Fasanan Ura

Le EITHNE NICNEACAIL

Tha “Crimplene” air a dhèanamh bho aon snàth fada de 100 per cent. Terylene. Gabhaidh e nighe le làimh no ann an inneal-nighe, cha ghabh e móran uisge, agus mar sin tiormaichidh e gu luath. Gleidhidh e a chumadh, gun sìneadh no gun dol a-steach. Chan eil feum aige air iarnaigeadh, ach ma chuireas sibh romhaibh sin a dhèanamh, iarnaigibh e air an taobh cheàrr le brat fliuch.

Tha “Crimplene” ri fhaotainn anns a’ chuid as motha de na bùthan ann an còtaichean, dreasaichean, sgiortan, briogaisean agus geansaidhean.

Is urrainn do “Chrimpene” a bhith air a cheannach ’na phìos, agus bu chòir e bhith nur cuimhne gu feum a lìnigeadh a bhith coltach ris a’ “Chrimpene” fhéin; nì “Viline” a’ chùis glé mhath.

(1) Tha a’ bhriogais “Chrimplene” a tha so, le “Guards Lean-line”, a’ cosg mu £6 10s. Tha ’n geansaidh donn, le I. & R. Morley Ltd., a’ cosg mu £4 7s 6d.

(2) ’Se dreas dubh-ghorm a tha so (le Jeannie, Aireamh 653), le sreath dhearg agus geal mu ’n amhaich is na h-achlaisean, a’ cosg £6 16s 6d. Gheibhear e cuideachd ann an natural, le sreath orainds agus donn, agus ann an turquoise, le òr-bhuidhe agus geal, no dubh-ghorm.