Cumha le AONGHUS MAC LAOMUINN, ann an I. Chalum Chille do leanabh leis fein.

GUR a mis tha fo mhulad,
Air m’ uilinn ’s mi m’ onrachd,
’S mi caoineadh an lurain,
Tha mi uime ro bhronach,
O ’n a chaidh thu sa ’n tulaich,
’Am bheil tuille do d’ sheorsa,
Gur h-e sgeula mo dhunaidh,
Nach d’ fhuirich thu Dhomhuill.

’S gur h-oil leom a thachair,
Gun do ghlacadh cho og thu,
Leis an teacaire dhàna,
Gun chairdeas do m’ dhoruinn,
Thug a broilleach do mhathar
Thu a ghraidh gun chead còraidh;
Oir is mis th’ air mo chràdh-shlad,
O ’n la chaireadh foi ’n fhoid thu.

Ormsa rug an fhras ghàbhaidh,
’Nuair a chaireadh air bord thu,

Bha mo chion air an leanabh,
Dh’ fhas gu ceanalta modhar,
Riut a thogadh mo chridhe,
Thu bhi tighin am chomhail,
’S tric a rinn mi riut mireag,
Gu h-iollagach ceolar;
Leam, a luaidh gu ’m bu mhilis,
Bhi gu minig ga d’ phogadh.

’S gu m’ b’i sud an t-suil aluinn,
Bh’ aig mo phràpanach boidheach,
Beul bu mheachaire gair thu,
Pog mur fhaile na ’n rosan,
O d’ shailtean gu d’ mhullach,
Bu leat urram na h-ògraidh,
’S na ’m faigheadh tu saoghal,
Bu tu gaol na ’m ban òga.

Bu tu m’ abhull a’s m’ ubhlan,
’S bu tu m’ ùr ros an garadh,
Bu tu mo chaineal ’s mo shiucar,
Mo chruit ciùil ’s m’ aobhar ghaire,
Bu tu m’ aidhear ’s mo shugradh,
’S bu tu ’n ur ghibht a chraidh mi,
O ’n la chuir mi fo ’n uir thu,
Tha mi bruite fo ’m airnean.

’S gur tric tigh’n am aire,
A liuthad car a bha d’ lamhan,

’S cha n’ e t-fholachd na t-uaisle,
So ghluais thun na dàin mi,
Na soileas bhi ’g innseadh,
Do dhisleau ’s do chairdean,
Ach a thoileachadh m’ inntinn,
Mur chuimhneachan bais ort,
Los gu ’m faicinn a ruin-ghil,
Do ghnuis mur an sgathan.

’S c’uime tha mi cho gorach,
’Sa bhi bronach ga t-aireadh,
O ’n ’s e ’n Ti is fearr coir ort,
Thug dhuit ordugh ar fàgail,
Dh’ fhios na h-urach ga ’m buin thu,
’Sa ’n duslach o ’n d’ thainig,
’Sa ’n t-anam gu rioghachd,
Na Ti a thug fas dha.

’S ged tha mise ’n so lathair,
Ann an sgaile na feola,
Agus tusa gu sabhailt,
Cò-ri Abram ’s r’a choisridh,
Tha mo dhuill anns an t-Slanear,
Gu ’n tar e sinn comhla,
Chum cliu thoirt do ’n Ard-Righ,
Ann am Pharais na gloire.

’S tha mi nis an tim sgur diot,
O ’n a chuir mi thu comh’ri,