CAIB. III.

A NIS bha ’n nathair ^{[aithir. ]} ni bu sheòlta ^{[innleachdaiche, raideile, shiteile, charaiche, chuilbheartaiche. ]} na h-aon do bheathaichibh na machrach a rinn an Tighearna Dia; agus thubhairt i ris a’ mhnaoi, Seadh, an dubhairt Dia, Cha ’n ith sibh do gach craoibh ’sa’ ghàradh?

2 Agus thubhairt a’ bhean ris an nathair, Do mheas craobhan a’ ghàraidh feudaidh sinn itheadh:

3 Ach do mheas na craoibh a ta ann am meadhon a’ ghàraidh, thubhairt Dia, Cha’n ith sibh dheth, agus cha bhean sibh ris, a chum nach fuigh sibh ^{[an t-eagal gu’m suigh. ]} bàs.

4 Agus thubhairt an nathair ris a’ mhnaoi, Gu cinnteach cha ’n fhuigh sibh bàs:

5 Oir a ta fios aig Dia, ’san là a dh’itheas sibh dheth, gu’m fosgailear bhur ^{[ar. ]} sùilean, agus gu’m bi sibh mar dhée, fiosrach air math agus air olc.

6 Agus chunnaic a’ bhean gu’n robh a’ chraobh math a chum bìdh, agus gu’n robh i taitneach do ’n t sùil ^{[na sùilibh. ]} , agus ’na craoibh r’a miannachadh a dheanamh neach glic; agus ghabh i d’a meas agus dh’ith i, agus thug i mar an ceudna d’a fear maille ria, agus dh’ith e.

7 Agus dh’fhosgladh an sùile le chéile, agus dh’aithnich iad gu’n robh iad lom-nochd; agus dh’fhuaigh iad duilleach croinn-fhìgis r’a chéile, agus rinn iad dhoibh féin aprain ^{[criosan. Eabh.]} .

8 Agus chual’ iad guth an Tighearna Dé ag imeachd ^{[a’ spaisdeireachd, a’ sràid-imeachd. ]} ’sa’ ghàradh am fionn-fhuaireachd an là: agus dh’fholaich Adhamh agus a bhean iad féin o ghnùis an Tighearna Dé am measg chraobh a’ ghàraidh.

9 Agus dh’éigh ^{[ghoir, ghairm, ghlaodh. ]} an Tighearna Dia air Adhamh, agus thubhairt e ris, C’àit’ am bheil thu?

10 Agus thubhairt e, Chuala mi do ghuth ’sa’ ghàradh, agus bha eagal orm a chionn gu’n robh mi lom-nochd ^{[a chionn mi bhi rùisgte. ]} , agus dh’fholaich mi mi féin.

11 Agus thubhairt e, Cò dh’innis dhuit gu’n robh thu lomnochd? An d’ith thu do ’n chraoibh, a dh’àithn mise dhuit gun itheadh dhith?

12 Agus thubhairt an duine, A’ bhean a thug thu gu bhi maille rium, thug ise dhamh do’n chraoibh, agus dh’ith mi.

13 Agus thubhairt an Tighearna Dia ris a’ mhnaoi, Ciod e so a rinn thu ^{[Go dé so a rinn thu? ]} ? agus thubhairt a’ bhean, Mheall an nathair mi, agus dh’ith mi.

14. Agus thubhairt an Tighearna Dia ris an nathair, A chionn gu’n d’ rinn thu so, tha thu mallaichte thar gach ainmhidh ^{[spréidh. ]} , agus thar uile bheathaiche na machrach: air do bhroinn imichidh tu, agus duslach ^{[ùir. ]} ithidh tu uile lài ^{[làethe, lathachan. ]} do bheatha.

15 Agus cuiridh mi naimhdeas eadar thus’ agus a’ bhean, agus eadar do shìols’ agus a sìol-sa: bruthaidh esan ^{[e-san, eisean. ]} do cheann, agus bruthaidh tusa a shàil-san.

16 Ris a’ mhnaoi thubhairt e Meudaichidh mi gu mòr do dhoilgheas agus do thoirrcheas; am péin beiridh tu clann, agus re t’fhear bithidh do thogradh ^{[iartus. ]} , agus bithidh uachdranachd aige ort ^{[os do chionn. ]} .

17 Agus re h-Adhamh thubhairt e, Do bhri’ gu’n d’éisd thu re guth do mhnà, agus gu’n d’ith thu do’n chraoibh a dh’àithn mise dhuit, ag ràdh, Cha’n ith thu dhith, tha’n talamh mallaicht’ air do shon; ann an doilgheas ithidh tu dheth uile lài do bheatha.

18 Agus droighionn agus cluarain ^{[oighionnach; loghannain. Eir.]} bheir e mach dhuit, agus ithidh tu luibh na machrach.

19 Am fallus ^{[sollus. ]} do ghnùis’ ithidh tu aran, gus am pill thu a dh’ ionnsuidh na talmhainn ^{[ùire. ]} ; oir aisde thugadh thu: oir is duslach thu, agus gu duslach pillidh tu.

20 Agus thug Adhamh Eubha mar ainm air a mhnaoi, do bhri’ gu’m bi màthair nan uile bheo i.

21 Agus rinn an Tighearna Dia do Adhamh agus d’a mhnaoi, còtaichean croicinn, agus chòmhdaich e iad ^{[dh’eudaich e iad, chuir a trusgan orra. ]} .

22 Agus thubhairt an Tighearna Dia, Feuch, a ta’n duine air fàs mar aon dhinn féin, fiosrach air math agus olc. Agus a nis an t-eagal gu’n sìneadh e mach a làmh, agus gu’n gabhadh e mar an ceudna do chraoibh na beatha, agus gu’n itheadh e, agus gu’m biodh e beo gu siorruidh:

23 Air an aobhar sin chuir an Tighearna Dia a mach e a gàradh Edein a shaoithreachadh na talmhainn, as an d’thugadh e.

24 Agus dh’fhògair e mach an