Seonaìdh MacLeoid, Na Hearadh

“Mar a tha cùisean timcheall seo, chanainn-sa nach robh a’ chuid as motha buileach leis a’ lagh ùr a bha naConservativesan dùil a thoirt a-staigh—bha iad a’ smaoineachadh gu robh e car fosgailte. Tha feadhainn an seo ’s chan eil ùidh aca ann an croitean agus dh’fhaodadh iad an reic, ’s dòcha, ri daoine nach cumadh a’ chroit a’ dol. Dheanadh seo milleadh air bailtean chionn mar a dh’fheumas daoine an obair—grazings committees,faingean—a dheanamh còmhla.

“Tha a’ chuid mhór a’ smaoineachadh gu feumadhclausea bhith ann gus am biodh e comasach do’nSecretary of State—no an Coimisean—stad a chur air a leithid sin a ghnothaich. Can, nan tigeadh duine lecheque booká Lunnainn bhiodh e mì-choltach gu faigheadh esan croit airson a bhith ann seachdain no dhà anns a’ bhliadhna. Ach tha daoine toilichte gu leòr cothrom fhaighinn an croit a reic ri fear a bha dol a dh’fhuireach innte ’s a’ dol ga h-obrachadh.

“Tha feadhainn—gu h-àraidh shuas taobh Leódhuis—airson gu faodadh iad croitean a cheannach gun riaghailtean—restrictionssam bith—gum biodh iad dìreach mar uachdarain—ach tha a’ chuid as motha an seo airson—ma dh’fhaodas daoine an croitean a cheannach—gum bi srian air choireigin ann.

“Tha e duilich dealbh cheart fhaighinn ach chanainn-sa gu bheil mu 80per centde na daoine an seo fàbharach cothrom fhaighinn an croitean a cheannach—aig suim reusanta.

“BhaUnionna Croitearan ag iarraidh gun ceannaicheadh màl fichead bliadhna a’ chroit. Tha mise de’n bheachd gur e sin an dòigh as fheàrr.”