MARBHRANN DO NIALL MACGILL-EATHAIN (FUIDHEALL)

A’ BHLIADHNA trì fichead ’s a naoi,
’S goirt a’ ghaoir a tha ’s na bàigh.

Am fear mór anns ’n do chinnich an ciall
Is e air triall bhuainn leis a’ bhàs.
Dh’fhalbh thu bhuainn a Mhaighstir Niall—
’S iomadh fear fianais bh’ ort ’s gach càs.

Bu tu ’m britheamh air a’ chùirt,
Fear dùthchadh ’s an t-samhradh chruaidh;
Fhir gun leatrom gun chainnt chùil,
Cha bu tu ’n teanga leam is uam.