LXXXIV LOCH NAN GEÀRR

A-mach le’r cuid chòmhnard,
Le ’ur gàraidhean ròsan,
Far an àill le luchd-sòghalachd 9785
Còmhnuidh is tàmh;
Thoir dhòmhsa na sléibhtean
Dha’n còmhdach a’ chléiteag,
Chuir saorsa dhi fhéin iad
An éideadh a gràidh. 9790
O, Albainn gur miann leam
Do gharbhlaichean fiadhaich,
Ged is gailbheach, neo-thìorail,
Tha siantan mu’m bàrr;
Gun fhois leam ’s an ìosal, 9795
Ach goirteas ’nam inntinn
Ri osnaich bho’n chuidhtich mi
Glinn Loch nan Geàrr.

Le cas-cheum na h-òige
Gum b’ait leam do mhòinteach 9800
B’e am breacan mo chleòca,
’Gam chòmhdach gu làr;
’S b’e ùidh mo mhac-meanmna
Na diùnlaich a dh’ fhalbh bhuainn,
Bha cliùiteach ’nan aimsir 9805
An seanchas nam bàrd.
Chan iarrainn bho d’chéilidh
Gus sìoladh na gréine,
Gus an lìonadh le reultan
Na speuran gu h-àrd; 9810
’S bhiodh m’aigne air a biathadh
Le eachdraidh na thriall bhuainn
Aig seanachaidhean liath-cheannach
Sliabh Loch nan Geàrr.

Ar leam gun tig glaodh rium 9815
A osna na gaoithe,
Mar bhuaidh-ghairm nan daoine,
Bu chaomh leo bhith ann;
Mar ghàirdeachas anma
Nan àrmunn a dh’fhalbh bhuainn, 9820
A’ marcachd nan stoirmeadh
Air garbhlach nam beann.
Mu’n cuairt Loch nan Geàrr
Nuair is àird’ bhios am bùirean
Bhios sneachd ’ga sgiùrsadh 9825
A dh’ionnsaigh an làir;
Bidh taibhsean mo shinnsear
Nach d’ dhìobair am biùthas
Feadh neòil dhubh’ na dùldachd
Os cionn Loch nan Geàrr. 9830

Na ar n-éirigh gun sealbh,
’S bochd an targradh nach d’fhuair sibh
Thoirt sanais ’na uair
Nach robh buaidh dhuibh an dàn;
Ar binn gun robh leagta, 9835
Thug Freasdal mu’n cuairt e,
Nach coisneadh ar cruadal
Ach suaimhneas a’ bhàis.
Gur sòlas dha ’r cnàmhan
Na an làraichean ùdlaidh 9840
Bhith cnàmh anns an ùir
Anns ’m bu dùthchas dhaibh tàmh,
’S tha cuimhn’ air ar gaisge
Ann an eachdraidh nan lìnntean,
’S an caismeachd nam pìoban 9845
Feadh glinn Loch nan Geàrr.

Tha bliadhna no dhà
Bho’n là dh’fhàg mi do chùrsa,
Théid àireamh gu m’ chùl dhiubh
Mu’n tionndaidh mi nall; 9850
Nàdur cha d’ bhàirig ort

Blàthan no flùran,
Ach ’s àillidhe leams’ thu
Na Dùthaich nan Gall.
A réidh Shasuinn uaine 9855
Gur suarach do bhruthaichean,
Maol le fear-siubhal
A chunnaic na b’fheàrr;
Mo ghràdh-s’ air na fiadh-chreagan,
Fiaclacha dubha— 9860
A tha fiasag mu’m busan
Air sgùrr Loch nan Geàrr.