ORAN eidear oige-fhear agus a leannan, a freagaradh a cheile.

Esan. —MADUINN dhomhs’ an coillidh chuaidh,
’S glaine faile shruthain lubach,
Thachair orm ann gruagach chul-donn,
’S rinn mi umhlachd dh’i gu lar.

Run mo cheille air do cheann dubh.
Gorm shuil mhiogach bian mar an gruth,
Beulan siobhalt ’s mala gun ghoimh,
’S e do ghuth mo raogha ceoil.

Failt a’s furan dhuitse og bhean,
’S deirge beul, a’s gruaidh mur rosaibh,
Tha mi toileach air a chomh’ail,
’S le d’ chead pogaidh mi do lamh.
Run mo cheille, &c.

Chuir i car na muineal bian-gheal,
Gabhail oirre bhi ro fhiadhaich,
Thog i a ceann a’s sheall i fiar orm,
’S thuirt i, shiadair tha thu ann.

Ise. —Tosd; cha ’n fheud mi aideach thoirt duit,
’S mealta t-eudan, ’s milis do ghuth,
’S caillt mi choidhch ma fhreag’ras mi dhuit,
Teannsa uam, ’s leig uait mo lamh.

Esan. —Thuirt mi r’i, a dheo-ghrein shul-ghorm,
Aobhach, chairdeil, chridheil shugach,
Tha mi ’n tith do phogan curaidh,
’S bas as ur domh bhi da ’n call.
Run mo cheille, &c.

Ise. —Tha chleire cruaidh, ’s tha mathair agam,
Bhios ga m’ laimhseach ann am chadal,
’S mu bhios mo chiochan, lan no atar
Dh’ aindeoin feachd, tha mise caillt.
Tosd; cha ’n fheud, &c.

Esan. —Na biodh eagal ort a’ d’ mhathair
Crua’s cleir’, na aobhar naire,
Ged luidheas mis’ am bhreacan lamh-riut,
Air mo laimh nach eagal call.
Run mo cheille, &c.

Ise. —Thuirt i rium tha oig-fhir meallta,
Tarruing bhan le comhradh fallsa,
’N te nach eaglaich roimh sgaltadh,
Tha i caillte bhos a’s thall.
Tosd; cha ’n fheud, &c.

Esan. —Dh’ fhuilginn bas mu ’n tairginn mio-mhodh,
Chuilein chas duinn, an fhuilt shniomhain,
’S air na chuairticheas a ghrian,
Cha duraichdinn duit giamh no call,
Run mo cheille, &c.

Ise.— ’S e thuirt i, cha ’n fhaigh thu aoidheachd,
’S cha leig mi leat do lamh am ruidheachd,
’S fearr bhi sgaoilte o do dhraoidheachd,
Na bhi caoidh mo mhaighd’nis caillt.
Tosd; cha ’n fheud, &c.

Ghuidh a’s dh’ aithn i gun a masladh,
Gun ach gann a pog a bhlasad,
Mur b’ e mo run le cead a Pharsoin,
Ise ghlacadh le cridhe ’s lamh.
Tosd; cha ’n fheud, &c.

Esan. —Na biodh aobhar eagail agad,
Ni sinn banais, posadh ’s leabaidh,
Bidh sinn sunndach eibhinn aite,
Sint am ghlacaibh ’s lamh fo d’ cheann.
Run mo, &c.

Ise. —Na ’n saoilinnse thu bhi rireamh,
Chionn do gheallain bhi cho lion’or,
Cha bhiodh maille ann ad iartas,
’S cha bhiodh miothlachd ann ad chainnt.
Tosd; cha ’n fheud, &c.

Esan. —Sonas dhuitse ainnir ghaolach,
C’aite bheil do luach ’sa ’n t-saoghal,
Tha mi rireamh ’s na cuir baothal ann,
’S leig do thaobh ri m’ uchd gu teann.
Run mo, &c.

Ise. —Geillidh mi gun strith do ’n oig’ear,
’S leat mo chridh, a ghraidh ’s mo chomhra’,
Luidhe mi ad bhreacan boidheach,
Fhleasgaich oig ’s mo lamh fo d’ cheann.

Run mo cheille fear an fhuilt duibh,
Rachainn eug mur deanadh tu guth,
’S leatsa fheudail mise an diugh,
’S deansa rium an so na ’s aill.