns’ thug sgriob orm,
Thug i dhiom m’ earr a’s m’ fhéusag,
’S geur ’s gur goirt spuir an ràsair,
Thrusas cnamhan a’s féithean;
Dh’ fhag sud mise dheth craiteach,
Dh’ aindeoin dàil gu ro chreuchdach;
Cha dean ballan no sabh dheth,
Mise slan gu la m’ euga.

Ge b’ e chuireadh dhomh ’n umhail,
Do mhor chumha ga m’ leonadh,
Na mo dhosan a liathadh,
Coig bliadhna roimh’ ’n ordugh;
Tha mi ’n diugh a toirt paigheadh

---

[132] Ann meud m’ àilleas as m’ oige,
O ’n rug deireadh do bhais orm,
Os cionn chaich cha b’e m’ ordugh.

’S fhad tha mi ’m Oisein gun mheadhail,
As do dheaghaidh bochd dòlum,
Osnachail farbairneach, frithir,
Tha m’ fheith-chridh air a leonadh;
Leigeam fios thun a bhreithe,
Nach iarr slighe gu dòibheart,
Gur h-e port Raoghuill uidhir,
Mur nach bu dligheach is ceol domh.

’S bochd mo nuaidheachd ra innse;
Ge b’ e sgrìobhadh e ’n tàbhuinn;
O ’n la rinn thu feum duine,
Gus ’n do chuireadh ’sa ’n lar thu;
Bha mo dheas-lamh dol sios leat,
An clachan crìche mo chradh-shlat;
’S mor na b’ fheudar dhomh fhulang,
Mo bhuan fhuireach o m’ brathair.

’S bochd an ruinnigil fhuathais,
Rug air uaislean do chairdean,
’S goirt a bhannag a fhuair iad,
’N latha ghluaiseadh gu tamh leat;
Ge b’e neach is mo buannachd,
’N lorg luaithre a bhais so,
’S mise pearsa ’s mo tuairgne,
’Sa ’nuair so th’ air màruinn.

Cha chuis fharmaid mo leithid,
’S ann tha mi ’n deaghaidh mo spùillidh;
Bhuin an t-eug dhiom gu buileach,
Barr a’s iomull mo chùirte;

---

[133] ’S feudar tamailte fhulang,
Gun dion buill’ air mo chùla’,
Stad mo chlaidhe na dhuille,
’S bath dhomh fuireach r’a rusgadh.

Bhuin an t-eug creach gun toir dhiom
Dh’ aindeoin oigridh do dhùthcha;
Dh’ fhag e m’ aigne fo dhòruinn,
’S bhuail e brog air mo chuinne;
’S trom a dh’ fhuasgail e deoir dhomh,
Bu mhor mo choir air an dubladh;
Mu cheann uighe na ’n deoiribh,
Bhi fo bhord ann an dunadh.

Bu deas dile mo shior-ruith,
’S gu ’m bu dionach mo chlaraidh;
Bha mo chala gun diobradh,
Ga mo dhion as gach saradh;
Riamh gus ’n d’ thainig an dìl orm,
Dh’ fhag fo mhighean gu brath mi;
’S ard a dh’ éirich an stailcs’ orm,
Chuir i as domh mu m’ airnean.

Call gun bhuinig gun bhuannachd,
Bha ga m’ ruagadh’ o ’n trath sin;
Cha b’ i ’n iomairt gun fhuathas,
Leis ’n do ghluais mi mur chearrach;
’N cluich a shaoil mi bhi ’m buannachd,
Dh fhaoite ghluasad air taileasg;
Thainig goin a’s cur suas orm,
’S tha fear fuar orm a’ t-aite.

O ’n chaidh maill’ air mo fhradharc,
’S nach taoghail mi ’n ard bheann;
Chuir mi cul ris an fhiadhach,

---

[134] Pong cha n’ iarr mi air clarsaich;
Mo cheol luidhe a’s eiridh,
M’ osnadh gheur air bheag tabhachd;
Fad mo re bidh mi ’g acain,
Mheud ’sa chleachd mi dheth t-ailleas.

Ach dleasaidh faighidinn furtachd,
Nach faic thu chuisle ga luaithead;
Air fear na teasaich ’sa ’n fhiabhruis,
’S gearr mu shioladh a bhruaidlein;
Muir a dh’ eireas ga braisead,
Ni fear math beairte dh’ i suanach;
Ach e dh’ iomairt gu tapaidh,
Ceann da shlait thuig a’s uaithe.

’Nuair a bha mi am ghille,
’S mi ’n ciad iomairt Shir Seumus,
Marr ri comhlan dheth m’ chinne,
Seoladh air spinneig a dh’ Eirinn;
’S ann aig I Chalum Chille,
Ghabh mi giorrag mu d’ dheighinn;
Chaill thu lan mèise feodair,
Air do shroin do ’n fhuil ghlè dhearg.

Luchd a chaitheadh na ’n cuantaibh,
’S moch a ghluaiseadh gu surdail,
Le ’n alach chalpanna’ cruaidhe,
Bu hheag roimh’ ’n fhuaradh an curam;
Bu choma co do na h-uaislean,
Ghlacadh gluasad na sdiuradh;
’S fear math beart air a gualainn,
B’ urrainn am fuasgladh gach cuise.

’N am gluasad o thir dhuinn,
Bu neo mhiodhar ar loistean,

---

[135] Cornach, cupanach, fionach,
Glaineachan lionta a stopaibh;
Gu cairteach, tailisgeach distneach,
’Stailc air uigh na ’m foirnibh;
Dhomhsa b’ fhurasd’ sud innse
Bu chuid do m’ gniomh o aois m’ oig e.

Bu neo eimneach mo leabaidh,
’S bha mo chadal gle chomhnard,
Fhad ’sa dh’ fhuirich thu agam,
An caoin chadal gun fhotus;
Bu tu mo sgiath laidir dhileas,
Ga mo dhion o gach dòruinn,
’S e cuid a dh’ aohhar mo leith-trom,
Bhi ’n diugh a seasadh do chorach.