Cumha Ceann-cinnidh na ’n Granntach, agus e bhi gu tinn ann an Sasunn,

Fonn. O! gur muladach oirnne, Ri am cuimhneach’ a Choirneil, &c.

’S mor bhron ’s mo thruime-lighe,
Chuir mo shuilean gu snithe,
Dh’ fhag sud toll ann mo chridhe,
Nach leighis aon lighich,
’N sgeul a chualas air Tighearna Ghrannta.
’N sgeul a, &c.

Toiseach dligheach na ’n Spèitheach,
Uasal aìgionntach treubhach,
Glic misneachail ceutach,
Da ’n robh misneach thair cheudaibh,
’S tigh lagha, ’s gu ’m b’ fheumail an camp thu.
’S tigh lagha, &c.

Tha mac Cailein ’s Iarl Einne,
Lan truime mu d’ dheighinn,

Mo bheud thu bhi ’n Sasunn,
Fo thiamhachd na h-easlaint,
’S do thur bhaile caisteil,
Bha na dhuthchas aig t-aiteam,
Bhi as aogais do phearsa na bhanntraich.
Bhi as aogais, &c.

A laoich chosgara, ghargail,
Bu nòs leat bhi armail,
’S tric m’ osnaich o ’n dh’ fhalbh thu,
A Righ! prosnuich a dh’ d’ Alba le shlaint thu.
A Righ! &c.

Chunnaic mise ge b’ og mi,
Ioma cuilm a stigh mhor sin,
Damhsail, urramach, ceolar,
Mnaithean ’s fleasgaichean oga,
’S iad gu furanach ceolmhor a damhsa.
’S iad gu, &c.

’Nuair a sgaoileadh tu bratach,
Mu thimchioll do gheata,
’S ioma sonn agus gaisgeach,
Ghrad fhreagradh a chaismeachd,
’Nuair dh’ aithneadh iad lasann na ’n ceannard.
’Nuair, &c.

Luchd na ’m flasgaichean fùdair,
’S na ’n cùibheirean dùghorm,
Na ’n claidhnean cùile,

’S ioma oganach treubhach,
Bu mhaiseach fo fheile,
Lubadh deas air chul sgeithe,
Ghrad fhreagradh an eighe,
Tha fo mhulad mu d’ dheighinn ’sa ’n am so.
Tha fo, &c.

Sud am bosd as ’n do ghin iad,
Dol le ordugh ’n Ceann cinnidh,
Ann an dóruinn na ’n iomairt,
Gun ghoruich gun ghiorrag,
Cha bu dochas doibh pilleadh gun ainneart.
Cha bu, &c.

Ach a Righ a shuidhich an garadh,
Dh’ orduich meas agus blàth ann,
O ’n a chinnich na h-armuinn,
Cuir le h-iochd na ’n càs orr an ceannard.
Cuir le h-iochd, &c.