“AN GILLE DUBH”: TOMBACA SIUSAIDH

“An Gille Dubh” aig Siùsaidh;
“An Gille Dubh” as àille cruth,
’S e chuirinn-sa ’nam spliùcan.
“An Gille Dubh” aig Siùsaidh.

’S ann air “A’ ghille” bheir mi làmh
Cho tràth ’s gun dèan mi dùsgadh.
“An Gille Dubh” aig Siùsaidh.

’N uair a gheibh mi phìob air ghleus
Cha dèan mi fhèin a cùmhnadh.
“An Gille Dubh” aig Siùsaidh.

B’fheàrr leam e na punnd de chàch,
Gach là na faighinn unnsa,
Dhe’n “Ghille Dhubh” aig Siùsaidh.

’N uair lìonas mi an rùm le ceò
Bidh Anna ’s deòir o sùilean.
“An Gille Dubh” aig Siùsaidh.

Cho fiadhaich ris a’ chat air spòig:
“Na toir an còrr dheth ’n taobh seo!”
“An Gille Dubh” aig Siùsaidh.

“An Gille Dubh” as àille cruth,
’S e chuirinn-sa ’nam spliùcan.
“An Gille Dubh” aig Siùsaidh.