Uibhist a Tuath

Tobar Leathad Ularaigh

Tha i seo an Eilean Bheàrnaraigh agus faisg air Sgorr na Gruagaich. Bha daoine a’ creidsinn gum bu toigh le gruagach a bhith faisg air uisge. ’S e uisge na tobrach seo a b’ fheàrr a bha anns an eilean.

Tobar Chaluim Chille

Tobar Chaluim Chille NF 873765

Tha i seo shuas taobh Phort nan Long agus deas air a’ Chlachan.

Tha Beveridge (1911) ag ràdh: “Fully half a mile to the south is an old well, now disused but still bearing the title of Tobar Chaluim Chille. ” (278).

Tha i an cunnart talmachadh, ach thathas ga glanadh an-dràsta ’s a-rithist.

Tobar Crò Naomh

Bha i seo ann an Sannda.Tha Carmichael (1900) ag ràdh: “This one cannot be located, the extensive and once populous district being now almost uninhabited. ” (260).

Tobar nan Sagart/ Tobar nan Cupan NF 838787

Tha an tobar seo faisg air Cladh Ard a’ Mhorain, agus air a’ chrois a tha anns a’ chreig.

Tha Pochin Mould (1953) ag ràdh: “Nearby (to the cross) there is said to be a well called the Well of the Priest or the Well of the Cups, but I did not satisfactorily identify it, though there certainly were several small springs close to the cross. The cups refer to a cup-marked stone. ” (140-141).

Tha Stornoway Gazette (11/1/ 77) ag ràdh: “The cross is 200 yards west of the burial ground. Some yards to the south-east of the cross a holy well overflows on to the shingly beach. Local names for it are ‘well of the priest’ and ‘well of the cross’. ”

Tobar Bhàlaigh

Bha i seo am Pàirc nan Each. Bha ri ràdh gu robh an t-uisge anns an tobair seo coltach ri uisge a gheibhist anns an Tobar (Strathpeffer).

Tobar Mheithinis NF 712732

Tha i seo anns a’ chladach a-muigh air Rubha Mheithinis, an iar air Baile Loch. Bha i na tobair slàinte.Tha fìor chuimhne aig tè a bràthair deoch iarraidh aiste ’s e ri uchd bàis.

Tobar Chuidhearaidh

Tobar Chuidhearaidh NF 809695

Tha i seo an ear air Rathad na Comataidh agus air slios a deas Mhairebhal.

Bhiodh daoine a’ dol thuice airson an dèididh, ’s cha chanadh iad facal air an t-slighe thuice, ’s gus an òladh iad deoch aiste. Bhiodh iad a’ fagail bonn airgid no tiodhlac air choreigin air an lic chloiche ri taobh, agus an uair sin a’ dol air an glùinean agus ag ràdh an rainn:

Tha mise a’ fàgail dèideadh
Lèireadh gus cnàimh mo chinn
Anns an tobair nach tràigh a chaoidh,
An ainm an Athar, A’ Mhic ’s an Spiorad Naoimh.

Tha Carmichael (1900) ga h-ainmeachadh mar ‘Tobar Chuidh-airidh’, ‘Tobar an Dèididh’, ‘Tobar na cnoidh’ (well of the worm)agus ‘Tobar cnuimh fhiacail’ ( ‘well of the tooth worm, from a belief that toothache is caused by a worm in the tooth’) .
(2, 11).

Tobar na Trianaid NF 815602

Tha i seo mu cheartail a’ mhìle an iar-dheas air Teampall na Trianaid ann an Càirinis.Tha Beveridge (1900) a’ sgrìobhadh: “Two hundred and fifty yards south-west of the twin chapels(Teampall na Trianaid agus Teampall Clann Mhic a’ Phiocair)isTobar na Trianaidwhich in all probability served as the well in connection with them. This is lined with a wall, and although but recently disused is very shallow and of distinctly uninviting appearance.” (288).

Tha anOS Name Bookag ràdh: “This name signifies The Trinity Well and is applied to the well situated about 12 chains to the South West ofTeampall na Trianaid.”

Bha Alasdair Dòmhnallach à Càirinis ag aithris gum biodhte a’ tighinn thuice à Uibhist a Deas air Là na Trianaid, suas gu na 1840an.

Dhùin fear on uair sin i: bha i ri bàthadh nan uan air.

Tobar na Leighis NF 816603

Bha i seo an Càirinis, tuath air Teampall na Trianaid agus na b’ fhaisge air a’ chladach na bha i air Cnoc na Trianaid.Tha i tachdte le seileasdar.