ORAN connsachaidh mu ’n t-suireadh, eidear fear agus a mhathair.

BHA mi fhein ’s mo mhathair,
Di-mairt anns an t-seomar,
’S bha i rium ag radh,
Gu ’m bu nàr dhomh bhi gòrach;
A luidhe leis na caileagan,
Gu ’m b’ amaideach an seol e;
’S nach posadh te gu brath mi,
’Sa ghraisg ud an toir orm.

SEISD.
Hill ù hill in hó ro,
Ho ró hill in h-éile,
Hill ù hill in hó ro,
Ho ró hill in h-éile;
Air faill ill hó ro,
Ho ró hill in h-eile,
A nighean donn an t-sugraidh,
Mo dhurachd bhi reidh riut.

Thuirt mi fhìn gu diblidh,
Gu cinnteach gu ’m b’ fhior sud;

Ise. —Sin ’nuair thuirt mo mhathair,
B’ fhear leam gu ’m b’ fhior sin;
Gu ’n sguireadh tu gu brath dheth,
’S gu ’m fasadh tu ciallach;
Gur a h-ioma càineadh,
A’s fàithn thug mi riamh dhuit;
Ach leigeadh tu mu d’ chluais e,
Le buaireadh na ’m biasd ud.
Hill ù, &c.

Esan.— ’S ioma fear a b’ fhearr na mi,
Dh’ fhailing ’sa cheim sin,
Ministeirean, pairt diubh,
Air airdead ’s gu ’n leugh iad;
A bhean, an cual thu ’m Pàpa
Rinn paisd anns an Eipheid,
Na ’n cual thu mu Righ Daibhi’,
Chuaidh dàn air Bath-shéba.
Hill ù, &c.

Ise. —Ministeir no Pàpa,
Dheth ’n dh’ fhailing ’sa ghniomh sin,
Olc air mhath ga ’n d’ rinn iad;
Cha ’n fhaighneachdar diots’ e;
’S b’ fhearr dhuit bhi ceillidh,
A ceusadh do mhiannaibh;
’S ma rinn iad-san eucoir,
’S iad fhein a bheir diol ann,
Hill ù, &c.

Bu mhath an duine Daibhi’,
Ged dh’ fhaling e ’n uair sin,
Bha e cneasda naomha,
’S bha gaol aig an t-sluagh dha,
Cha choimeas thu do ’n Righ sin,
Le d’ mhì-bheusan truaillidh,
’S thu ’d mhì-loinn anns an t-saoghal,
A ghaolaich le do ghluasad.
Hill ù, &c.

Esan. —A bhean, an cual’ thu Sola’,
Bha mordhalach fìor-ghlic;
Aig ’n robh urram foghlum,
Eolas a’s criontachd;
’Nuair phos e seachd ceud,
’S ochd fichead deug dìolan;
’S their thusa nach fiach e,
Fear dh’ iarras a tri dhiubh.
Hill ù, &c.

’Nuair bhios mo chlann-sa laidir,
’Sa dh’ fhasas iad crionta;
Gu ’n d’ theid mi null air sàil leo,
Gu sraid Charolina;
Sin an uair a dh’ fhaodar,
Gach aon a chuir ri gniomh dhiubh;
Bidh duin’ air ceann gach feuma,
’S mi fhein a bhi diomhain.
Hill ù, &c.

Gu ’n dean Niall an t-aiteach,
’Sa mhart cur an t-sìl dhuinn;
’S ni mac N’ ’Ic Cathail buachaille,
Chuallaicheas nì dhomh;
Gu ’n dean i banas-tighe dhomh,
’S gur laoghach i Caitriona;

Gur mise bhios gu statail,
A sraideamachd ’sa ’n am sin,
Mu ’n cuairt do mo phlanntachan,
’S mo bhata ann mo laimh agam;
Cha dean mi ach an t-ordugh,
Gu sporsail thabhairt doibh-san;
’S fearr dhomh sin na posadh,
Ochòin ’s beag mo thaing ris.
Hill ù, &c.