Uibhisteach nach tug cead dhuinn ainm innseadh

— — —— a dh’aindeoin na leugh sinn, tha 90% de mhuinntir Uibhist air a shon.

Gheibh sinn rathaidean nas fheàrr, cidheachan nas fheàrr, is a leithid sin. Is dòcha ann an ceann deich bliadhna gum bi na rocaidean so air chùil an t-seanachais, agus gum bi làraichean sement air am fàgail air a’ mhachair, ach bithidh na rathaidean, na drochaidean is na cidheachan fhathast ri’m faicinn.

Chaidh móran a ràdh mu chànain is mu “chulture” nan Eileanan, ach thainig iad sin air uachdar an deidh dà chogadh agus an deidh do’ n R. A. F. agus do na Pólaich a bhith ann am Beinn-a- Bhaoghla rè a’ chogaidh mu dheireadh, agus chan eil mi ’n dùil gun cuir dha no trì rocaidean móran dragh air na gnothaichean sin.