Maise Gnuis

Le EALASAID NIC A’ ROTHAICH

Na Laithean Saora

Tha an t-àm ann a nis a bhios sinn a’ toirt cuairt air falbh o ’n tigh—feadhainn againn a’ dol air astar fada—agus bithidh e uaireannan ’na dhragh dé ’s còir a thoirt linn agus dé fhàgail ás ar déidh. Innsidh mi dhuibh ann a so dé na rudan a dh’ fheumas sibh ma tha sibh go bhith cho brèagha ’s a ghabhas dèanamh roimh na làithean-saora.

Tòisichidh mi aig mullach a’ chinn.

1. FALT: Ma tha d’ fhalt curlach gu nàdurra chan eil cus dragh ann ach ma dh’ fheumas e “perm” fiach gum faigh thu e dhà no thrì sheachainean mu falbh thu, oir nì grian is sàl gu leòr air “perm” ùr. Thoir leat deagh ola no cungaidh airson d’ fhalt oir is àbhaist do ’n ghrian is do ’n t-sàl falt a thiormachadh agus bithidh e doiribh a chìreadh ’s a chur air dòigh.

2. AODANN. Chan fheum thu ach glé bheag a mhaise ghnùis aig an àm so ach tagh e gu cùramach. Chanainn gur e phùdar is cungaidh-stéidh as fheàrr—agus bi cinnteach gum bheil taiseachd ann.

Tha phùdar cruaidh so nas fhasa ghiùlan na fear prann a tha dualach air dortadh. Gabh phùdar nas doirche na tha thu cleachdadh oir chan eil dad nas miosa na phùdar soilleir air craiceann air a dhathadh leis a’ ghréin. Losgadh-na-gréine; gabh le beagan do ’n ghréin aig an toiseach co-dhiù. Ma ghabhas tu cus dhith bithidh e cràidhteach agus a bharrachd millidh e an craiceann.

Cuir ort dath-bhilean agus dath-shùilean nas soilleire na is àbhaist Tha dath-shùilean ùr anns na bùthan an dràsda— ’sann pinc a tha e agus bithidh do shùilean a’ coimhead nas motha leis.

Tha na pìosan cotain fliuch marQUICKIESglé mhath corra uair, ach ma chleachdas tu ro thric iad millidh iad craiceann lag. Thoir leat stuth-ùrachaidh-craicinn (Skin - freshener) ann am botulpolytheneagus pìos cloimh-cotan. Glanaidh e d’ aodann cheart cho math.

3. SNAMH: Ma tha dùil agad snàmh, tha deisean anns na bùthan cho brèagha’ s a chunnaic mi riamh. ’Se dathan dorcha as fheàrr, gu h-àraid mur eil thu cho caol is a bu mhath leat agus mar as plèin iad ’sann as fheàrr. Ma tha thu air a’ ghrian a ghabhail mar thà, fiach soilleir liath. Tha e gu h-àraid snog le dath-na-gréine.

4 CASAN: Thoir leat brògan comhartail—agus cha ghabh so a ràdh ro thric. Chan eil sàilean àrda comhartail idir air cho fasanta ’s gum bheil iad. Cuimhnich gun at do chasan leis a ghréin. Mar sin bi cinnteach gum bheil do bhrògan farsainn gu leòr.

[Dealbh]