ORAN allabain suireadh; Le Piopaire fior Ghlinn-Alladail.

SEISD.

Thug mi ’n oidhche raoir sa ’n àiridh,
Thug mi ’n oidhche raoir ’sa ’n àiridh,
Thug mi ’n oidhche raoir gu caoineil,
Marr-ri maighidionnn na h-àiridh.

Mile marbhaisg air an t-suireadh,
’S bochd le neach da ’n d’theid i iomrull,
Bidh inntinn fo lan iomaguin,
Gluasad cho simblidh ri mearlach.
Thug mi ’n, &c.

Oidhche dhomh ’s mi ’m bun na tire,
’S mi goirid o bheagan nionag,
’Smaointich mi gluasad os ’n iosal,
Nochdadh mo bhriodail le gradh dhoibh.
Thug mi ’n, &c.

Nuair rainig mi tigh an Dunain,
Bha chomhla ac’ air a deagh dhunadh,
’Sa dh’ aindeoin m’ eolais a’s mo thuir,
Gun thoisich na goid chuil ri rànaich.
Thug mi, &c.

Labhair mo chompanach runach,
Dean stad ’s feuchaidh sinn cleas ur dh’ i,
Faigh thusa boiseag dheth ’n bhurn,
’S gu ’n cum sinn na lùdagan samhach.
Thig mi, &c.

Fhuair sinn stigh gun dad uamhainn,
’S bha sinn farasda n’ ar gluasad,
Rainig sinn leaba na ’n gruagach,
’S chuir mi fhin le stuaim mo lamh orr’.
Thug mi, &c.

Thuirt i rium, na tig ni ’s faide,
’S leanabh te eile am achlais,
Cha ’n eil rum agad fo ’n phlaide,
’S bi tilleadh dhachaidh mur thainig.
Thug mi, &c.

Thuirt mise, na bi cho doichiollach,
Fuirich gu siobhalta socrach,
Dad a mhìo-mhodh dhuit cha nochd mi,
Gus ’n eirich thu moch a maireach.
Thug mi, &c.

Thuirt i, ma ta cuir dhiot t-aodach,
Bheir mise nochd mo leith-taobh dhuit,
Air eagal ’s gu ’n dean thu m’ aoireadh,
’S cha ’n ann air son gaol do mhanrain.
Thug mi, &c.

Mu n’ d’ fhuair mi mi fhin gu socrach,
Ciod a rinn am paist ach mosgladh,
’Sa nuair a ghrios mi e bhi tosdach,
’S ann theann e ’s droch-uair air ranaich.
Thug mi, &c.

Thuirt bean an tighe le dearras,
A chlann a chum mi am chaithris,
Ar leam gu ’m feumadh sibh anail,
Gur siùbhlach ur teanga le Gailic.
Thug mi, &c.

Chuir a briathran mi o thapadh,
Eidear seorsa naire ’s gealtachd,
’S cha robh driuchd a bha roimh ’m chraicionn,
Nach cuireadh cnag air an lar dheth.
Thug mi, &c.

Dh’ eirich i ionunn ’sa bhi ruisgte,
’S theann i ri lasadh a chrùisgein,
’S mu ’n d’ fhosgail i ceart a suilean,
Bha mis air taobh cuil na fardaich.
Thug mi, &c.

Ach fhir tha fuireach ’sa bhaile,
Giùlain mo shoraidh gu Anna,
’S innis d’ i gu ’n d’ d’ rinneadh ealaidh,
Do ’n luchd faire bh’ air an àiridh.
Thug mi, &c.