ORAN do BHOINIPART; Leis a bhard cheudna.

SEISD.

A Righ gur h-aotrom leinn an t-asdar,
Bimid sunndach air bheag airtneil,
Dhol an comhail Bhoiniparti,,
Chionn bhi bagairt air Righ Deòrs.

’Illean cridhe bimid sunndach,
Seasamaid onair ar duthcha,
Fhad sa mhaireas luaidhe ’s fùdar,
Ciod a chuireas curam oirnn.
A Righ gur, &c.

Thoisich thu oirnn o cheann fada,
Le bòsd, le bòilich, ’s le bagradh,

Ged theannadh tu fhein ’s na Frangaich,
Ri tigh’n a Bhreatunn le d’ chabhlach,
Cuiridh sinn a null gun taing thu,
’S b’ fhearr dhuit fuireach thall ad dheoin.
A Righ gur, &c.

’Nuair chuir thu ’n Fhraing thair a cheile,
Dh’ fhalbh thu mur shloightir do ’n Eiphte,
’Nuair a chaill thu ’n coig ciad deug,
Gun theich thu fhein air eiginn beò.
A Righ, &c.

Bha luchd nan adaichean croma,
Na ’n luidhe air blar g’a ’n lomairt,
’S e mo dhiùbhail bh’ anns a choinne,
Nach d’ fhan Ebarcromai beò.
A Righ gur, &c.

An t-seann Reisimeid dubh mheasail,
An dara te sa ’n da fhichead,
’Nuair fhuair i suas riut a chlisgeadh,
Chuir i bristeadh ann ad chrò.
A Righ gur, &c.

Nis dh’ eirich na Bholuntiars,
’N onair an Righ ’s mhoir-fhear Iain,
Chur na ’m Frangach gu ’n cridhe,
Chionn bhi bruidhinn tigh’n d’ ar coir.
A Righ gur, &c.

O ’n fhuair sinn deise nan Gaidheal,
Boineidean ’s cotaichean sgarlaid,

’S na ’m biodh againn mur bu dual duinn,
Lann chinn Ilich air ar cruachainn,
Sgoltadh nan ceann g’a ’n guaillibh,
Ga ’m bualadh le smuais nan dorn.
A Righ gur, &c.

Gu bheil Albuinn agus Sasunn,
A guaillibh a cheil’ an ceart-uair,
Tha iad aig fuaim an aon fhacail,
Mar shrad eidear clach a’s òrd.
A Righ gur, &c.

Dh’ fhalbh thu mar shloightir air chuan,
Mu ’n d’ amhairc sinne mu ’n cuairt oirnn,
’S ged thug thu Hanobhar uainn,
Ge b’ oil leat cha d’ fhuair thu ’n t-òr.
A Righ gur, &c.

Ach ma gheibh sinn ann an sàs thu,
’N dearbh cha ’n fhaigh thu moran dàlach,
Do chrochadh an la ’r na mhàireach,
Le fiach cota-bhàin a ròp.
A Righ gur &c.

Ged thig thu air tir an Albuinn,
’N dochas losgaidh agus marbhaidh,
Tha againne suas do dh’ armailt,
Na shrachdas t-eanchainn agus t-fheoil.
A Righ gur, &c.

Tha saighdeirean Earraghaidheal,
Fearachail, foghainteach, daicheil,