CAIB. II.

AGUS chrìochnaicheadh na neamhan agus an talamh, agus an sluagh uile.

2 Agus chrìochnaich Dia air an t-seachdadh là obair a rinn e; agus ghabh e fois ^{[rinn e tàmh. ]} air an t-seachdadh là o obair uile rinn e.

3 Agus bheannaich Dia an seachdadh là, agus naomhaich se e: do bhrì’ gur ann air a ghabh e fois o obair uile, a chruthaich Dia agus a rinn e.

4 ’Siad so ginealaich nan neamh agus na talmhainn, ’nuair a chruthaicheadh iad, san là’n d’rinn an Tighearna ^{[Jehobhah. Eabh.]} Dia an talamh agus na neamha.

5 Agus cha robh uile phreas na machrach fathast anns an talamh, agus cha d’fhàs fathast uile lus na machrach ^{[Agus gach uile phreas na machrach mu’n robh e anns an talamh, agus gach uile lus na machrach mu’n d’fhàs e. ]} ; do bhrì’ nach d’thug an Tighearna Dia air uisge frasadh ^{[sileadh. ]} air an talamh, agus cha robh duine ann a shaoithreachadh na talmhainn.

6 Ach chaidh ceò suas o’n talamh, agus dh’uisgich e aghaidh na talmhainn uile.

7 Agus dhealbh an Tighearna Dia an duine do dhuslach na talmhainn: agus shéid e ann an cuineinibh ^{[pollaibh, pollaraibh, coi’lionaibh. ]} a shròine anail na beatha; agus dh’ fhàs an duine ’na anam beò.

8 Agus shuidhich ^{[phlaondaich, dheasaich. ]} an Tighearna Dia gàradh ^{[lios. ]} ann Eden ’san airde ’n ear, agus chuir e ann an sin an duine a dhealbh e.

9 Agus thug an Tighearna Dia air gach uile chraoibh fàs as an talamh a ta taitneach do’n t-sealladh, agus math a chum bìdh: craobh na beatha mar an ceudna ann am meadhon a’ ghàraidh, agus craobh an eòlais mhaith agus uilc.

10 Agus chaidh abhainn ^{[amhainn. ]} a mach a h-Eden a dh’uisgeachadh a’ ghàraidh; agus as sin roinneadh i, agus dh’fhàs i ’na ceithir cheannaibh ^{[as sin sgaoil i, agus dh’fhàs i ’na ceithir meuraibh. ]} .

11. ’Se ainm na ceud aibhne Pison; so i a ta cuartachadh tìre Chabhilaih uile, far am bheil òr.

12 Agus a ta òr na tìre sin math: ’an sin ^{[ann an sin. ]} a ta bdellium agus a’ chlach onics.

13 Agus ’se ainm na daradh aibhne Gihon: ’si sin a ta cuartachadh tìre Chuis ^{[Arabia; Ethiopia. Sasg.]} uile.

14 Agus ’se ainm na treas aibhne Hiddecel: ’si sin a tha dol do’n taoibh an ear do Assiria. Agus ’si’n ceathramh abhainn Euphrates.

15 Agus ghabh an Tighearna Dia an duine, agus chuir se e ann an gàradh Edein, g’a shaoithreachadh ^{[dheasachadh. ]} agus g’a ghleidheadh.

16 Agus dh’àithn an Tighearna Dia do’n duine, ag ràdh, Do gach uile chraoibh ’sa ghàradh feudaidh tu itheadh gu saor:

17 Ach do chraoibh an eòlais ^{[shios. ]} mhaith agus uilc, cha’n ith thu dh’i sin;

18. Agus thubhairt an Tighearna Dia, Cha ^{[Cho. ]} ’n’eil e math gu’m biodh an duine ’na aonar: Ni mi dha còmhnadh ^{[cunghnamh. Eir.]} d’a réir féin ^{[a bhios iomchuidh dha, cosmhuil ris féin. ]} .

19 Agus dhealbh an Tighearna Dia as an talamh uile bheathaiche na machrach, agus uile eunlaith nan speur, agus thug e iad a chum Adhaimh, a dh’fhaicsinn cionnas a dh’ainmicheadh e iad: agus ge b’e ainm a thug Adhamh air gach creutair beo ^{[thug e iad a dh’ ionnsuidh Adhaimh, a dh’fhaicsinn ciod a ghoireadh e dhiubh: agus ge b’e air bith a ghoir Adhamh do gach uile chreutair beò. ]} , b’e sin a b’ainm dha.

20 Agus thug Adhamh ainmeana do’n spréidh uile, agus do eunlaith nan speur, agus do uile bheathaichibh na machrach: ach do Adhamh cha d’fhuaradh còmhnadh d’a réir féin.

21 Agus thug an Tighearna Dia air codal trom tuiteam air Adhamh, agus choidil e: agus ghabh e h-aon d’a aisnibh, agus dhùin e ’n fheoil suas ’na h-àite.

22 Agus thog ^{[rinn. ]} an Tighearna Dia an aisean a thug e o’n duine suas ’na mnaoi, agus thug e i chum an duine.

23 Agus thubhairt Adhamh, So a nis ^{[a nois. Eir.]} cnàimh dom’ chnàmhaibh, agus feoil dom’ fheoil-sa: goirear bean ^{[isha. Eabh.]} dith, do bhrì’ gur ann as an duine ^{[ish. Eabh.]} thugadh i.

24 Air an aobhar ^{[àdhbhar. ]} sin fàgaidh fear athair agus a mhàthair, agus dlù-leannaidh se r’a mhnaoi; agus bithidh iad ’nan aon fheoil.

25 Agus bha iad le chéile lomnochd, an duine agus a bhean; agus cha robh nàir’ orra.