Maise Gnuis

Le EALASAID NIC A’ ROTHAICH

“Falt trom, trom, dualach,
Falt buidhe mu do ghualainn.”

Cia mheud againn a tha a’ gabhail uimhir saothair ri ar falt ’s tha sinn ri ar n-aodann. An cuireadh t’ fhalt-sa aig an dearbh mhionaid bàrd gu bàrdachd? Gu tric tha aodann briagha air a chall air chùl

Bheir an Gruagaire cuideachadh dhut ma tha fear faisg ach faodaidh tu fhéin gu leòr a dhèanamh cuideachd.

Gabhaidh atharrachadh a thoirt air cumadh t’ aodainn ma tha am falt air a chur air dòigh gu h-innleachdach agus ma ghabhas tu beachd faodaidh tu na staoilichean fasanta—feadhainn aca gu math neònach—a leasachadh gus thu fhéin a thoileachadh.

So agaibh a’ chomhairle a bheirinn oirbh.

(1) Aodann fada. Na biodh am falt ro àrd air mullach do chinn ach biodh e air a mheudachadh aig na taobhanan. B’ fheàrr dhut gun e bhith fada idir, ach ma tha biodh air a thionndadh suas agus a-mach aig a bhàrr.

(2) Aodann beag. Biodh e àrd air mullach do chinn agus air na chunnaic thu riamh na cleachd logaidh-bheag.

(3) Aodann leathainn. Cùm am falt air falbh o d’ aodann. Sguab air ais e agus suas aig na taobhanan.

O chionn bhliadhanaichean a nis tha dath-cinn air fàs gu math cumanta agus cha mhór againn nach tug oidhirp air aig àm air choreigin. Ach ma tha thu am beachd fheuchainn fàg aig a’ Ghruagaire an obair so. ’S iomadh rud neònach a dh’ fhaodas thachairt ma dh’ fheuchas tu fhéin air—chan ann a-mhàin ann an dath iongantach ach dh’ fhaodadh tu call a dhèanamh cuideachd. Leig leis an fhear-ciùird a dhèanamh dhut.

Ma dh’ atharraicheas tu dath d’ fhuilt cuimhnich gum feum thu do Mhaise Ghnùis atharrachadh cuideachd. Na dathan a fhreagras “Gruagach òg an fhuilt bhàin” cha choimhead iad uabhasach math air “Mo nighean donn.”

Mar sin gabh barrachd saothair ri d’ fhalt—bruisig gu math e, ceud buille gach latha. ’S mór am piseach a thig air.

’S dòcha ma bheir sinne oidhirp air ar falt a chur air dòigh gu tlachdmhor gun toir so air na gillean tilleadh gu staoilichean fireann a rithist ’s gum fàg iad am falt fada aig na nigheanan.

Cho math is gum bheil Na Beatles is Na Rolling Stones ’se gruag nam ban a chuireas na bàird gu moladh.