ORAN do CHLANN GHRIOGAIR ’n uair a bha ’n ruaig orra, agus na coin dubha as an déigh; an tòir air tighin teann air pairt diubh gu tigh far an do stad iad ghabhail trath beidh, ach leum bean an tighe a mach gu ro thapaidh, agus shuidh i aig taobh an rathaid, gabhail nuaidheachd na toir, a deanadh an orain so, gu maille chuir orra, gus an d’ fhuair Clann Ghriogair a mach air taobh cùil an tighe.

Fonn.— Mo nighean donn bhoidheach, Bha buain an fheor an de marr-rium, &c.

’S MI am shuidhe ’n so ’m ònar,
Air comhnard an rathaid;
’S mi am, &c.

Dh’ fheuch am faic mi fear fuadain,
Tighin o Chruachan a cheathaich.
Dh’ fheuch am, &c.

Bheir dhomh sgeul air Clann Ghriogair,
No fios cion a ghabh iad.
Bheir dhomh, &c.

Cha d’ fhuair mi da ’n sgeula,
Ach iad bhi ’n de air na Sraithibh.
Cha d’ fhuair, &c.

Thall sa bhos mu Lochfine,
Mas a fior mo luchd bratha.
Thall sa bhos, &c.

Ann an Clachan an Dìseart,
’G òl fion air na maithibh.
Ann an, &c.

Bha Griogair mor ruagh ann,
Lamh chruaidh air chul claidhe.
Bha Griogair, &c.

Agus Griogair mor meadhnach,
Ceanna feadhn’ air luchd tighe.
Agus Griogair, &c.

Mhic an fhir a Straith-hardail,
Bhiodh na baird ort a tathaich.
Mhic an fhir, &c.

’Sa bheireadh greis air a chlarsaich,
’S air an taileasg gu h-aidhear.
’Sa bheireadh, &c.

’Sa sheinneadh an fhithioll,
Chuireadh fiughair fo mhnathan.
’Sa sheinneadh, &c.

’Sann a rinn sibh ’n t-sitheann anamoch,
Anns a ghleann an bi ’n ceathach.
’S ann a rinn, &c.

Dh’ fhag sibh an t-Eoin boidheach,
Air a mhointich na luidhe.
Dh’ fhag sibh, &c.

Na starsnaich air féithe,
’N déigh a reubadh le claidhe.
Na ’n starsnaich, &c.

’S ann a thog sibh ghreigh dhùghorm,
O luban na h-abhunn.
’S ann a thog, &c.

Ann am bothan na dige,
Ghabh sibh dion air an rathad.
Ann am bothan, &c.

Far an d’ fhag sibh mo bhiodag,
Agus crios mo bhuilg shaighead.
Far an d’ fhag, &c.

Gur i saighead na h-araich,
So tharmaich am leathar.
Gur i saighead, &c.

Chaidh saighead am shliasaid,
Crann fiar air dhroch shnaitheadh.
Chaidh saighead, &c.

Gu ’n seachnadh Righ na ’n dul sibh,
O fhùdar caol neimhe.
Gu ’n seachnadh, &c.

O shradagan teine,
O pheileir ’s o shaighead.
O shradagan, &c.

O sgian na roinn caoile,
’S o fhaobhar geur claidhe.
O sgian na ’n, &c.

’S ann bha bhuidheann gun chòradh,
Di-domhnaich ’m braigh bhaile.
’S ann bha, &c.

’S cha dean mi gàir éibhinn,
’N am éiridh no luidhe.
’S cha dean mi, &c.

’S beag an t-iongnadh dhomh féin sud,
’S mi bhi ’n deigh mo luchd tighe.
’S beag an t-iongnadh, &c.