Rothairean-Motair

Le IAIN MACNEILL

THA Rothairean-motair(Motor-Cycles) ,a’ fàs nas cumanta a h-uile latha aig an òigridh, agus gu h-àraidh aig an àm so dhe ’n bhliadhna nuair a tha muinntir nam bailtean airson nas urrainn dhaibh a dh’ùine a chur seachad a-mach air an dùthaich. Tha iad cheart cho cumanta anns na h-àiteachan dùthchail far a bheil na sgìrean pìos o chéile ’s na busaichean ainneamh.

Feumaidh sibh a bhith sia-bliadhn’ deug ma faod sibh a dhol air rothar-motair. Tha mi fhéin am beachd fear a cheannach agus thug mi sgrìob air feadh nam bùthan a dh’ fhoighneachd mu’n liuthad seòrsa th’ ann.

Aon fhear a chòrd rium uabhasach math ’se B.S. A., C15. ’Se inneal 250cc tha so agus tha móran dhiubh gan reic ri luchd-ionnsachaidh oir ’se am fear as cumhachdaiche a dh’ fhaodas iad a chleachdadh gu ’m faigh iad cead-a- rathaid. Aon uair is gum faigh sibh an cead so faodaidh sibh inneal nas cumhachdaiche a chleachdadh agus tha B.S. A. a’ deanamh A.50 agus ’se 500cc a th’ anns an inneal so. Tha am fear so air a bhith air a’ mhargaid o chionn fada ach tha e air ath-ùrachadh.

Tha e nas aotruime, tha barrachd greasad(acceleration)aige agus nì e astar nas fhaide air a’ ghalan.

Tha na h-innealan aigTRIUMPHcuideachd gu math cumanta agus airson luchd-ionnsachaidh tha an “Tiger Cub” aca math. ’Se inneal 200cc tha so agus ’sè fear dhe ’n fheadhainn as saoire dhe ’n t-seòrsa tha ri fhaighinn. ThaTRIUMPHcuideachd a’ deanamh innealan cumhachdach—650cc. ’Se sin “Thunderbird” agus “Bonneville.” Tha deagh ghreasad aca agus is suarach am fuaim a ni iad mu choinneamh an cumhachd.

’Se innealanTRIUMPHagus B.S. A. as trice tha daoine ceannach airson trì reusanan:

(1) Tha deagh ainm aca, gum faigh sibh luach ur n-airgid uapa.
(2) Tha na h-innealan aca furasda an cumail suas.

(3) Ma theid dad ceàrr orra gheibh sibh earrannan ùra ann am bùtha sam bith a tha reic nan innealan seach mar tha feadhainn eile dh’ fheumas sibh cur dha ’n tigh-cèairde gan iarraidh.

So agaibh na prìsean:

Seòrsa Prìs (Ur) Prìs (Ath-reic)
B S A. C 15 £193 19 0 1958— £68 0 0
1959— £85 0 0
B S A. A 50 £285 5 0 Ro ùr airson prìs ath-reic
TRIUMPH—Tiger Cub £166 4 0 1958— £65 0 0
1959— £77 0 0
Thunderbird £286 4 0
Bonneville £318 0 0 Ro ùr

Airson duine tha an dùil cur-seachad a dheanamh de rothairean-motair agus aig a bheil airgead is ùine gu leòr air a shon ’seNORTONis àbhaist dha chleachdadh.

Agus so cuimhneachan dhuibh ma tha rothar-motair agaibh no ma tha sibh an dùil fear a cheannach. Feuch gun cleachd sibh Clogaid airson ma thachras tubaist sam bith dhuibh gum bi ur ceann air a dhìon.