[c]

---

[1]

Eoin an Aite

[2] [3]

---

[4]

Traon

Corncrake

Dreach
Fad 27.0cm.

Tha druim an traoin soilleir-dhonn le breacadh donn is dubh, tha a bhroilleach soilleir-dhonn le srian nas duirche agus tha a sgòrnan soilleir-dhonn. Tha a sgiathan ruadh is donn agus fo-itean earbaill geal. Tha mullach a chinn soilleir-donn le breacadh donn is dubh, tha a ghob soilleir ruadh agus tha a chasan dearg.

An Giblean – deireadh An Dàmhair

Tadhal
Chithear an traon ann an achaidhean agus ann am pàircean feòir.

Biadh
Fiolain, daolagan, cuileagan, seilicheagan, sìol.

Uighean
An Cèitean – An t-Og-mhìos; 7-12; Bàn is breac-ruadh.

[5]

---

[6]

Naosg
Common Snipe

Dreach
Fad 27.0cm

’S e eun beag boidheach a tha seo; furasda aithneachadh le ghob fada biorach. Tha mullach a chinn donn le striocadh bàn, tha strioc bhàn air a shuilean agus tha a ghob ruadh le bàrr dorch. Tha a dhruim agus a sgiathan donn le breacadh dubh is bàn, tha a bhroilleach donn le breacadh soilleir-dhonn agus tha a bhrù agus fo-itean earbaill geal. ’S ann soilleir-uaine a tha a chasan.

A’ fuireach

Tadhal
Fèithichean agus air a’ mhòintich.

Biadh
Boiteagan, daolagan, cuileagan, sìol, seilicheagan.

Uighean
An Giblean – An Lùnasdal; 4; Buidhe no uaine no donn le breacadh soilleir-dhonn.

[7]

---

[8]

Feannag
Hooded Crow

Dreach
Fad 47.0cm

Tha an fheannag ghlas furasda a h-aithneachadh le ceann dubh, a sgiathan dubh agus a druim glas. Tha a broilleach agus a h-earball glas cuideachd agus tha a casan dubh.

A’ fuireach

Tadhal
Air an oirthir, achaidhean agus anns na beanntan.

Biadh
Cuileagan, daolagan, gràinne, uighean le eòin eile, iseanan agus eòin bheaga, iasg is measan.

Uighean
An Giblean – An t-Og-mhìos; 3-6; Soilleir-liath le breacadh donn.

[9]

---

[10]

Deoch bhuidhe
Greenshank

Dreach
Fad 30.0cm

Tha a druim agus a sgiathan glas le breacadh liath agus geal. The mullach a cinn liath le breacadh glas agus tha a gob liath. ’S ann geal a tha a broilleach le breacadh glas, agus tha a brù agus fo-itean a h-earbaill geal agus a casan buidhe-uaine.

Eun imrich

Tadhal
Air an oirthir, inbhirean agus ann am fèithichean.

Biadh
Cuileagan, daolagan, boiteagan, iasg beag agus uaireannan losgannan beag.

Uighean
An Cèitean – An t-Og-mhìos; 4; Soilleir-bhuidhe le breacadh dubh-dhonn.

[11] [12]

---

[13]

Clamhan
Buzzard

Dreach
Fad 56.0cm

Tha mullach a chinn, a dhruim agus a sgiathan donn. Tha a bhroilleach donn is geal le breacadh donn, tha a chasan buidhe agus tha a ghob buidhe-liath.

A’ fuireach

Tadhal
Air a’ mhòintich, ann an creagan àrda, agus am measg choilltean.

Biadh
Rabaidean, bratagan, boiteagan, daolagan, dearcan luchrach, iseanan agus eòin bheaga.

Uighean
An Giblean – An Cèitean; 2 no 3; Geal is breac ruadh.

[14]

---

[15]

Cearc uisge
Moorhen

Dreach
Fad 33.0cm

Tha mullach a cinn agus a druim glas. Tha a maol agus a sùilean dearg agus tha a gob dearg le bàrr buidhe.
Tha a sgiathan agus a broilleach liath-ghlas agus tha fo-itean a h-earbaill geal. Tha a casan uaine le creabailtean dearg.

A’ fuireach

Tadhal
Linneachan, fèithichean monaidh, lochan uisge agus an cois aibhnichean.

Biadh
Measan, sìol, gràinne, fliodh, boiteagan, seilicheagan, cuileagan, daolagan, uaireannan uighean eòin eile agus iseanan.

Uighean
An Giblean – An t-Iuchair; 6-12; Soilleir-bhuidhe is breac donn.

[16]

---

[17]

Cuthag
Cuckoo

Dreach
Fad 33.0cm

Tha a’ chuthag glas air a feadh le strianagan geal air a broilleach. Tha a sùilean agus a casan buidhe. Tha a gob liath-bhuidhe.

An Giblean – An t-Sultain

Tadhal
Chithear i anns a h-uile àite.

Biadh
Bratagan, cuileagan, daolagan, damhain, boiteagan.

Uighean
An Cèitean – An t-Og-mhìos; 1-12; Chan eil aon dath a mhàin air uighean na cuthaige; ’S ann a bhitheas dath nan uighean a rèir cò an t-eun leis a bheil a’ nead anns am breith i a h-uighean.

[18]

---

[19]

Liath thruisg agus Sgiath dhearg
Fieldfare and Redwing

Liath thruisg
Dreach
Fad 25.0cm

Tha a sgiathan, a h-earball agus a casan donn. Tha mullach a cinn liath, tha a gob buidhe agus tha a druim dearg. Tha a h-earball dubh le bun liath. Tha a broilleach soilleir-dhonn-bàn le breacadh dorch-dhonn is dubh.

Uighean
An Giblean – An t-Iuchair; 5-6; Uaine no liath le breacadh ruadh.

Sgiath dhearg
Dreach
Fad 21.0cm

Tha mullach a chinn agus a dhruim donn. Tha a ghob dubh-dhonn agus tha strioch bhàn air a shuilean. Tha a sgiathan donn is ruadh-dhearg agus tha a bhroilleach geal le breacadh dorch-dhonn. Tha a chasan buidhe-dhonn.

Uighean
An Cèitean – An t-Iuchair; 4-6; Liath le breacadh ruadh.

Airson an dà eun:

Eun tadhail a’ gheamhraidh

Tadhal
Achaidhean.

Biadh
Measan, dearcan, cuileagan, boiteagan, seilicheagan, daolagan, bratagan.

---

[20]

Gealag bhuachair
Corn bunting

Dreach
Fad 18.0cm

Tha a druim agus mullach a cinn donn le breacadh dorch dhonn. Tha a broilleach agus a brù buidhe-ban le breacadh dorch-dhonn. Tha a sgiathan donn le breacadh dorch-dhonn is buidhe agus tha a h-earball dorch-dhonn. Tha a gob buidhe-liath agus tha a casan buidhe.

A’ fuireach

Tadhal
Faodar a faicean anns a h-uile àite ach gu h-àraidh air cnuic.

Biadh
Sìol fliodh, feur, duileagan, gràinne, daolagan, cuileagan.

Uighean
An Cèitean – An t-Iuchar; 3-5; Bàn no soilleir-dhonn le strìocadh dubh-donn.

[21]

---

[22]

Iolaire
Golden Eagle

Dreach
Fad 78.5 - 86.0cm

Tha mullach a cinn, a druim, a sgiathan, agus a broilleach donn. Tha a’ gob dubh le buidhe aig a bhun agus tha a casan iteach le troighean buidhe.

A’ fuireach

Tadhal
Beanntan, creagan agus coilltean àrda.

Biadh
Rabaidean, eòin bheaga (coilich fraoich is tarmachan), beathaichean marbh.

Uighean
Am Màrt no An Giblean; 2; Geal is breac-ruadh.

[23]

---

[24]

Gòbhlachan
Great crested grebe

Dreach
Fad 48.0cm

Tha mullach a chinn dorch-uaine is glas, agus tha a shùilean agus a ghob dearg. Tha a dhruim donn-ghlas agus tha a sgiathan donn-ghlas le strìoc gheal. Tha a bhroilleach agus a sgòrnan geal agus tha a chasan uaine.
Troimh an t-samhradh tha amhach donn-ruadh is geal agus anns a’ gheamhradh tha amhach geal.

A’ fuireach

Tadhal
Lochain uisge, inbhirean agus aibhnichean.

Biadh
Iasg, cuileagan, daolagan, maorach.

Uighean
An Giblean – An t-Iuchair; 3-4; Geal is bàn.

[25]

---

[26]

Muir-bhuachaill no Bun-bhuachaill
Great northern diver

Dreach
Fad 68.01 - 81.0cm

Tha mullach a chinn dubh, tha a shùilean dearg, a bhroilleach geal agus a chasan dubh is glas.
As t-samhradh tha a dhruim agus a sgiathan dubh le breacadh geal, tha a sgòrnan geal agus amhach geal le donn air cùl na h-amhach.

Eun tadhail a’ gheamhraidh.

Tadhal
An oirthir agus uaireannan air lochan uisge.

Biadh
Iasg, maorach, uaireannan feamainn.

Uighean
An t-Og-mhìos; 2; Donn, uaireanan le breacadh dubh.

[27]

---

[28]

Gealan an t-sneachda
Snow bunting

Dreach
Fad 17.0cm

Tha mullach cinn an eòin bhoireann ruadh is breac-dhonn. Tha mullach cinn an eòin fhireann ruadh is breac-dhonn anns a’ gheamhradh agus geal as t-samhradh. Tha druim gach eun donn is breac-dubh, tha a sgiathan donn is geal le breacadh dubh, tha am broilleach geal no bàn agus an casan dubh.
As t-samhradh tha an gob dubh agus anns a’ gheamhradh tha e buidhe-donn.

Eun tadhail a’ gheamhraidh

Tadhal
Air a’ mhòintich agus air an oirthir.

Biadh
Sìol feòir, sìol fliodh, cuileagan, uaireannan gràinne agus daolagan.

Uighean
An Cèitean – An t-Iuchair; 4-8; Bàn le breacadh dearg.

[29]

---

[30]

Amadan mòintich
Dotterel

Dreach
Fad 21.0cm

As t-samhradh tha mullach a chinn agus a dhruim donn-glas, tha a sgiathan dorch-dhonn is glas agus tha a bhroilleach soilleir-dhonn is bàn le strìoch gheal. Tha a bhrù dubh, fo-itean earbaill geal agus a chasan buidhe.
Anns a’ gheamhradh tha a dhruim soilleir-dhonn is bàn, tha a bhroilleach ruadh le strìoch gheal agus tha a bhrù buidhe-bàn.

An Cèitean – An Dàmhair

Tadhal
Beanntan agus uaireannan air a’ mhòintich agus air an oirthir.

Biadh
Cuileagan, daolagan, damhain, dearcan, uaireannan seilicheagan is boiteagan.

Uighean
An Cèitean – An t-Og-mhìos; 3; Soilleir-bhuidhe no ruadh is breac-donn.

[31]

---

[32]

Gealan beinne
Twite

Dreach
Fad 13.0cm

Tha mullach a chinn donn le strìocadh nas duirch, tha a sgiathan soilleir agus dorch dhonn. Tha a bhroilleach soilleir-donn-bàn le breacadh dorch-dhonn, tha a bhrù soilleir-donn-bàn le breacadh dorch agus tha a chasan dorch-dhonn.
Tha a dhruim soilleir-dhonn le breacadh dorch-dhonn is dubh ach tha bun earbaill a choillich pinc.
As t-samhradh tha an gob liath ach anns a gheamhradh tha e buidhe.

A’ fuireach

Tadhal
’S ann air a’ mhòintich a chithear e an còmhnaidh.

Biadh
Sìol fliodh, cuileagan, daolagan.

Uighean
An Cèitean – An t-Og-mhìos; 4-6; Gorm is breac ruadh.

[33] [34]

---

[35]

Iolaire iasgaich
Osprey

Dreach
Fad 51.0cm

’S ann air Gàidhealtachd na h-Albainn, a mhàin, a chithear an Iolaire iasgaich ann am Breatainn.
Tha a druim agus a sgiathan donn agus a broilleach geal. Tha mullach a cinn geal is breac-donn agus tha a sùilean buidhe le strìoch dhonn. Tha a gob dubh, a sgòrnan geal le breacadh donn agus tha a casan uaine.

Eun imrich

Tadhal
Chithear i an còmhnaidh faisg air uisge; air an oirthir agus aig lochan.

Biadh
Iasg.

Uighean
An Giblean – An Cèitean; 3; Geal is breac ruadh.

[36]

---

[37]

Pàraig
Storm petrel

Dreach
Fad 15.0cm

Tha i dubh air a feadh ach a mhàin gu bheil a h-earball geal.

A’ fuireach agus eun tadhail an t-samhraidh

Tadhal
An oirthir, air a’ mhuir agus anns na h-eileanan mu thuath.

Biadh
Iasg agus feamainn.

Uighean
An Cèitean – An t-Og-mhìos; 1; Geal.

[38]

---

[39]

Gearra-breac
Black guillemot

Dreach
Fad 34.0cm

Tha e dubh air fheadh, tha a sgiathan dubh-dhonn le blàr geal agus tha a chasan dearg.

A’ fuireach

Tadhal
Air an oirthir.

Biadh
Iasg beag, maorach, feamainn, cuileagan, daolagan.

Uighean
An Cèitean no an t-Og-mhìos; 2; Soilleir-bhuidhe no dubh ghlas le breacadh donn, no ruadh, no glas.

[40]

---

[41]

Calman creige
Rock dove

Dreach
Fad 33.0cm

Tha mullach a chinn agus a bhroilleach soilleir-gorm, tha a shùilean agus a chasan dearg agus a ghob glas. Tha a dhruim liath agus a sgiathan liath is dubh.

A’ fuireach

Tadhal
Air an oirthir agus am measg nan creag.

Biadh
Sìol, gràinne, buntata, maorach, feamainn.

Uighean
Am Màrt – An t-Sultain; 2; Geal.

[42]

---

[43]

Geadh bhlàr

White fronted goose

Dreach

Fad 66.0cm – 76.0cm

Tha a dhruim agus a sgiathan dorch-ghlas is donn, tha a bhroilleach agus a bhrù donn-ghlas is breac-dubh.

Tha mullach a chinn geal is donn ghlas, tha a ghob pinc agus a chasan orains.

Tha earball geal le meadhan dubh agus tha fo-itean earbaill geal.

Eun tadhail a’ gheamhraidh.

Tadhal

Fèithichean, inbhir agus achaidhean.

Biadh

Feur, seamrag, duileagan, gràinne, uaireanan buntata.

Uighean

Deireadh a’ Chèitein – an t-Og-mhios; 4–7; Bàn.

---

[44]