CAIB. XXIII.

AGUS bha Sarah beo ceud agus seachd bliadhna fichead ^{[bha Sarah ceud agus seachd bliadhna fichead a dh’aois. ]} ; b’iad so bliadhnacha beatha Sharaih.

2 Agus fhuair Sarah bàs ann an Ciriat-arba; ’se sin Hebron ann an tìr Chanaain: Agus thàinig Abraham a dheanamh tuiridh ^{[bròin. ]} air son Sharaih, agus a chaoidh ^{[a ghul, a chaoineadh. ]} air a son.

3 Agus dh’éirich Abraham suas o làthair a mhairbh, agus labhair e re mic Het, ag ràdh,

4 Is coigreach agus fear-cuairt mise maille ribh: thugaibh dhomh sealbh àit’ -adhlaic ^{[tuama. ]} maille ribh, agus gu’n adhlaic mi mo mharbh as mo shealladh ^{[a m’ làthair. ]} .

5 Agus fhreagair mic Het Abraham, ag ràdh ris,

6 Eisd ruinne, mo thighearna: is uachdaran ^{[prionnsadh. ]} cumhachdach thusa ’nar measg-ne; ann an roghainn ^{[roghadh. ]} ar n-àiteachan-adhlaic, adhlaic do mharbh: cha chum duine ’nar measg-ne àit’ -adhlaic uait, gu d’ mharbh adhlac ann ^{[cha bhac duine ’nar measg-ne dhiot do mharbh adhlac ’na àit’-adhlaic. ]} .

7 Agus dh’éirich Abraham suas, agus chrom se e féin do mhuinntir na tìre, eadhon do mhic Het.

8 Agus labhair e riu, ag ràdh, Ma’s àill leibh ^{[ma’s e ar toil. ]} gu’n adhlaicinn mo mharbh as mo shealladh, éisdibh rium, agus labhraibh air mo shon ^{[guidhibh, deanaibh maoidhean as mo leth. ]} re h-Ephron mac Shohair;

9 Chum as gu’n d’thoir ^{[gu’n toir. ]} e dhomh uaimh Mhachpelaih a ta aige, a ta ann an crìoch achaidh ^{[fhearainn, a raoin. ]} air son uiread airgid ’s is fiu ^{[fiach. ]} i, thugadh e dhomh mar sheilbh àit’ -adhlaic ’nar measg-sa.

10 Agus bha Ephron ’na chòmhnuidh am measg chloinne Het. Agus fhreagair Ephron an t-Hiteach Abraham ann an éisdeachd cloinne Het, eadhon gach neach a chaidh steach air geatadh a bhaile-san, ag ràdh,

11 Na biodh e mar sin ^{[Ni h-eadh. ]} , mo thighearna, éisd rium: an t-achadh bheir mi dhuit, agus an uaimh a ta ann, bheir mi dhuit i; ann an làthair mhac mo dhaoine bheir mi dhuit i: adhlaic do mharbh.

12 Agus chrom Abraham e féin sìos ’an làthair muinntir na tìre.

13 Agus labhair e re h-Ephron, ann an éisdeachd muinntir na tìre, ag ràdh, Ach ma bheir

14 Agus fhreagair Ephron Abraham, ag ràdh ris,

15 Mo thighearna, éisd rium: is fiu an t-achadh ceithir cheud secel airgid; ciod sin eadar mis’ agus thusa? uime sin adhlaic do do mharbh.

16 Agus dh’éisd Abraham re h-Ephron, agus thomhais Abraham do Ephron an t-airgiod, a dh’ainmich e ann an éisdeachd mhac Het, ceithir cheud secel airgid, a ghabhas an ceannaiche ^{[marsanta. ]} .

17 Agus rinneadh achadh Ephroin, a bha ann am Machpelah, a bha fa chomhair Mhamre, an t-achadh, agus an uaimh a bh’ ann, agus gach craobh a bha ’san achadh, a bha ’na chrìch uile mu’n cuairt,

18 Daingean do Abraham mar sheilbh, ann an làthair cloinne Het, am fianuis gach neach a chaidh steach air geatadh a bhaile-san.

19 Agus ’an déigh sin dh’adhlaic Abraham Sarah a bhean, ann an uaimh achaidh Mhachpelaih, fa chomhair Mhamre: is e sin Hebron ann an tìr Chanaain.

20 Agus rinneadh an t-achadh, agus an uaimh a ta ann, daingean do Abraham, mar sheilbh àit’ -adhlaic le mic Het.