In cuigeadh caibidil—d’ uairib in proinnighthi. Is i uair in proinnighthi antan bhis an t’ocarus fírinneach ann mar adubhrumar sa treas caibidil t’suas ocus is i uair is fearr sa tsamradh an uair is fuaire .i. roimh an teirt ocus an uair na hespartan ocus isi uair an éigentuis intan is éider le nech biadh d’faghbhail ocus is uime sin adeir g[alen] in libro de regemine sanitatis nach eidir le nech d’follamnacha na slainti do congmail acht a nech bes gan toirmisg o aon gnodugh

COLUMN XVII.

éigentach eile air ocus ag ambeit a chuingill saor in gach énní. Sa geimhredh, umorro, toghthar in uair bhus teo ocus mar an cétna don errach ocus don foghmhar oi rannchuidid ris in samradh ocus reis an geimhredh oir as annsna rannuibh is nesa don tsamhradh dibh dlighid in uair bheith mar uair an tsamhraidh ocus is na rannoibh is nesa don geimredh toghthar in uair bhus teo mesurrda.