Oran Bachoil.

Air fonn, The bucket you want &.

HO rou mo bhobug an dram,
Ho rí mo bhobug an dram,
Ho rou mo bhobug an dram,
’S e chuireadh an soddan na m’ cheann.

Ho rou ghaolach an liunn,
Ho rí mo ghaolach an liunn,

Och óch! mo shólas am puinns,
Ho rou mo shólas am puinns,
Ho rí mo shólas am puinns,
’S tu chuireadh an togail fa m’ chuim.

Fheara ’n ar suighe ma ’n bhórd,
Le’r glaineacha crioghoil ’n ar dórn,
Na leanamait righin air ól,
Ma mill sinn ar bruighinn le ból.

Na tostachan siggeanta fial,
’G an aiseag go rige mo bhial;
Ba mhireagach stuiggidh, is triall,
Am marsal le ciogguilt roi’ m’ chliamh.

’S tu chuireadh na curaids’ ’s an tsluagh,
’N am cogaidh ri h aodainn na ’n ruag,
Go ’n olaimit sgailc dhiot go luath,
Ma sguidsemit slacain a truaill’.

’S tu dh’ fhagadh sinn taippi ’s an tóir,
’N am tarraing na ’n glas-lann ri sroin,
’Nuair thilgte na breacain do ’n tslógh,
’S a truaill, bheirt amach claidheamh-mór.

Go tu mo leannan glan úr,
Cha phóg me go dílinn u ’n cúil;
Ach phógainn, is dheobhlainn u rúin,
’Nuair thig u ’s Jacobus na d’ ghnúis:

An t ainm sin is fearr ata ann,
Ainm Sheimis a chuir air do cheann;
’S e thogadh a sogan fa m’ chaint,
’S a dh’ fhagadh go blasda mo dhram.

Fadaimit teine beag shíos,
Na lasraiche ciuin a ni gríos,
A gharas ar claguinn, ’s ar crí,
’S dh’ fhógras ar n airsteal, ’s ar sgíos.

Gur tu mo ghlaineag ghlan lom,
Mo leannan is cannaiche fonn;
Go d’ rinne tu dh’ fheammainn na ’n tonn,
Gur mór tha do cheanal na d’ chom.

O fair a ghaoil channaich do phóg,
Leig clannadh d’ a t anail fa m’ shróin,
Gur cubhrai lium fannal do bheoil,
No tuis agus mire na h Eorp.

O aisig a ghlaine do phóg!
Cuir speirid ’n ar teangamh go ceol;
An íocshlainte bheannaichte choir,
A leasaicheas anam is feoil!