AN DÀMHAIR

Seargadh a’ tighinn anns na blàthan,
Gach lus is flùr a’ call an àilleachd,
An dath purpaidh bòidheach greannmhor

A dh’fhàg cho loinneil fraoch nam beanntan
A-nis a’ call a dhreach bha snuadhmhor
Ann an osag na gaoith’ tuatha;
Cuid dhen aimsir ciatach tìorail
’S cuid dhith coirbt’ a’ maoidheadh dìoghail —
Feasgar foghair triall ’na ghluasad
Mar ruidhleadh clach ri beinn nan uain’ -ghleann.