Na Hearadh

Tobraichean Uamh Uladal NB 078132

’S ann aig Màrtainn Màrtainn a tha a’ chiad chunntas cunabhalach air an dà thobair seo, a tha am broinn uamh shuas gu h-àrd an cliathaich na beinne. Tha e ag ràdh: “The largest and best fortified (cave), by nature, is that in the hill Ulweal, in the middle of a high rock; the passage leading to it is so narrow, that only one can enter at a time. The cave is capacious enough for 50 men to lodge in: it hath two wells in it, one of which is excluded from dogs; for they say if a dog do but taste of the water, the well presently drieth up: and for this reason, all such as have occasion to lodge there, take care to tie their dogs, that they may not have access to the water. The other well is called the dogs-well, and is only drunk by them. ” (112).

A rèir beul-aithris, bha uilebheist dom b’ ainm Ula a’ fuireach anns an uamh seo, gus na mharbhadh e le Dos Mòr Mac a’ Cheannaiche.

Tobar na Slàinte NB 1809

Tha ri ràdh gu bheil i seo shuas air sean rathad a’ Chliseaim.

Chan eil cinnt an-diugh càite an robh i.

Tobar Mhàraig

Tha cunntas aig Màrtainn Màrtainn oirre: “There is one remarkable fountain lately discovered near Marvag-houses, on the eastern coast, and has a large stone by it, which is sufficient to direct a stranger to it. The natives find by experience that it is very effectual for restoring lost appetite; all that drink of it become very soon hungry, though they have ate plentifully but an hour before: the truth of this was confirmed to me by those that were perfectly well, and also by those that were infirm; for it had the same effect on both. ” (111-112).

Tobar Amhainn Suidhe NB 0804

’S e tobar bheag tha seo, ’s i os cionn an rathaid aig ceann an iar baile Amhainn Suidhe. A rèir coltais bha an t-uisge math do dhaoine: bha iad ga faicinn mar‘mineral well’coltach ri uisge Strathpeffer.

An Tobar Ruadh

An Tobar Ruadh NF 020939

Tha i seo air taobh tuath an uillt, faisg air tursa cloich, am baile Bhuirgh.

Bha ri ràdh gun toireadh uisge na tobrach seo càil bìdh do dhuine sam bith a dh’òladh e, agus gu robh slàinte agus leigheas ann.

Tha Màrtainn Màrtainn ag ràdh mu thobair air an astar seo: “There is a well in the heath, a mile east from the village of Borve; the natives say that they find it efficacious against colic, stitches, and gravel. ” (112).

Tobar Chè NG 031992

Tha i seo air Eilean Tharasaigh faisg air làimh ri Teampall Chè.

Tobar a’ Ghobha NG 134916

Tha i seo air cruit ann an Leacan Lì.

Bha i airson droch stamaig no ceann goirt a leigheas.Tha ri aithris gur ann ro èirigh grèine no às dèidh dol fodha na grèine a bhiodh an Gobha ri toirt uisge aiste airson leigheas; tha ri ràdh gur e am bàrd Gobha na Hearadh a bha seo.

Tobar Chuidinis NG 8709

Tha i seo shìos anns na lotaichean, ann an Cuidinis. (Cruit Aireamh 6).

Bha iad a’ cleachdadh an uisge aiste airson slàinte: Dr MacNab às an Ob a’ toirt botail uisge aiste airson daoine a bha bochd.

Tobar na Slàinte NG 021866

Bha i seo anns an Ob, tarsainn air an drochaid, air taobh deas an rathaid. Bha i math gu slàinte a thoirt do dhaoine. Bhiodh làn mòr ga lìonadh ach bhiodh i glan an ceann trì là.

Tobar na h-Annaid NF 975846

Tha i seo air Cillegraigh, faisg air a’ chladh, os cionn Caolas Sgàire eadar an t-eilean agus Easaigh. Tha làrach Teampall na h-Annaid faisg air làimh. Tha ‘annaid’ a’ comharrachadh làrach seann eaglais.Tha an t-ainm ri fhaighinn cuideachd an Suaineabost ’s an Siadar a’ Chladaich agus anns na h- Eileanan Seunta.