Fasanan Ura

Le C. C. D.

BHON a tha Ealasaid Nic a’ Rothaich ag innse dhuibh dé an aire dh’ fheumas boireannach a thoirt dhi fhéin nuair a bhitheas i a’ giùlan pàisde, smaoinich mi gum feumadh i a bhith air a còmhdach a réir sin agus so agaibh taghadh a rinn mi air aodach freagarrach. Agus gu dearbh chan eil leisgeul sam bith an diugh, leis na bheil ann de dh’ aodach briagha, gun i bhith air a deagh chòmhdach.

Chan eil té sam bith airson móran a chosg air aodach nach mair ach ùine ghoirid. Canaidh iad riut anns na bùthan ma bheir thu pìos a-stigh a sud is gréim a so, gun dean e feum a rithist ach có againn a dh’ iarras feum a thoirt ás, aon uair is gu bheil an gnothach seachad. Tha sinn ro sgìth dheth! Agus co-dhiùbh, co aig tha fios nach bi sinn feumach air a rithist mar a bha e!

So ma tha an t-aodach as feumaile, saoilidh mi, agus mar a chì sibh, faodaidh sibh na seann gheansaidhean a chosg le dreas mar so.

[Dealbh]
1. Pini de dh’ aodach cloimheadh ann am breacan dubh is geal.
Cruachainn 36 ins-42 ins. £4 9 6
Cruachainn 44 ins. – £4 15 0

2. Air neo an sgiort so ann an gorm, dubh no glas.
Cruachainn 36 ins. -42 ins. – £2 9 6
Cruachainn 44 ins. – – £2 12 6
agus an t-seacaid bheag airson a bhith air uachdar do gheansaidhean fhéin a rithist, ann an dearg, òr, liath, no turquoise.
Cruachainn 36 ins. -41 ins. – £2 15 0

3. Tha briogais cuideachd anabarrach feumail agus blàth nuair a bhios a’ ghaoth o ’n Ear agus cearcan ri ’m biathadh is bó ri bleoghainn.

Gheibh sibh i so ann an dubh, mink agus gorm.
Cruachainn 36 ins. - 42 ins. – £3 15 0
agus an léine ann anrayonair a bhruisigeadh: pàtaran-Pàislig liath no pinc.

Is còir gum faiceadh sin sibh troimh na ceithir na cóig a mhìosan mu dheireadh gu comhartail ach nam biodh sibh airson am barrachd airgid a chosg bhiodh léine no seacaid-bheag eile feumail airson atharrachadh.

[Dealbh]
4. Nam biodh sibh airson aon sgòt ceart cha dreachadh sibh ceàrr leis an sgiort agus an léine so ann am am breacantricel.
Cruachainn 36 ins. -42 ins. £6 15s. od.

Tha na tòimhsean a tha so a’ ciallachadh na cruachainn àbhaisteach. Gheibh sibh an t-aodach aig
Gigi ,
197 Sauchiehall St.,
Glasgow, C. 2.

Cuiridh iad ugaibh troimh ’n phost e ma dh’ ainmicheas sibh Gairm, agus gun cuir sibh uca an t-airgead. Mar a bi an t-aodach freagarrach gabhaidh iad air ri ais e.