ORAN le Sileas Nighean Mhic Raoghnuill do dh’ arm Righ Sheimis.

GUR diombach mi ’n iomairt,
Chuir gach fine air fogradh;
Tha mi am chadal ’s na duisgibh mi
Gun aidhear gun eibhneas,
’S gun reiteach o Dheorsa;
Tha mi am chadal, &c.
Gur h-ioma bean uasal,
Tha gu h-uaigneach na seomar,
Gun aidhear gun eibhneas,
’S i ’g eiridh na h-onar,
Sior chaoidh na ’n uaislean,
A fhuair iad ri phosadh;
Tha mi am, &c.

Mo thruaigh a chlann,
Nach robh gann na ’n curaidse;
Tha mi am, &c.
’N am bualadh na ’n lann,
An am na ’m buillinean;
Tha mi, &c.
Ged tha sibh ’sa ’n am,
Feadh ghleann a’s mhunainnean,
Gu nochd sibh ’ur ceann
’N am teanndachd mur churainean,
’Nuair thig Seumus a nall,
’Si ’ur lann bhios fuileachdach.
Tha mi, &c.

’S e Righ na muice
’S na Cuigse Righ Deorsa;
Tha mi am, &c.
Mu ’n d’ thig oirnn an t-samhuin,
Bidh amhuch ’s na cordaibh;
Tha mi am, &c.
Na ’n eireadh sibh suas,
Le cruadal a’s duinealachd,
Eidear islean a’s uaislean,
Thuath agus chumanta,
Do sgiurseadh sibh uaibh e,
’N Righ fuadain nach buineadh dhuinn;
A’s dheanainn an cadal gu sunndach leibh.