FIATH

Le DOMHNALL R. MOIREASDAN

(Scalpaigh na Hearadh)

Bhàsaidh a’ ghaoth,
thuit i air an raoin marbh,
tha clos an diugh sgaoilt
tha fois air tighinn air craos na fairg’,
an Samhradh fo bhraon,
tha coisir nan craobh gun mheirg,
tosdachd ro-naomh ’na laigh air
fraoch an leirg,
suaimhneas ro-chaomh ann
an uaigneas an aog-shàimh bhailbh,
blàthan is fraoch tairis gun ghaoid fo sheilbh,
maitheasan faoil, taitneach air saoghal coirbht?