“Looking Back, ”le Diùc Chataibh.
Clo-bhuailteOdhams Press, Ltd.25/-

Tha Diùc Chataibh suas ri tri fichead ’s a deich, agus chunnaic e sianar air Cathair Rìoghail Bhreatainn ’na là. Mar sin, tha an leabhar so làn le eachdraidh agus le gliocas, agus tha e a’ toirt dhuinn seallaidh air duine a tha iongantach ann fhéin. Fear a chunnaic cogadh ann an ceàrnan iomallach an t-saoghail agus a chanadh “caraid” ri feadhainn leithid Ramsay Macdonald agus Churchill.

Tha an leabhar a’ toirt iomraidh air eachdraidh an Teaghlaich Chataich, agus chan eil teagamh nach robh buill de’n teaghlach sin mór agus iomraiteach ’nan là. Ach tha feadhainn a chuireadh teagamh ann an cuid de na tha an Diùc ag ràdha mu na rinn a dhaoine as leth na Gaidhealtachd. Chan eil eachdraidh balbh fhathast mu na làithean anns an deachaidh droch dhìol a dheanamh air na mìltean ann an Cataibh ri linn an tuath a chur far an fhearainn. Ach ’s gann gun

sùilicheamaid air ball de’n teaghlach na rudan mì-chneasda sin a thoirt gu solus an latha ’n diugh.

Tha móran de dh’ eachdraidh na Pàrlamaid Bhreatannaich bho chionn leth-cheud bliadhna an so, oir bha an Diùc an dlùth cheangal ri móran de na bha a’ dol. Ach chan e an eachdraidh sin brìgh an leabhair idir. Tha na rudan as gasda a tha ann mu làithean òga an Diùc fhéin—an uair a chaidh e suas ann amballooncòmhla ri Rolls, na tursan a bha e a’ sealg ann an coilltean uaignidh Afraca, agus rudan mar sin. Is ann anns na cùnntasan sin a chì sinn brìgh agus spiorad fear de fhìor dhaoine móra na h-Albann. F. McD.

[Sanasan]