Alasdair Eachann MacPhail, Tiriodh

“ ’Se an aon chunnart, ma thòisicheas móran a’ ceannach an croitean, gun reic iad a rithist iad ri daoine gun eòlas no ùidh an obair croite—daoine a bhiodh a’ fuireach anns na bailtean móra ’s nach biodh a’ deanamh nì riutha. Sin a’ rud as cunnartaiche.”

“Agus, a thaobh gu faodadhclausea bhith san lagh nach fhaodadh iad an croit a reic ri duine ás aonais cead o leithid a’ Secretary of State, ged a dh’fhaodadh sin a bhith a chum buannachd, cha bhiodh e, saoilidh mise, gu móran feum do dhuine croit a cheannach—cha bhiodh duine airson airgead mór a chur a-mach—mur a faodadh e a thoil fhéin a dheanamh rithe.

“Tha mise smaoineachadh gu bheil lagh na croite nas fheàrr mar a tha e—fhad’s nach biodh na h-uachdarain a’ gabhail a’ bhrath le màil mhóra.

“A thaobhnationalisation, cha bhiodh e, ’nam bheachd-sa fiadhaich math. A h-uile rud a chunnaic sinnenationalisedriamh tha sinn fhathast ri fhaicinn dé bhuannachd a bha ann: dh’ fhaodadh nach biodh e san fhearann nas motha.”