[hs][p.1r](1) ARON BARBA IARUS (2) PES UITULI .i. tri hanmanna in (3) gheidhir ocus is follus do r(4)eir rairis a leabur colliet co fuil in luibh so (5) tesaidi tirim isin .3. ceim ocus co fuil brig claechlaigthec seim dhiscailtech (6) a preimh na luibe sin
Ocus fognad co mor in luib so do (7) brised maille re blonuig mhuici ocus ceirin dibh ar na nescoidib fuara (8) ocus disgailidh ocus { seimi[ghi]dh } agus aipigth iat
ITEM gabtar a hurduil (9) do choinneill mhuire ocus a cur a mailin nua lin agus bruith co maith (10) ar uisci ocus cuirter te fon timtirecht ocus foraid flux emerouedas .(11) Item dentar pudur min { do } preimibh na luibhi so ocus cuirter isna cnaimibh (12) a mbia aimbhfeoil ocus foraid
ITEM tirmaidter prema na luibhi so (13) dentar pudur dib agus cumaiscter le mil no le huisci roisi ocus cumilter (14) don naigidh ocus sgrisidh a fathad ocus a bricidu ocus dobeir dath solus glan di
(15) Ocus adeir platiarius co fuilit .4. briga annsa luib so .i. (16) brig discailtec ocus brig cnaitech ocus brig lactac ocus brig thanaighach (17) gurub uime sin ordaighter hi a neslainti in cleib ocus a bruith ar linn ocus ola (18) ocus blonag muici ocus pudur cuma muire do cur trit ocus a cur na cerin ar ma(19)clag ocus foraid ocus is maith hi a naigid asma ocus drenna [*].
ITEM briss (20) in luibh so ocus { bruith } ar blonuig mathgamhna [*] ocus a fasgad ocus a chomilt don nucht (21) ocus dona maethaib ocus fairsingidhi in anal ocus bogaid in tucht
(22) ITEM gab na luibhi so do cur sa maclag mar pisanarium ocus toghairmid [p.1v](1) in fuil mista co nemcunntabartac ann ocus is moaite tairngis (2) da mbia buenedicta maille ris
Ocus adeir platiarius curub (3) mor benus na luibhe so a ngemrid ocus a samrad ocus is mor brig (4) a duille ocus is mo na sin do leth a premh ocus is romo na sin do leth na (5) meall bis uirri A prema do tirmugud ocus beiridh a brig innti re (6) bliadna cum gac neith da ndubramar
(7) [A]CASIA SUCUS PRUNELLARUM (6).\. i. tri hanmanna shugha na (8) nairnedh nanaipig agus ata sé fuar isin cetceim ocus is maith hí don lucht ar a bi sa(9)crum ighnimh .i. in teine dhiadh ocus don lucht ac a mbi tesaidecht (10) maille re fliuchaidecht na suiled ocus is maith he do lucht ac a bi bruth (11) no gairbhi ar a mbel .
ITEM adeir in fer cetna in tan teit in maclag (12) no in timtirecht amach . in sugh so do chumilt do gac ni dib (13) ocus impoghit astech da eisi ocus bit slan .
ITEM da tuicter in sug (14) sin amail digh co thoirmisgeann flux na bronn ocus disinteria
(15) [A]BSINT CENTOniCA PONTICUM (16) .i. tri hanmanna in mormont ocus ata (17) se tesaidi isin cetceim ocus { tirim } isin .2. ceim
Ocus adeir (18) auicenna in luib so do bruith ar uisci ocus a sithlogh co maith (19) ocus deoch dol de arnamarach ocus foraid gontach na brond ocus tinnes (20) in gaili ocus metaighi in dilegtha ocus in tochlugad isin gaile .
ITEM com(21)iltid in luib so ar leamhnacht bo ocus sithoiltid co maith ocus eabur (22) bog ocus marbaid lumbrisi .i. peisti faidi in gaili ocus na ninnedh
[p.2r](1) ITEM brister in luib so maille re finnaigra ocus faisgter tri etach (2) lin ocus cumilter don aigid ocus ni urcoigann cuile na miltoga (3) di in la sin .
ITEM coimil in luib cetna ar fin no ar linn ocus ta(4)buir do hol ocus foraid greim na con confaid ocus gac uile ainmhidhe (5) neimhe ele
ITEM dentar urbruith don luib so fon cluais ocus foiridh (6) in buidhre
ITEM cumusc in luib so maille re mil ocus curtar aen (7) braen di sa cluais ocus foirid siledh ocus salcur na cluas .
ITEM in sugh cetna (8) do coimilt don aigid ar a mbi gurma no drocdath o bualad no (9) o tuitim ocus dobeir dath maith uirri .
ITEM dentar ceirin don lus (10) cetna ocus do mil ocus foirid sginancia .
ITEM berbtar in luib sin ar uisci (11) ocus [*] innail a in ball a mbia bruth no gerba ocus bit slán
ITEM (12) coimilter in lus so ar fin ocus eabur re ndul ar fairgi ocus ni sgeith(13)fe ocus ni digna in murgalar olc dó
ITEM curtar in lus sin a nadart (14) in eslain ocus togairmidh in codlad .
ITEM sugh na luibi so do cur (15) maille re domblas ae daim ocus a cur isin cluas ocus foirid buidhre ocus tarm (16) na cluas .
Et da cuirter in lus cetna a leabraib ocus a netaighaib uaisle (17) ni geinter leamhain inntu .
ITEM dentar ceirin don luib sin ocus do mhil .(18) ocus cuir ar druim na seilgi no in macluig ocus cid bé dib ric a leas (19) foirid é ona cruas ocus ona tinnes .
ITEM coimil sugh na luibhi (20) so do pulsaib na lam ocus na cos ocus coiscid righor ocus aixis (21) fiabruis intribulata .
ITEM gab sugh na luibi ocus sugh (22) indiuia comor do gac ni dibh ocus eabur a naigid cruais na (23) nae ocus na buidheacaire tic o linn ruad
ITEM gab sugh na (24) luibhi so ocus mil ocus uisci bocc ocus eabur ar cetlongad ocus foiridh (25) gac uile tinnes o tic o adbar detmur lenna ruaid nec eirgis (26) on ghaili cum in cinn
ITEM gab in sugh cetna . maille re finnaigra [p.2v](1) ocus uisci bocc ocus eabur ar cetlongad foirid sufocacio matrisis .
ITEM (2) brister in lus so ocus bruith ar fin co maith ocus cuirter ceirin de ar druim na (3) seilgi ocus na nae ocus foirid a cruas ocus a tinnes .
ITEM gab sug na luibi so (4) ocus mil ocus pudur cumin ocus cumusctar trit a ceile ocus cuirter mur ceirin ar (5) in mball teit an { guirme } no an drochdath ocus foirid . ocus fos togairmidh (6) in fuil mista
Ocus adeir galen a leabar na ceimeann co fuil folmugad (7) lenna ruaid co hoireda ocus lenna finn co tanaiste ocus co hairithi o bel in gaili
(8) Et adeir galen san inedh cetna co fuilit da brig contrardha annsa morm(9)ont .i. brig lacthach ocus brig oslaictec Item brig lacthach uero i. in tan tecmus (10) na leanna arna dilegud isin gaili . o caitemh na luibi so folmaig(11)ther do leth a truma iat . Et in tan tecmus na lenna nemdilegtha (12) isin gaili . o caitemh na luibi so ramhraiter iat ocus metaigter (13) in nemdilegud on brig sdipecdha ata innti . Et folmmaigter linn ruad o (14) na cuislinib re nabthar miseracia uene ocus metaigidh in lus so in (15) tochlad ata co heasbadach o imarcraig lenna ruaid do beith isin gaile (16) Et is amlaid doberur í .i. tri .℥. do sugh na luibe sin ocus .℥. do (17) siucra geal arna cumusc co maith ocus lan leighi dol de ar (18) cetlongad gac lae co cenn nomaide
(19) [A]BROTANUM CAMPHORA :(18).\. .i. da ainm in tsuru(20)moint ocus ata si tesaidi annsa .2. ceim ocus tirim annsa (21) cetceim a berbad ar uisci ocus foirid cumgac in cleib ocus in (22) chosachtach tic o adbar .
ITem a brised ocus a bruith ar fin ocus a tabairtt (23) amail digh ocus togarmuid in fual ocus in fuil mista ocus fognaid sin (24) co mor a naigid ilon ocus colon ocus fuaraigechta na feithedh ocus tinnes (25) na rann ocus a tabairt amail digh no ceirin . ocus is maith in luib (26) so a naigid gac uile neime leth amuith ocus leth astigh . ocus bris ar uisci [p.3r](1) ocus a tabairt roimh aixis fiabruis codidiana ocus quartana ocus (2) foirid
ITem uinnmint do denum do[n] luib sin ocus do blon(3)uic muice ocus dola coitcinn ocus a comailt daltaib in droma (4) ocus togairmidh aixis in fiabruis adubrumur
ITem in luib cetna (5) do comailt ar leamnacht ocus a ol ar cetlongad ocus marbaid gach uile (6) peist bis isin gaili a nechaib ocus a { ndamaib }
ITem brister (7) in luib sin ocus suaith tri blonuig muice ocus cuir mar ceirin ar an inut a mbi (8) dealg ocus tairngidh amach é
ITEM in luib cetna do bruith ar (9) fin ocus a brised co min ocus blonag muice do cur triti ocus foirid loinidh (10) gan amarus .
Et adeir platiarius in luib do bruit ar fin ocus a tabairt (11) mur digh ocus innarbaid in toirces marb ocus togairmidh in fuil mista
(12) Et foirid nescoit in macluig ocus na bandachta ocus furtachtighi co mor (13) sranguria ocus gac uile tinnes bis isin maclag ocus na lenna morgaigti (14) bis ann innarbter iat o caitem na luibi so mar is du
(15) ITEM dentar pudur di ocus curtar hi ocus ola trit a ceile ar in maili ocus do(16)beir in finnfad gan fuirech .
ITEM brister in luib so ocus faisctir (17) a sug aisti ocus tumtar etach nua lin annsa [ sugh ] sin ocus foirid rigor (18) fiabruis intribulata .
ITEM ceirin don lus sin do cur ar in mball a m(19)bia fuil o bualad eter feoil ocus lethar ocus foirid he
(20) ARASCA ELIBORUS ALBUS (19).\. i. da ainm (21) in dathaba gil ocus is tesaide tirim he sa .3. ceim .
Ocus (22) adeir auiccena gurub leiges lacthach he folmaigis co dasachtach (23) sis ocus suas ocus is mor urcoidigis munab dilegtha in tadbar (24) roime ocus ata diles dimpod na rann fliuch a nghlaedhamlacht (25) gan fuirech ocus gnathaigter he a leigisib comsuighthi ocus a siroip leigeseca ocus (26) is maith he maille re sugh cruithnachta no re sisan eorna do [p.3v](1) bogad na lenann ocus is luga urcoidigis bruithi na fuar ocus is lugha urcoid(2)igis a cumusc na leiges na naenar .
Et adeir ipocrates a aimprismorum da tucter (3) in leiges so gan comnaide do denum da eisi acht in corp do gluasacht co (4) prap ocus is e is adbar do sin .i. on comnaidhi a haithle in {} leigis so impoidhter (5) in fliuch a ngaethmuirecht ocus teit in ngaetmuirecht sin cum in craidi innus co tiagh(6)it a nanboinne ocus uair ele a mbas
Ocus folmaige in leiges sin linn finn rigin (7) co hoireda ocus linn ruad co tanaiste gurub uime sin is imcubaid he do gac ule eslainti tic (8) o leannaib righne fuara amail ata apoplexia ocus epsilepsia ocus sietica ocus (9) pothegra ocus artetica ocus ilica ocus colica ocus a cosmaile
Ocus tuic lett co fu(10)ilit da gne ar in luib i. eliborus gel ocus eliborus dub ocus is inann a brig ach (11) amain is mo lacus eliborus dub do leth sis ocus is mo lacus eliborus gel don (12) leth suas ocus folmaige linn dub minadura co hoireda gurub aire sin is imcubaidh he do (13) lucht quarthana ocus mania ocus melangcolia ocus uertigo ocus scotomia ocus do (14) gac uile eslainti tic o linn dub ocus ni dlegur in leiges so do tabairt a mét is mo (15) na .℥.
ITEM adeir platiarius pudur in databa gil do tabairt isin sroin ocus togairmidh (16) in tsrefudach nech is cuis comfartachta d['] eipilepsia .
ITEM croith pudur in data(17)aba gil ar in cenn a haithle a beartha ocus icaid in carrighi
(18) ACALIFICEM . URTICA . AD ON DA (17).\. ainm na nenn(19)toigi ocus ata si tesaidi sa .4. ceim ocus tirim sa .3. ceim
Et adeir auiccena (20) gurub luib inmolta in luib so a naigid fuarchta in (21) scamhain ocus a naigid na sencossachtaigthi bis re fada ar nech
ITEM is imcubaid (22) hi a naigid aitt ocus tinnis na bronn .i. ros nennta do bruith ar (23) mil ocus a shithlogh tri etach lin ocus lan leighi dol de ar cetlongadh gac lae
(24) ITEM in lus fein do brisid ocus a comilt ar fhin ocus a ol amail digh
ITEM sugh na (25) luibe so do cur sa cluas ocus icaid in buidhre . ocus in sug cetna do cur annsna [p.4r](1) cnedhaib salcha no re greim na con confaid no re haillsi ocus icaid
ITEM (2) in luib so do brised maille re salann ocus a cur amail ceirin ar na heaspaidib ocus icaid .(3) ocus ata brig tirmadach glantach annsa luibh so ocus ata brig fasta feo(4)la isna cnedaibh innti .
Item fognaid in lus so a naigid aitt ocus cruais na (5) seilgi ocus a cur amail ceirin
Ocus adeir gillibertus in luib so do brised co (6) min ocus a cumusc le finhegra ocus a cur amail ceirin ar in pothegra ocus ar in narte(7)teca tic o fuaracht ocus icaid
ITEM sil na luibi so do bruith ar in ndhigh darub (8) ainm mulsa ocus togairmidh in fuil mista ocus in fual co cumachtach
Ocus is ed is (9) mulsa ann do reir auiccena .i. uiii. rainn dfhin fhinn ocus .9. rainn duisci (10) firtibraaiti ocus .9. rainn do mhil glain ocus a mbruith ocus a sithlogh ocus is i sin (11) in deoch darub mulsa do reir auicenna .
ITEM is maith in luib so do (12) bruith ar fin ocus a congbail sa bel ocus is maith a naigid thoitme {} ream(13)ad in tshine seaain
Et adeir platiarius in luib so do bruith ar fhin ocus a thabairt (14) do lucht in galair buidhi ocus icaid ocus is imcubaid é a naigid colica passio ocus metaigthi (15) in luib so in druis
Et adeir platiarius co coiscenn in luib so arna brised flux (16) fola na cned ocus is imcubaid í a naigid na pleurisi ocus dho glanad in cle(17)ib ocus in macluig o gach uile salcur .
ALBAGLA . PORTULACA . PES PULI .(16).\. i. tri hanmanna na hadhuinne (18) ocus ata si fuar fliuch sa .3. ceim ocus is mor a brig ur ocus as bec a brig (19) feoighi ocus ata do cumachtaib aici na boill do cur a fliuchaidechta ocus a fuaire co ha(20)ilginach gurub aire sin is imcubaid mar biad hi do lucht coilera ocus fogh(21)naidh co mor don lucht a mbi ainntes co hinmedonac ocus is maith (22) hi a naigid constipasion na bronn isna heaslaintib geara ocus a mbruith (23) maille re hairnidhibh ocus a caithemh ac luighi agus ac eirghi eter lus ocus airne (24) a haithle a berbta . ocus is imcubaid in lus so a naigid s[r]dannguria ocus disuria [p.4v](1) ocus is imcubaid i a naigid bristi in beil ocus in lus so do brised ocus frithbu(2)ailed na neascoide ina tosac co himcubaid
ITEM adeir platiarius in tan tirmaigter (3) in lus sin co fuil togairm in fuail innti ocus in tan bis úr (4) co fuil togairm in innrumha innti
(5) ACCEDULA . LAPACIUM . RUMEÍ (4).\. i. tri hanmanna in (6) tshamhaidh ocus adeirit na huduir in luib so do (7) beith fuar sa cetceim ocus tirim sa .ii. ceim ocus is maith he a naigid na tein(8)ed dia ocus a brised maille re haigilteach ocus a cur amail ceirin
ITEM in luib (9) cetna do brised maille re sugh na nuball trithi ocus cuirter ar in crecht a m(10)bia aillsi ocus icaid
ITEM in luib cetna do brised ocus gealan uighi trithi ocus foirid (11) att ocus teasbach na sul
ITEM ceirin don luib so do cur ar in mbh(12)all loisgte o thine no duisci ocus icaid .
ITEM cumusc sugh na luibi so ocus (13) min eorna ocus icaid in potagra ocus in arthetica tic o tesacht
ITEM (14) sug na luibi so do cumusc maille re hola na roisi ocus cuir na ceirin ar in ceann .(15) ocus icaid a tinnes in tan tic o tesach
ITEM in luib cetna do berbad maille re fin (16) derg ocus eabur ocus icaid fluxa na bronn ocus marbaid peiste na bronn gan fuirech ocus is (17) maith fos in luib sin a naigid urcoidi ocus neime ocus uilc na mban ocus adeir (18) fos gurob mor comfurtachtaighis in radarc ocus cometaighann a gnathugadh in t(19)shlainti ocus is maith he a naigid urcoidi ocus neime na mbeach ocus gac uile (20) neime arcena
Et adeir macer aenbainne do sug na luibi so do cur sa cluas (21) ocus foirid na huile buidre
(22) ACCETUM . OXIREN . OCIRIUM .(21).\. i. tri hanmanna in finhaigra ocus (23) ata se fuar isin cetceim ocus tirim isin .ii. ceim ocus ata brig (24) seim tolltanac aici ocus adeir auicenna ros derg ocus ubla duillebair [p.5r](1) na ndarach do bruith ar finhaigra ocus a cur ar bel in gaile ocus coisgid in sgethrac (2) ocus in flux .
ITEM minndus do bruith ar finhaigra ocus a cur ar bel in (3) gaile ocus coisgid in sgethrac . ocus gurmillin do bruith mar in cetna ocus a cur amail (4) ceirin fona hairnibh ocus coisgid flux in fuail
ITEM mecuin na righ(5)raithnigthi ocus premha airgit luacra ocus a cur amail ceirin fon imlecan ocus foirid (6) flux na bronn
ITEM adeir auicenna sil losa do cur a fin re .iiii. huairib .xx. (7) ocus bi na finhaigra
ITEM bruith coirt darac ar finhaigra no co dech a trian (8) no a leth fai ocus tumtar olann annsa sug sin ocus cuirter ar in nimlecan ocus coisgid (9) flux na bronn
Ocus aderur finhaigra do cumusc maille re siucra amail (10) shiroip ocus a tabairt a naigid tersiana ocus cotidiana nec doniter o linn finn (11) milis no shaillti ocus gac easlainti geiri ele ocus a tabairt maille re huisci bog
(12) ITEM oiximel aenda ann so .i. da rann finhaigra ocus aenrann mea(13)la ocus a berbad no co mbia a tighi mheala ocus fognaidh do dilegadh gac uile adhbhuir (14) fhuair .
Oiximel comsuighthi ann so .i. gab prema feineil ocus meirsi ocus per(15)sille ocus brister ocus lig la co naidhche a finhaigra ocus berbtar arnamharach (16) ocus sithoilter ocus cuirter trian meala arna glanadh innti ocus is maith in toiximil (17) sin a naigid gac adbar fuair ocus da dhilegud
Ocus adeir auicenna da caiter in finhaigra (18) a haithle in proinnigthi co lacann in brudh . ocus da caiter roimhe co tirmag(19)ann
ITEM gab finhaigra ocus tum arán te ann ocus ithedh in teslan a haithle (20) galair ocus comfurtachtaighi in dilegud
Ocus adeir platiarius in finhaigra do comilt do na (21) pulsainnib ocus comfurtachtaighi in croidi ocus foirid in tsingopis
ITEM finhaigra (22) do comilt do na bonnbaighibh ocus comfurtachtaighi lucht na litairgia ocus na fre(23)inisi . ocus adeir auicenna desgaid finhaigra do cur ar in fordronn ocus foirid flux na fola mista et reliqua
[p.5v](1) ACCRIDE . BANCIA . PASTINACA .(2) .i. tri hanmanna in mecain righ ocus ata se (3) tesaidi a medón in .ii. ceim[e] ocus fliuch a tosac in .ii. ceim[e] .
Et adeir platiarius gurob ferr (4) in luib so do leth in bidh na do leth in leigis ocus geinter fuil reamar (5) uaithi ocus metaighi in toil co mor ocus in sperma ocus fognaid prema na luibi (6) so do caithem do lucht leanna duib ocus cuirid a fliuchaidecht iat ocus métaigthi in coimpirt
(7) ITEM adeir macer in luib so do bruith ar fin a naigid teinnis in ghaile ocus (8) na nae ocus na seilgi ocus na narann . ocus adeir fos prema na luibi so do br(9)uith ar leamhnacht a naigid asma ocus { disnia } ocus ortomia ocus adeir fos (10) prema na luibi so do cur fo braigit in lucht ac a mbi att ina nuirgib ocus (11) foiridh a nat ocus a teinnes ocus ni urcoitighann neim don ti ac a mbi fo braighitt (12) ocus adeir fos prema na luibi so do cur fo na fiachlaib ocus foirid a tinnes (13) ocus a tabairt do mnaib ac a mbi toirrces marb ocus innarbaid he
Ocus [ adeir ] platiarius (14) co métaghann in luib so in dilegud ocus co noileann in corp co mor ocus co fog(15)nann do lucht sdranguria ocus dismia
(16) AFODILLUS . CENTUM CAPITA . ALLIUM (15).\. agreste .i. tri hanmanna in creamha (17) ocus is ferr a prema cum in leigis na a duillebar ocus is ferr a ur (18) na a crin ocus togairmidh in fual ocus glanaidh na hairne ocus ata si tesaidi . tirim .(19) sa .ii. ceim
ITEM in luib so do chur ar losgad tenedh no uisci ocus í arna cognam (20) ocus bi slan
ITEM gab prem ruisc uolauaird ocus a urdail do prem ruisc truim ocus (21) a berbad ar sugh na luibi so ocus icaid in idroipisis re nabthar leuca(22)flemancia . ocus a sug do cur isna fabartaib ocus glanaid na suile
Et (23) adeir platiarius nach imcubaid ach a blath amain cum in leigis ocus fetur in blath (24) sin do coimet co ceann .ii. bliadhan ocus mairidh a brig ocus a oibred leiss .[p.6r](1) ocus ata brig discailtech ann co mór
Ocus adeir in fer cetna in luib so do (2) bruith ar fin no ar uisci ocus glanaidh na boill spiradalta o linn finn remur
(3) Ocus adeir fos da mbia tinnes no gaethmuirecht annsa gaile no and(4)sna hinnib o fuarad no o dhuintib no o duintib na nae no na se(5)ilgi . in luib so do bearbad ar fin ocus a ol ocus icaid .
ITEM in luibh cetna do (6) bruith ar uisci shaillti ocus a ol a naigid sdranguria ocus dismia ocus icaid .
ITEM in luib (7) cetna do brised ocus ceirin do denum de a naigid fuartha in ga(8)ile ocus foirid ocus is maith he a naigid colica passio
ITEM in luib cetna (9) do bruith ar uisci ocus a dethach do leicen fo na mnaib ocus togairmidh (10) in fuil mista et reliqua
(11) AGARICUS . FUNCGUS . AGAIRG .(10).\. i. tri hamnanna na hagairgi ocus ata si tesaidi tirim (12) isin cetceim ocus is ed is agairg ann . farcan crainn darub ainm (13) abietis ocus a crich na hasia ocus na hinnia fhásus ocus atait .ii. gne (14) air .i. gne masgalta ocus gne fhementa ocus is í in femean is mó (15) fhoghnus cum in leigis ocus is mar so aitinter hi .i. in tan brister in fe(16)men bi ina brataib slemhna [*]. ocus ni mur sin don mhásgal ach (17) bi ina briscur min
Ocus adeir uibe misue gurub i in gne is gi(18)le ocus is usa do brissed is ferr ann ocus folmaigid si linn finn co hoireda ocus linn dub (19) co tanaiste gurub uime sin is mor fognus a naigid disinteria in (20) tan tic o coilera sitrina ocus uitilina ocus fognaid a naigid coditiana (21) ocus quartana noc doniter o linn ruad loisgthi ocus adeir fós co fhoghnann (22) a naigid colica ocus ilica ocus a naigid gac uile tic o leannaib righ(23)ne leath ashthigh isin corp ocus osluicidh duinti na nae ocus na seilgi [p.6v](1) ocus na narann do reir ube mesue
Et adearmaid in agairg do gnathugud a ndeochaib (2) ocus a tretaib ocus a clarétaib ocus a leigisib lacthaca ocus uair ann berbtar in agairg (3) ar fin do gerugud in leigis lacthaigh ocus ni bec endragma di do gerugud na leigis eile
(4) ITEM berbh hi maille re croicend preimhe sailec ocus re sail cuaich ocus deoch dól (5) dib roimh aixis fiabruis coditiana ocus icaid he gan fuirech
ITEM + tabair (6) .℥. di ocus .3. ℥. do sug feineil ocus foirid in fiabrus adubrumur roime
ITEM a pudur do comusc maille re mil ocus re hola ocus foirid sdranguria ocus dismia (7) ocus gab egreim gaedhilac ocus bruith ar fhin ocus foiridh gac uile fual(8)galar ocus tinnes na slaiti ferdha
Ocus adeir in fer cetna co tairngenn (9) in pudur so na cnama bristi isna cnamaib ocus co ninnarbunn in (10) an {mi}bhfheoil ocus co leigisinn gac uile linnidha ocus fedunacht bis isna cnamaibh
(11) ITEM pudar min do denum de ocus a teimperail maille re sugh clamain (12) lin ocus le hola ocus a cur ar cudas min ocus a cur ar in timtirecht ocus foiridh emero(13)uidas ocus gac uile gne don daergalar .
ITEM dentar pudar min de ocus do sha(14)lonn maille re hola ocus cuimilter don gne re nabarthar morfia ocus croithter (15) in pudur air ocus icaid .
ITEM gab .℥. don pudur sin ocus .℥. co leth do sginanti ocus .3. ℥. (16) do castorium ocus leth .℥. do shéne ocus brister co min ocus dentar pillidi (17) dibh maille re sug aibsinnti ocus feineil ocus icaid tinnes in chinn noc eirges (18) on gaili ocus o cin leanna finn et reliqua
(19) AGRIMONIA AGRIMONIA (18).\. i. da ainm in marbhdroigin ocus ata se (20) teasaidi . tirim (21) sa .3. ceim (22) ocus adearmaid co fognann co mor a faburtaib ocus a ceirin(23)achaib na sul ocus do comfurtacht in radairc ocus dinnarbad salcuir na sul (24) ocus gac docamail ele da mbia orrthu . ocus tirmaighi na cneadha fliucha (25) ocus coisgid fluxa fola na srona . ocus a cur fae in nduine ina codladh (26) ocus ni eirgenn in fedh bis fae . ocus a brised maille re finhegra ocus foiridh na faithneadha (17) et reliqua
[p.7r](1) AGNUS CASTUS : .i. in mes torc allaid ocus (2) ata se tesaidi tirim sa .3. (3) ceim ocus is innann aghnus castus re rad ocus uan genmna(4)igh ocus [u]ime aderur sin ris .i. loighdighi se in toil . ocus is e blath na (5) luibi so is ferr cum in leigis ocus a tinol san errac ocus beiridh a brig re blath ann . ocus (6) da ndentar leabaid da duillebar ocus luighi air gan etac bid genmnaigh amail (7) uan
Item dentar fotharad don luib so fon mbhandacht ocus fon ferrdacht (8) ocus muchaid in toil ocus in druis .
ITEM brister in luib so ar uisci ocus sithoilter (9) na diaidh ocus berbhtar beacan do castoium ar in sugh sin ocus toir(10)miscter gac uile geineainn ona ol .
ITEM dentar ceirin do duillebar na (11) luibi so ocus cuirter fo na hairnibh ocus foirid in eslainti re nabar gomorria
Ocus (12) not lett co fuil leiges ann coisgis eirgi na sluiti noc reamhraighis (13) ocus thechtus in sperma ocus leiges disgailis ocus chnaies in fliuchaidecht
Ocus is iat so (14) na leigis reamraighis in sperma .i. lactuca ocus pisillium ocus sitruilli ocus me(15)lones ocus qucumris ocus qucuirbita ocus portulaca ocus sgariola (16) ocus finhegra ocus sumach ocus campora .
Ocus is iat so na leigis tirmaigis in s(17)perma ocus loigdighis na sperma amail atta ruibh ocus mes torc allaid ocus co(18)inneall muire ocus caliment cumin ocus ainis ocus a cosmaile oir (19) attait so cnaitech disgailtec ac toirmesc na gaethmurachta noc (20) is cuis deirgi na sluiti
ITEM gab sug feineil ocus sug mes tuirc allaid (21) ocus berbtar tri .℥. don esola ortho ocus tabair da ol du lucht na hidh(22)roipisi ocus foiridh gac uile idhroipis
ITEM gab mes torc allaid ocus cainci (23) caillid ocus dentar urbruith fo na ballaib geinemhneca ocus tirmaighi imar(24)cacha in macluig ocus cumgaidhi a bel innus co tabair in fuil mista can (25) fuireach
ITEM gab mes torc allaid ocus meirsi ocus saitsi ocus berbtar ar uisci sa(26)illti ocus cuimiltid do cul in cinn tar eis a bearrtha co maith ocus foir(27)id in eslainti darub comainm litairgia et reliqua .\.
[p.7v](1) ALACON . POLITRICUM . CAPILLUS (2) ueniris . tri hanmanna in dubcossaigh ocus is fuar (3) tirim co mesurdha he ocus ata brig osluictech diuiricech ann ocus is (4) mor fognus a naigid duinti na nae ocus na seilge ocus ainntesa na mbhall (5) cetna ocus a bruith ar uisci do lucht na heslainti sin
Ocus adeir platiarius gurub mor (6) brig na luibi so ur ocus gurub bec a brig crin
ITEM in luib so do berbad ar uisci co ma(7)ith maille re premaib feineil ocus persille ocus a sithlugud co maith ocus a cumusc (8) maille re mil ocus a tabairt amail digh ocus foirid duinti ocus ainntes na seilgi (9) ocus na nae . ocus in luib cetna do brised ocus ola do cur triti ocus a cur ar in cenn ocus fasaidh (10) in finnfad . ocus in luib cetna do bruith ar fin ocus a ol ocus foiridh gac uile piseog (11) ocus neimi ele
Ocus not lett nach dlegur in luib so do tabairt in tan bhis (12) in tadhbar dilegtha séim . gurub uime nach coir a tabairt a causon ocus a terci(13)ana uero cona cosmaile et reliqua
(14) ALAPIN . CEPA MARINA . SGILLAA .(13).\. i. tri hanmanna in uinneman spainigh (15) ocus ata se tesaidi tirim isin .ii. ceim ocus ata brig disgailtec diur(16)icech glantach ann ocus ata brig marbhtach ann in tan tic uadha fein co (17) fiadhanta ocus ata brig comfortachta no slainti ann in tan tic co hai(18)cideach arna cur a ngharridhib ocus is inann cepa marina re rad ocus uinneaman m(19)uiridhi ocus in tan curtar a leigisib he dlegur a roinn .i. in leth imeallach de (20) do cur amach oir ata brig marbtac ann ocus in leth inmedonac cum in leigis (21) ocus cum in oiximel re nabar sgillancium no sgilleticum ocus fognaid in to(22)iximel sin co mor do dilegud adbair codidana ocus quartana ocus (23) coilica passio ocus artetica ocus in luib cetna do bruith ar fhin ocus ar ola ocus a cur ar druim [p.8r](1) na nae ocus na seilgi ocus foirid a cruas ocus a tinnes .
ITEM curtar sgilla re .u. la dheg a fin (2) ocus a nola ocus fiuchad do tabairt air as a haithle ocus ceir do cur trit ocus uinniminnt (3)[ do denum ] de ocus a comailt do druim na nae ocus na seilgi ocus icaid a cruas ocus a tinnes ocus ber(4)bhadh ar finhegra ocus doni mar in cetna
Ocus not lett na hinair imilleca (5) de do beith tesaidi co mor ocus a beith maille re hainmesardacht ocus na hinair (6) hinmedonaca do beith mesardha eterr tesaidecht ocus fuaraidecht et reliqua
(7) ALAPISA . GALLA . PONIUM CUERCUS .(6).\. i. tri hanmanna (8) na nuball fasus ar duillebar na ndarac . ocus atait siat (9) fuar isin .ii. ceim ocus tirim sa .3. ceim ocus is amlaid is maith iat a mbeith trom (10) remar gan poll inntu ocus ata gne ele dib noc fasus annsan asia ocus ann[s](11)[a]n afraicc ocus is bec in gne sin ocus ni bi puill inntu ocus ata brig fostoghach co(12)irtighech anntu araen
Ocus adeir platiarius pudur do denum dibh ocus a cumusc ma(13)ille re finhegra ocus le gealan ughi . ocus a cur ar in nimlecan ocus arna dubanachhib ocus icaid fluxa (14) na bronn ocus fluxa in fuail
Ocus berbtar he ar uisci forthana ocus dentar urbruith (15) de fon timtirecht ocus icaid disinteria ocus emerouidas
ITEM a brised ocus a berbad ar shisan (16) eorna ocus a tabairt amail clisteri ocus foirid sdranguria
ITEM a berbad ar finhegra ocus ar shaili mara (17) ocus curtar farcan ann in tan beas ac fiuchad ocus a cur ar bel in gaili ocus foirid (18) gac uile sgethrac noc tic o anbainne na brigi
ITEM a berbad ar uisci forthana ocus a t(19)abairt ar cadas amail pisanairium isin maclag ocus foirid fluxa fola na mban (20) ocus uair eile a bruith ar sug cruaichi padraig ocus doni mar in cetna
ITEM pudur do denum (21) dib ocus a cumusc le sug losa in sparain ocus a fasgad isin sroin ocus icaid fluxa fola (22) na srona ocus dentar ceirin dib maille re gealan uighi ocus a cur ar na hairgib ocus foirid (23)[ mar ] in cetna ocus dentar pudur dib ocus a cur isna crechtaib ocus cnesaighi iat co maith
[p.8v](1) ITEM gab chugut galla mishlán trom ocus berbhtar ar ola é no(2)co natta annsan ola ocus tirmugadh eter étaighib lin ocus pudur (3) min do dhenumh de maille re croicenn no re duillebar na cno (4) francach ocus cumusc le huisci fortana ocus a berbad déntaib ocus in (5) folt ocus in fesóg do nighi ass ocus bit dub gan amharus ocus nigh(6)ther in folt da eisi a huisci bog ar eagla in croicinn do mhilledh
(7) ALBEDA COLUMBIN . BACILICON .(8) i. tri hanmanna in columbina ata se (9) tesaidi tirim sa .3. ceim ocus cid be ac a mbia ar imcur ni urcoidigheann (10) coin confad na nathraca neime
Ocus in luib so do brised ocus a cur amail (11) ceirin ar na nescoidibh ocus brisid iad
ITEM in luib so do brised ocus a cur ar na (12) crechtaib a mbia aillsi ocus icaid ocus is maith hi do glanadh in ru(13)isg ocus do gerugud
ITEM sugh ocus blath na luibi so do cur fo sroin na m(14)ban torrac ocus doni in toghluasacht ocus an luib cetna do bruith ar (15) fhin ocus toghairmidh in fuil mista ocus a bearbad ar im amail olaidh ocus foiridh (16) in cosachtach fhuar ocus in eslainti re nabur emetouica .i. in seili (17) fola
ITEM cumaiscter hi maille re finhegra ocus glanaidh in aiged ocus is m(18)aith hi do glanadh na crecht maille re pudur ailime ocus a cur (19) amail ceirin ocus premha na luibi cetna do brised ocus uisci na hailime (20) do cur trit ocus icaid na focmada . et reliqua
(21) ALAXANDRUM . MASEDON . CAPETRUSIDUM .(20).\. i. tri hanmanna in elis(22)stront ocus ata se tesaidi tirim a deiredh in dara ceim (23) ocus aderur persille alasrainn risin luib sin ocus is inann coimplexa (24) do ocus don persille garrda ocus ata brig diureticeach innti ocus (25) is mor fongnus cum in leigis ocus ata brig dhiscailteach [p.9r](1) cnaithech innti ocus ata brig seimhighthi na leannann remhar ocus com(2)furtaichti in gaile ocus medaighi in tochlugad ocus brisid na clocha fuail ocus (3) togairmid in fuil mista ocus furtachtaighi co mor lucht na hidropisi ocus (4) fognaidh co mor do duintib na nae ocus na seilgi in tan tic (5) o fhuarad ocus glanadh in tucht ocus in sgaman o imarcraigh leanna finn ocus in (6) luib cetna do brised ar fin ocus a cur na ceirin ar in cenn ocus foirid in carraighi ocus in (7) morfeaa ocus a brised ocus a cur annsa mbhandacht ocus togairmid in fuil (8) mista ocus in slanughad ocus in toghluasacht ocus fognaid sugh na luibi so co (9) mor do gnathugad do lucht codidiana intribulata ocus gna(10)thaid sugh na luibi so na linn so ocus seimhighi na linn remra ocus osluicidh poire (11) in coirp ocus innarbaid mailis na leannann cintach ocus togairmid in (12) fual ocus in tallus ocus innarbaid gaethamhlacht in colica passio et reliqua .\.\.
(13) ALBESDON . CALXUIUA : ocus is iat sin (14) anmanna (15) in aeil uir ocus is ann is calx uiua he .i. in uair (16) nach boineann fliuchaidecht ris ocus folmaigidh linn finn righain co calma ocus m(17)arbaid na huile mhil ocus dergnat ocus a crothad a leapaidh ocus ni dlegur a tabairt (18) co haenda ina purgoit gan . leiges ele ina farrudh ocus foiridh na huile (19) ainmbfeoil bis isna cnedhaib ocus marbaid na peiste acht gebe hinat (20) a mbhit isin corp et relicua
(21) ALTEA . MALUA . BISMALUA :(20).\. i. tri hanmanna in leamhaigh ocus aderar (22) in luib (23) so (24) do beith tesaidi sa cetceim ocus fliuch sa ceim tanaisti ocus is im[chubaid] (25) in luib so dfhoirithin na cneidh ocus dfhás a fheola .[p.9v](1) ocus fos is imcubaid . hi isna clisteribh do lucht teinesmon ocus is cum(2)actach hi a naigid leonta na mball ocus a naigid aitt gidh bé (3) hinat a mbia
ITEM prema na luibi so do bruith ocus a brisedh ocus blonag (4) muice do cur trithi ocus foirid gac uile att ocus tinnes .
ITEM cuir in gum (5) darub ainm terpintina trit ocus foirid mar in cetna gac uile att (6) ocus neim
ITEM in luib so do berbad ocus a sug do cur annsa maclag ocus glanaidh he ona (7) shalcur ocus icaidh a thinnes .
Ocus adeir platiarius ceirin do denum de fo na (8) feithibh ocus foirid a tinnes ocus a tirmach
ITEM in luib so do bruith cona (9) premaib ocus foirid gac tinnes bis isna ballaib a nurbruith ocus a ceir(10)ighin ocus is maith hi a naigid disinnteria . ocus a berbad ar fhin no ar linn ocus foir(11)idh cuirrinach na bronn . ocus is maith hi a naigid in sheile fola
(12) Ocus adeir auicenna gurob mor laighdighis praisech na luibi so tinnes na (13) cloch fuail arna ol
ITEM a bruith ar fin no ar linn no ar leamhnacht (14) ocus sgailid in ceangal bis a mbroinn na mban a haithle in to(15)irrcesa
ITEM brister in luib sin ocus bruith ar ola ocus ar finhegra ocus marbaidh coin(16)airce in croicinn
Ocus is maith hi ar na crechtaib tirma ocus a cumusc le (17) mil ocus a bruith ar ola ocus foiridh greim na con confaid ocus gac uile losgad teined (18) ocus uisci do reir isiag .
ITEM ceirin do denum di maille re blonuig mhuice (19) ocus foirid cruas na nae ocus na seilgi . ocus ross na luibi sin do bruith ar leam(20)nacht ocus foiridh lucht na heitice et relicua
(21) ALOE . EPATICUM . CICUTRINUM (20).\. i. tri hanmana na haloe (22) ocus sugh luibhi hi ocus ata si tesaidi tirim sa .2. ceim [p.10r](1) ocus is mor lagus ocus is iad so in da gne is ferr di .i. sicotrinum [...] [*](2) ocus is mor fognus epaticum ocus ar dath na nae is maith hi (3) ocus a mbeith dorcha sobristi gan beith drochblasta na drochbalaidh (4) ocus ata folmaigthech leanna finn ocus ocus na leannann remar innti on gaili ocus o na (5) hinnib ocus ata brig glanta na hincinne innti ocus brig comfur(6)tachta na feithedh innti ocus ni dlegur a tabairt a naimsir rotesaidi na rofu(7)air ocus ni dlegur a tabairt don lucht ar a mbia flux fola in daer(8)galair ocus da tuicter dlegur ainis ocus cuimin ocus masdix ocus gum arabicum (9) maraen ris ocus is mor foghnus do cosc der na sul ocus a pudur (10) do cur isna cneidhib ocus fasaid a feoil . et relicua
(11) ALPHUR . FLOS FRAXINE . ADH ON (10).\. ros no blath (12) na fuinnseoigi ocus ata se tesaidi tirim sa .3. (13) ceim ocus croicinn in crainn so do bruith ar uisci ocus in duine ar a (14) mbia fluxa a haithle purghoiti do cur ann conu(15)igi a imlecan ocus { farcan } na fuinnseoigi do berbad ar uisci fortan[a] (16) ocus a ol ocus foirid gach uile fluxa ocus in croicinn cetna do bru(17)ith ar finhegra ocus etach lin do thama ann ocus a cur ar bel in ga(18)ile ocus icaid a tinnes . premrusc in crainn sin do bruith ar fhin (19) no co ndech a trian fae ocus furtachtaighi lucht na seilgi (20) co mor ocus folmaigid linn dub et relicua
(21) ALUSAL . CEPA .(20).\. i. da ainm in uinneamain (22) garrda ocus ata se tesaidi fliuch (23) sa .3. ceim ocus comfurtachti ocus cal(24)maigidh in dilegud ocus in gaile ocus metaighi in toclughad ocus innarbaid (25) brentus na fiacul ocus na hanala .
A brised ocus a cumusc le mil no (26) le finhegra ocus a cur ar greim na con confaid co cenn in .3. la ocus a atharach [p.10v](1) in .3. la ar hegla na neime dimpogh aris ann
ITEM gab sugh uinnemain (2) ocus bainne cich ocus a cumusc trit a ceile ocus a cur annsa cluas ocus foiridh gach (3) uile buidhre
ITEM brister an luib so ocus coimail ar uisci fuar ocus a tabairt (4) da ol don ti o teit a urlabra ocus foiridh he co luath . ocus sug na luibi (5) so do cur bog isin sroin ocus glanaidh in incinn o imarcraigh leanna finn re(6)amhair
ITEM gab sugh uinneamain ocus blonug ceirci ocus a mbruith (7) le ceili ocus foirid gaga ocus gibidh .
ITEM brister uinneaman derg co min (8) ocus comailter don mhaile ocus fasaidh in finnfad co luath . ocus an luib cetna (9) do bruith ar finhegra ocus a comailt don inat a mbit na fainidha ocus (10) foirid iat co luath
Ocus mad ailt a fis dfagail in eireocha in toth(11)ar . bruith uinneman fon luaith ocus da ti as ocus a cur fo sroin . coimeolach a sron (12) ocus muna thi ni mhothocha tes na bolltanad uadha
ITEM cumusc in luib (13) so ocus asafetida maille ris ocus a cur ar smearoidib dearga ocus a dethach do (14) leicean fon maclag ocus foiridh sufocasio matris ocus togairmid gnathugud (15) in uinnemain in fuil mista go ger . ocus a cumusc fos tre mil ocus foirid cailicin (16) na sul ocus geraighi in tamharc et relicua
(17) ALUMEN . STIPITERIA . SUCARIUM (16).\. i. tri hanmanna na hailime (18) ocus is tesaidi tirim hi sa .iiii. ceim ocus ata brig cnaitech (19) tirmagthach aici ocus fothrucadh do denum dailim ocus do shalond (20) dfer na hidhroipisi ocus foiridh hi
ITEM pudur do denum do chuideogaibh (21) ocus dailim le ceile ocus foirid in aillsi . ocus pudur do denum di ocus a cur ar (22) crechtaib a mbia ainmfheoil ocus foiridh . ocus uisci na hailime do chur (23) ar sremaibh na sul ocus seangaidh ocus tirmaighi iad
ITEM bruith mil ocus fin(24)hegra no co mbheid a tighi mheala ocus pudur na hailime do cur na cheann (25) ocus greim do chongbail isin bel dib ocus daingnighi gan cunntabairt [p.11r](1) na fiachla ocus daingnighi feoil na fiachul
Ocus atait .3. gneithi (2) uirthi .i. rotunndum ocus licidum ocus sisum ocus is i sisum gnathaigther (3) againne dib ocus a tirtaib rotesaidi do gabtur hi
Ocus adeir platiarius (4) uisci na hailime do cur a fedanaib na linnidhan ocus foiridh
ITEM gab (5) rub ocus ailim comtrom do gac ni ocus berbter ar finhegra no ar fin ocus foirid gach (6) uile carraidhi ocus is i is maigister co firinneach do gac uile dath et relicua .
(7) Ambra . SPERMA CETI .i. coimpert (8) in mhil mho(9)ir ocus is mor is imcubaid he a naigid na hepilencia .i. gab (10) cnaim craidi in fiadha ocus dena casnadhach de ocus cuir ambra trit ocus cuir (11) a soithec gloine ar smeroidib derga ocus leagur a baladh fon sroin ac fer (12) na hepilencia ocus foiridh gan amarus hi ocus ata brig comfurtachta in croidhi [ ann ](13) gurub uime sin is imcubaid e do lucht in cardiaca ocus na singoipisi (14) .i. gab ambra ocus lighnum aloeis ocus cnaim craidhi in fiadha . urdail (15) de gach ni ocus cumaiscter le sugh ruibhi ocus dentar pillidi dib ocus caith (16) a haithle na codach ocus fognaidh co mor a naigid eipilencia ocus na (17) neslainedh adubrumur et relicua .
(18) AMBROSIANA . EUPATORUM .(17).\.\. lilifagus .i. tri hanmanna na heimir (19). sleibhi ocus ata si tesaidi sa cetceim ocus tirim sa .ii. ceim ocus (20) adearar saitsi caillead ria ocus is mor a brig ur ocus is beac a brig crin (21) ocus is mor fhognus a naigid in quartana ocus in coditiana ocus na (22) parrilisi uilidi ocus ranaighi ocus a naigid na hidroipisi re nabur alsi(23)teis ocus a naigid na buidheachaire tic o dhuintib na nae ocus is (24) amhlaid doberur hi .i. a bruith ar shugh meirsi ocus mil ocus finhegra do cur trit [p.11v](1) ocus a tabairt amail shiroip ocus foirid cruas na seilgi . ocus togairmidh in fuil mista (2) ocus glanaidh slighti in fuail ocus fidhisi na narann ona gaineamh
(3) ITEM sugh na luibi so ocus eitnidha sirin do tabairt da nol ocus inarbaid (4) na huile peist bis a corp duine . et reliqua
(5) ANABULA . TITUMALLUS (4).\. i. da ainm girrineimh(6)ghi [*] ocus is luib (7) tesaidi tirim (8) é ocus a tinol isna laeitib re nabur dies ca(9)nicalares [*] ocus a cumusc a haithle a bristi le mil ocus a bearbad no co (10) mbia a tigi meala ocus coimetter a mbugsa glan ocus geraighter in leiges (11) lacthac leis ocus folmaigid se fiabrus cododiana . ocus linn finn saillti ocus ni dlegur (12) in leiges sin do tabairt ach do na dainib ac a mbia inne remra fe(13)olmura oir da mbeidis tana do bo baegul disinnteria do techt ann .(14) ocus is maith a bruithi ocus is olc a amh .
(15) AMEDUM AMILLUM :(14).\. i. leiges doniter do sug na cru(16)ithnechta ocus adeir (17) platiarius co fu(18)il in leiges so mesarrda maille re teasaidecht ocus re fliuchaidecht (19) ocus adeir dochtuir ele a beith fuar tirim co mesarrdha ocus is mur so doni(20)ter he .i. gab cruitnecht glan ocus cuir a nuisci fuar re la con naidhchi ocus (21) na haraighter in tuisci no co mbrisi an gran ocus na diaigh sin briss (22) he ocus faisg tri étach ocus tirmaig re grein no re teinidh no go mbia ana (23) pudur ocus a denum amail pothaiste ocus is maith hi do tirmugud na fliuchaidecht bis co (24) himarcrach isna corpaib co hinmedonach
ITEM amedum ocus sar(25)cacolla do cumusc trit a ceile ocus a cur ar eing lin ocus a cur ar dr(26)uimm na sul ocus foiridh a fliuchaidecht ocus a ndeirgi
ITEM pothaiste do denum de (27) ocus siucra geal do cur ann ocus glanaidh in tucht ocus na sgamhain ocus crechta in (28) coirp co hinmedonach gurub uime sin is mor fognus a na(29)igid na cosachtaigi ocus na leannann seim silteach tic on inchinn [p.12r](1) ocus da nderntur deorna he . a cumusc le bainne alomoint ocus is (2) mor fognus a naigid na tisisi ocus na heitici ocus crecht in sgamhain (3) ocus adeirinn gan in leiges so do gnathugud do na dainib renab (3) eacail clocha arann no lesa do beith inntu ocus is mor foghnus an (5) leiges so a naigid na leannann tuites cum na sul ocus a naigid crecht (6) in fabra et relicua .
(7) ANACULA ALBA . SGABIOSA .(6).\. i. da ainm in scabiosa ocus ata se tesaidi tirim (8) sa .ii. ceim ocus a brised ocus a bruith ar blonuig muici no (9) ar ola ocus foirid in carraighi . ocus sug na luibi so do comailt don bhruith(10)idhain ocus foiridh
ITEM eabur .4. ℥. do sugh na luibi so ocus foiridh in luibri (11) re nabur allapasia .
ITEM bearbtar in luib so ocus gairleog caille ar fhin ocus a cur (12) te ar in timtirecht amail ceirin ocus icaid emerouidas ocus bolga in daer(13)galuir ocus tenesmon . ocus foirid in rema fuar isna sendainibh (14) ocus a berbad ar fin doibh
ITEM ceirin do denum don luib cetna ocus gealan (15) úighi trit ocus foiridh in neascoid re nabur anntrax ocus foiridh sug na luibhe (16) so buidhre ocus a cur sa cluas
ITEM ceirin do denum di ocus dim gan tshalann (17) ocus foiridh teinnes na ttaeb ocus na narann ocus in luib cetna do bruith ar mhil ocus foiridh in (18) cossachtac tirim ocus sug na luibi sin dol ocus foiridh olc na mbhan ocus gac uile neim (19) thaighleas neach . ocus a brised maille re blonuig muice ocus brisidh na neascoide do (20) reir aueroueis et reliqua
(21) Allium (20).\. i. in gharloitt ocus ata si tesaidi tirim a med(22)on in cethramad ceim ocus a brised fuar ocus a cur ar (23) greim na con confaid ocus icaid .
ITEM in (24) luib so do bruith ar leamhnacht ocus a hol na bolgum(25)aibh beca ocus foirid easlainti in sgamhain tic o fhuaracht [p.12v](1) ocus a brised ocus blonag muice no gheidh do cur triti ocus a sugh do cur a méit bic isin clu(2)ais ocus icaid tinnes na cluas nec tic o fuaracht .
ITEM a bruith ar im ur ocus foirid (3) asma ocus easlainti in cleib noc tic o fuaracht . ocus ceirin do denum di (4) maille re blonuig muice ocus a cur ar in timtirecht ocus foirid tenesmon . ocus is imcubaid (5) in ceirin cetna a naigid gac uile aitt fhuair
ITEM . gairleog dithi ar cead(6)longadh a naimsir in aeir truailligthi ocus a cur te fo na fiachlaib ocus foghnaidh (7) co mor doib ocus ce be gnathaigis in luib so do caithemh . tirmaighi na h(8)inne ocus in gaile ocus togairmid lubra ocus mania ocus freinisis ocus anbhoinnighi (9) in radarc ocus is mor urcoidighis do lucht leanna ruaid ocus is imcubaid hi do lucht leann(10)a finn ocus na neslainted fuar oir ata brig cnaiteach discailteach (11) na leannann innti ocus innarbaid gac uile neim . ocus doghairitur na senndhaine (12) icslainti na mbathlach di
ITEM gab in luib sin ocus salonn ocus mil ocus eit(13)nidha na cno nghaeidilech comtrom do gach ni dib ocus curtar (14) mur ceirin ar greim na con confaid icaid ocus ni aitheirgenn a neim aris . ocus in (15) cumhgais cetna do cur isna cnedhaibh ocus foirid iad o gac uile fhe(16)adanacht ocus lindidha
ITEM in luib so do brisedh fuar ocus a comailt (17) don charraighi ocus do bruithidhain ocus do mhorfia ocus glanaidh iad
ITEM pudur (18) na gairleoigi do cur isna cneadhaib salcha ocus cnesaighi iad ocus a bruith ar leam(19)nacht ocus foiridh gairbi in ghotha noc brisis o fuardacht
ITEM gab gairleog ocus pibur ocus (20) persilli ocus peletra ocus sugh minntais ocus finhegra ocus cumuis[c]ter trit a c(21)eile ocus caithidh ocus foiridh lumbrisi ocus osluicidh duinti na nae ocus na (22) seilgi ocus foghnaidh a naigid sdranguria ocus disuria .
ITEM in gne gairleoigi (23) arna losgud do cur isin maclag ocus togairmidh in fuil mista do reir consantin (24) no in luib sin do berbad ar uisci ocus in bean do cur ann co nuigi a him(25)linn ocus togairmid in fuil mista
ITEM in luib so do caithem ar cetlongadh (26) ocus ni urcoidighinn uisci duit in la sin . ocus a caitheam re ndhul [p.13r](1) ar fairgi ocus ni dhenann murghalar olc doib in la sin . ocus a bearbad ar fhin (2) ocus a ól ocus foirid in buidheachair ocus bogaidh cruas na bronn . ocus ni dhen(3)and plaigh na neim urcoid don ti caithis ar cetlongad hi et reliqua .\.
(4) ACANTUM SEMEN URTICE (5) .i. da ainm ruis na nenntoigi ocus is inann a icce (6) do ros ocus don luib fein . ocus a brised ocus a bruith ar ola ocus a comailt (7) do na pulsadhaibh ocus togairmidh in tallus
ITEM sugh na luibi so (8) do comailt don cend a haithle a beartha ocus coisgidh tuitim (9) in fuilt . ocus adeir in fer cetna in luib so do comailt dia[r]thar (10) na nainmintedh ocus co tecuid fo dhair gan fuireach et relicua .\.
(11) ANATIMIA .i. in tim ocus ata in luib sin (12) tesaidi tirim sa .ii. ceim ocus aderit (13) drong ele co fuil si tirim sa .3. ceim ocus glanaidh (14) si clocha in lesa ocus na narann uair ann brisid iad ocus beiridh a b(15)righ innti re .3. bliadnaibh acht gemmad fearr co nua hi ocus ata brig disgailtach diuruictheach innti ocus ata togairm in fhuail (16) ocus na fola mista innti .
ITEM figidha do cur a sug na luibi so re la con (17) naidhchi ocus a mberbad ar fin arnamharach ocus foiridh gac uile easlainti chle(18)ib
ITEM pudur do dhenum do shil na luibi so ocus do ros neannta (19) ocus a cruthad ar inat [*] a mbia emerouidas ocus foirid ocus is m(20)or fognus in luib sin a naigid thinnis na bronn ocus do togairm in cho(21)ulta ocus cum na nescoidedh ramur da naipiugud ocus dinnarbad leanna (22) finn isna ballaib inmedonaca ocus leigisidh in fhail tic o l(23)inadh . ocus a bruith ar blonaig no ar ola ocus foiridh in crupan [p.13v](1) noc tic o linadh ocus a tirmugud ocus pudur do denum di ocus a cur isna cned(2)aib ocus isna crechtaib salcha ocus foiridh . et relicua
(3) ANTERA FLOS ROSE .(2).\. i. da ainm ata ar (4) blath in r(5)osa ocus ata (6) se fuar isin cetceim ocus tirim isin .ii. ceim ocus ceirin do den(7)um de ocus a cur ar in teni ndhia ocus foiridh hi ocus in ceirin sin do cur ar bel (8) in ghaile ocus icaid a teasbach .
A bruith ar uisci ocus gealan uighi do cur trit ocus (9) a cur na ceirin ar na suilib ocus foiridh teasbach ocus dirgi na sul . ocus (10) a bhruith ar fhin ocus coisgid fluxa na bronn ocus na fola mista ocus fogh(11)naidh uisci na rosa a naigid na nuile ainntes .
ITEM adeir raisis (12) ceirin do denum don luib so ocus foiridh gac uile att tic co nadura no co hai(13)cidech . Et tuic leat do reir platiarius in tan caiter ur hi (14) co lacann in { bru }[*] ocus in tan caiter crin hi co tirmagann in bru ocus ata (15) folmugad leanna ruaid co hairithi innti in tan cumus[c]tar re reubarbram (16) hi
Ocus adeir platiarius gurub de doniter mel roisium ocus acua rosiam (17) ocus siucra rosiam ocus siropus rosiam . ocus fognaidh co mor in saetur (18) sin a naigid na nghalar tesaidi ocus tinnesa in cinn ocus na nairged ocus do lucht (19) na heitici ocus na singoipisi ocus a naigid fluxa na brond ocus na (20) sgethraighi noc doniter o linn ruad ocus fognaidh a naigid fliuchaideachta in tshine se(21)ain ocus dinnarbad fiabruis quartana
Ocus [ adeir ] macer pudur do dhenum (22) don rós derg ocus a cur isna cnedaib ocus glanaidh iad ona salcur . ocus a cur (23) ar losgad teinedh no uisci ocus ni theit a nurcoit et reliqua
(24) ANISUM . CIMINUM DULCE (23).\. i. anmanna (25) na (26) hain(27)isi ocus ata si tesaidi tirim sa .3. ceim ocus ata si cna[p.14r](1)ithtech disgailtec diurictech ocus is mor fognus a naigid (2) langanaighi fuaire in gaile ocus a naigid tinnis na ninnedh noc tic (3) o fuardacht ocus a naigid na buideachaire .
ITEM ainis do bruith ar (4) sugh losa in gharrda no uinnemain ocus aenbaindi do cur (5) sa cluais de ocus icaid a mbuidri ocus a tinnes
Ocus in bean gna(6)thaigis hi métaighidh in bainne cích . ocus in fer métaighi in sperma (7) isna hurgib
ITEM pudur ainisi ocus ceir do chur trit a ceile ocus (8) a cur ar inad a mbia drochdath o bualad no o tuitim ocus foirid (9) he ocus a cur air amail ceirin
Ocus deir platiarius in luib so do bruith (10) maille re luibhaib diuraiceacha ele ocus osluicidh duin(11)ti na nae ocus na seilgi et relicua
(12) APIUM DONISTI CURI .(11).\. i. in meirsi garrda ocus aderar in luib (13) so (14) do (15) beith tesaidi tirim sa .3. ceim ocus adeir platiarius gurob ferr (16) a sil cum in leigis na in luib fein ocus is mor fognus na ceirin (17) cum na sul maille re plur arain gil ocus sugh na luibi so trit
(18) Ocus mur in cetna cum na cich . ocus duillebar na luibi so do brised (19) ocus a comailt do cul in chinn ac fir litairgia ocus foiridh (20) ocus sugh na luibi cetna do cur isin sroin ac in fer cetna ocus foiridh é
(21) ITEM a naigid aitt ocus tinnis beil in gaili . premha na luibi (22) sin do bruith ar fin ocus a ol ocus icaid . ocus in luib so na haenar (23) do cur ar na crechtaib úra ocus ni dhénait urcoid da eisi
(24) ITEM sil na luibi so do bruith ar finhegra ocus coisgid in sgethrac do(25)nitar o abur fuar lenna finn
ITEM adeir raisis in luib so (26) do thabairt amh do lucht na heitici ocus tiagait ina cruth (27) fein aris
ITEM in luib so do brised ocus a comailt ar uisci ocus (28) foiridh fiabrus codidiana . ocus sug meirsi ocus feineil do let [p.14v](1) dfer na hidroipisi ocus foirid he
ITEM gab sugh meirsi ocus amill(2)um ocus gealan uighi ocus mil ocus cumusc ocus cuir isna cnedaib (3) ocus glanaidh ocus slanaighi iad
Ocus tuic leat co fuilit gneithe (4) imdha ar in meirsi .i. apium ránarum .i. imhus na laf(5)an . ocus apium rísus .i. imhus garrdha ocus fortachtaighi gach gne (6) dib galar na seilgi ocus in daergalar . ocus adeir platiarius nach dligh(7)it na mna torrcha in luib so do gnathugad . oir sleamhnaighi (8) ocus bogaidh na sreabuinn bis timcill in toircesa indus (9) gurob cuis don togluasacht sin . ocus da ngh[n]athaighit . bidh nescoid mor(10)gaidhthi ar na leanbaid .
Ocus sechnaidh na { banaltrain } a gh(11)lacadh na a tadall . ar hegla . na leanab do dul a neipilencia .(12) oir ata in ais leanbaighi . maille re moran fliuchaidechta ocus re (13) becan tesa ocus re ainboinne brigi ocus re duintib na po(14)ireadh ocus is iadsin cuise na heipilencia . et reliqua
(15) ARSENICAM . URPIMENTUM .(14).\. i. da ainm (16) na hargoluime ocus ata brig discailtec glan(17)tach aici ocus is imcubaid hi a naigid cossachtaighi na leanub .i. sgru(18)bul do pudur urpimentum tri bainne no tri uighib foiridh . ocus is m(19)aith hí a naigid asma ocus na cossachtaighi cruaidhi .
ITEM pudur na hargo(20)luime do cur ar smeroidib derga ocus a detach do leicen na bél ocus (21) fortachtaighi in cosachtach
ITEM gab .℥. dargalam ocus a da huiret do (22){ galluinigibh }[*] ocus cuimesc trit a ceili ocus comail don inadh a mbh(23)ia in morfea ocus in bruithidha ocus icaid
ITEM gab pudur argallaimi ocus olo co(24)itcenn ocus cumusc trit a ceili ocus a cur ar sgruisingnibh ocus foirid et relicua .\.
(25) ARGENTUM UIUM . .i. in tairgett (26) beo ocus ata [p.15r](1) se tesaidi fliuchaidi sa .4. [ ceim ] ocus ata brig tollta ocus gerrta ocus discail(2)ti ann ocus is mor daimser féttur a coimét isna brigaib sin ocus (3) a beith a soithec dunta no a ninad fhuar . ocus is mor fognus a n(4)aigidh na mil ocus na snedh ocus gac uile shalcuir bis ar in folt (5) .i. min ponaire do cur trit ocus a bearbadh ar finhegra amail litin . ocus in (6) tan beas fuar . in tairget beo i. leth .℥. ocus a cumusc co maith (7) ocus a comailt don folt ocus foiridh é óna hurcoidib bis air
(8) Ocus is mor urcoidighis deathac in airgit beo do gac ni re mboineann .(9) oir bogaidh se feithe ocus ullmaige nech cum pairilisi . ocus in tan téit (10) sa cluas no sa mbel . marbaid nech gan fuirech . ocus da thegmad co racadh (11) isin mbel . tabair bainne gabuir dó a meit moir ocus na hanadh (12) ach ac leimnech ocus ac surdallad . ocus berbtar isoip ocus aibsínt (13) do ar fhin no ar linn . ocus muna dearntar sin dogeib bas obann .(14) ocus da mbia truailled ar an aigidh o linn finn saillti . no in neslainti re (15) nabur serpigo .i. deirthach .i. gab beacan dairget beo ocus prema (16) corrcopaige ocus bris co min ocus cuir im gan tshalonn ocus blonag muici (17) trit . ocus a comailt don deirthach no do shalcur in croicinn ocus icaid
ITEM (18) is maith premha moingi mire ocus prema sdafisauria (19) a ninadh na corrcopaige ocus tum snaithi olla annsa leigis sin ocus cea(20)ngail fon folt ocus marbaid na mila ocus na sneadha amail adubrumar
(21) Ocus tuic lett co fuilit .u. briga aigi .i. brig discailtec (22) ocus brig tollus na ranna dluithi ramhra . ocus brig cnaidhis in fliuch (23) ocus brig glanus in salcur . ocus brig innarbus na himarcracha
Ocus is am(24)laidh marbtar dasacht in airgit beo .i. le seile duine ocus (25) le luaith
ITEM airget beo do comusc le hola ocus le finhegra (26) ocus le sirusa ocus a cumusc trit a cheile ocus a cur ar in carraigi (27) ocus foirid . ocus foiridh lubra ocus gac uile salcur ele et reliqua .\.
[p.15v](1) ARRACIA . ATRIPLEX .i. da ainm (2) an elitre(3)og ocus ata si tesaidi sa cetceim ocus fliuch sa .ii. ceim ocus is (4) mor fognus a naigid tirmaidechta na ninnedh noc tic o losgad leanna (5) ruaid i. pothaiste do denum de ar enbruithi caerac ocus lagach in bru (6) co hailgineach
ITEM gab eletreog ocus mercurial ocus leamach maige (7) ocus borrhaiste ocus sail cuach ocus bruith ar im nua ocus cuirter ainis ann ocus a tab(8)airt ar fin no ar linn te ocus eabur re luighi ocus foiridh in cossachtach (9) ocus lagaid in bru
ITEM gab in luib cetna ocus premha glorium ocus dubcosach (10) ocus crim muc fiad ocus bun milbocan ocus egrim ocus gurmallin ocus bear(11)btar ar fhin ocus sitoilter ocus curtar mil glan trit ocus ebur mochtrach ocus re (12) luigi ocus foirid salcur na narann ocus in lesa
ITEM in luib cetna do (13) teimpearail tri finhegra ocus a cur na ceirin ar na haltaib ocus foirid (14) gallra na nalt mur ata artetica ocus potacra ocus a cosmaile .(15) deslaintib ele et relicua
(16) ASUFETITA (15).\. i. gum crainn ocus ata se tesaidi tirim sa (17) .3. ceim ocus gach meite bus br(18)en hí . is uaislidi hí (19) ocus ata brig discailtec aithtairngeach ann ocus is m(20)or fognus a naigid easlainti in cleib tic o adbur fhuar Ocus (21) adeir platiarius corob mor fognus si maille re siroip na uiola . a na(22)igid asma ocus disma ocus quartana ocus cruais na seilgi ocus artetica ocus pairilisi ocus eipilinnsia ocus fuardachta na hincinne a coitcinne ocus gach (23) uile easlainti fuaire arceana et reliqua
(24) ARISTOLOGIA LONGA . ARISTOLOGIA .(23).\. rotunda .i. in sdo(25)oinsi fada ocus ata (26) tesaidi sa .ii. ceim ocus tirim sa cetceim ocus a brisedh [p.16r](1) ocus a comailt ar uisci ocus foiridh gach uile neim ocus a comailt ar fhin (2) no ar linn ocus togairmidh in slanugad do na mnaib ocus a bruith (3) ar mil ocus a fasgadh tri étach ocus lan leighi dol de gach lae . ocus is m(4)aith he ar gac uile easlainti fuair . ocus a brised ocus blonag muice do cur trit ocus togair(5)midh gac uile arm ocus dealg amach co cumhachtach . ocus a brised ocus m(6)il do cur trit ocus glanaidh ocus slanaighi na cneada
Ocus a comailt ar fin (7) ocus a ol ocus foiridh in smasmus ocus cuirrinach na bronn ocus sirigra (8) ocus potagra ocus artetica noc tic o fuardacht . ocus a brised ocus a comailt ar (9) uisci ocus a tabairt roim aixis fiabruis intribulata ocus quar(10)tana
ITEM in luib cetna do brised ocus pudur do denum di ocus a crothad ar teine (11) ocus ruaigidh na demain as in ninad a croiter . ocus a brised ocus a cur a pollaib na (12) linnidhan ocus icaid . ocus in luib cetna dol ar uisci ocus foirid in fail .
Ocus tuic (13) leat co foghnann in sdoinsi fada a ninadh in sdoinsi cruind (14) ocus adearmaid gurub ferr in sdoinsi cruinn cum in leigis na in sdoinsi fada (15) ocus mairid a brig leis co cenn .3. mbhliadna ocus a mi october is ferr a fre(16)mha do buain cum in leigis
ITEM adeir in fer cetna gurob ann is ferr gac uile (17) premh .i. ar tuitim a duillebair . ocus gac uile duillebar gurob ann is ferr e cum (18) in leigis .i. in tan bis a blath air
Ocus atait .3. brigi isin luib so .i. (19) brig icshlainti ocus brig disgailtec ocus brig cnaidhteach .
Ocus mad ailt (20) in leanab marb dinnarbad . in luib so do bruith ar fhin ocus ar ola (21) ocus a cur amail ceirin fo shliasait deis na mna a ngoire d(22)fordronn ocus foiridh hí co luath . ocus gearraidh pudur na luibi so in ainm(23)fheoil bis a fedanaib na linnidhan
ITEM pudur na luibi cetna (24) ocus pibur do bruith ar enbruithi ceirci ocus foirid tinnes na bronn . ocus (25) in luib cetna do bruith ar uisci te ocus foirid rigur fiabruis intribulta et relicua
[p.16v](1) ARTEMESISIA MATER HER(2)baram .i. in buathballan liath ocus ata sé tesaidi tirim (3) sa .3. ceim ocus a bruith ar bainne no ar fhin no ar linn ocus togairmid in (4) fuil mista ocus glanaidh in maclag ocus a cur fuar ar fhin no ar linn ocus doni in (5) cetna . ocus a cur na ceirin ar in nimleacan ocus togairmid in fuil mista ocus a ch(6)omailt ar fin no ar linn . ocus a tabairt do mhnai con nighnaib ocus icaid (7) ocus in luib cetna do ceangladh fo na sliastaib a ngaire da bann(8)dacht ocus doni mur in cetna ocus bearur in leanab uaithi co luath ar heg(9)la in maclag do tairraing amach . ocus is mor fognus in luib (10) so a naigid na cloch fuail ocus cruais in macluig ocus grema na con confaid (11) ocus na deoch neime ocus a brised ocus a cur ar linn ur ocus fognaid cum gach (12) neithe da ndhubrumur
ITEM in luib cetna do brised ocus blonag mu(13)ice do cur trithi ocus a cur a haithle shiubail [*] ocus foiridh a nat ocus a tinnes . ocus (14) in luib cetna do brised ocus a cur ar cloich deirg ocus a detach do léic(15)en fo fer teneasmon ocus icaid . ocus is maith in luib cetna do cur (16) na ceirin ar na gerbaib ocus icaid
Ocus adeir platiarius gurob é duillebar na luibi so (17) is ferr cum in leigis ocus mairidh a brig re bliadain innti cum gac neith da n(18)dubrumur
Ocus adearmaid co coisgenn in aimritacht tic o fh(19)liuchaidecht . ocus co médaighann in aimritacht tic o tirmaidecht
ITEM in luib cetna (20) ocus duillebar in lauriola do bruith ar uisci ocus a dethach do leicean (21) fón mbandacht ocus togairmid in fuil mista
ITEM in luib cetna ocus ne(22)anntoig mhuiri . do brised ocus a cur na ceirin ar na heaspaighibh (23) ocus icaid .
Ocus in luib cetna do brised ocus a bruith ar fhin ocus coisgidh [p.17r](1) emegrania ocus cefalia . ocus adeir platiairius gurob imcubaid (2) in luib so isna neascoidib cleib amail ata pleurisis (3) ocus perplemonia ocus fognaid in luib cetna ocus sug teineacail (4) do fritbualad gac uile nescoide et reliqua
(5) ATHANASIA TANESETUM .I. (4).\. lus na francc (6) ocus is tesaidi tirim hi ocus ni faghar a ceim (7) o na huduraib ocus is inann atanasia ocus ni toirmeascus (8) in bás ocus coimhétus in { beahtha } oir ni ligeann bas (9) a ngoire na dainedh gnathaigis hi ocus fognaidh co h(10)airidhi do na mnaibh ar a mbia fluxa fola co himar(11)cach . ocus gac uile fluxa roseimh tic o seimighecht na fola (12) no o oslugadh na poiredh . ocus is maith in luib so ina ceirin (13) ocus ina dethaigh da toirmesc
Ocus is maith hi a naigid shal(14)cuir na fola ocus na heslainti re nabur filun .
ITEM adeir platiarius gor(15)ob a mi mhai is brigmuire in luib sin . ocus is maith hi a naigid fl(16)uxa na bronn . amail ata disinteria ocus liinteria ocus diarria
ITEM in luib (17) so do brised gealan .uighi. do cur trithi ocus a cur na ceirin fo na hairgibh (18) ocus foirid flux fola na srona
ITEM in luib so do tirmugadh ocus pudur do (19) denum di ocus pudur sinnsir { ocus galingan } ocus m(20)inntuis ocus a cur ar pothaiste no ar enbruithi ocus fognaidh co mór do cha(21)lmugud in dileaghtha ocus in tocluighthi ocus gac uile fuar(22)aigacta bis isina corpaib co huilidi et reliqua .\.\.
[p.17v](1) ATASAR . POLEMOREGLA .(2) .i. in poliol ruigel ocus ata se tesaidi tirim sa (3) .3. ceim ocus is mor fognus a naigid na neime ocus co hairithi in (4) tan caithis nech luibh neimnecha amail ata dath(5)abha ocus corrcopog no moing mer ocus na luibi ele m(6)arbtacha ocus fos fognaid do na dainaibh dogheib tuittim (7) no combrugh no bis gan labra ocus a ol ar digh heicin
Et (8) in luib so do brised ocus a tabairt ar finhegra ocus innarbaid linn dub ocus (9) a congbail sa bel ocus fognaidh a naigid aitt ocus teinnis in (10) tshine sheain .
Ocus a bruith ar fhin no ar linn . ocus togairmid in (11) fual ocus in fuil mista ocus a bearbad mar in cetna . ocus comfurtachtaighi in gaile (12) ocus foirid cuirinach ocus gaethmhuirecht na ninned
ITEM in luib so (13) do congbail fada sa bel ocus foirid tinnes na fiacul . ocus dentar [ ceirin ](14) don luib so maille re plur cruithnechta ocus foiridh tinnes na feithedh . ocus is m(15)aith hi dinnarbad peistedh na ninnedh . re nabur lumbrisi et reliqua .\.
(16) AUANSIA GARIOFILATTA .(17) .i. an macall ocus ata se teasaidi tirim sa .ii. (18) ceim ocus is mo brig a dhuillebair na a prem ocus ata brig disgailteach (19) cnaitech osluicthech innti . ocus togairmid fothrugadh na luibi so (20) an fuil mista ocus foghnaidh in fothrugadh cetna a naigid coilica passio [p.18r](1) ocus fos fognaidh a naigid tinnis in ghaili ocus gaethamhlacht na ninnedh (2) ocus in luib cetna . do bruith ar fhin no ar linn ocus comfurtachtaighi in dileghud
(3) Ocus atait .2. gne air .i. gne coillidhi ocus gne uisci . ocus is i in (4) gne uisci is ferr cum leigis fluxa na bronn ocus fognaidh pre(5)mha in macaill coillidi i ngac inad a fhoghnann in clobhus et relicua
AUELLAM . NUX . BARBA .(6) .i. tri . hanmanna na cno nghaedhilach ocus ata (7) siat tesaidi issin cetceim ocus fliuch sa .ii. ceim ocus is mo oilis in corp na (8) na cna franncacha . ocus da caiter iad co himarcrach maille re(9)na croicenn . tuismigter isna hinnibh gaetmuirecht imarcrach . ocus da (10) nglantar iad on farcroicinn . is mor fhoghnaid a naigid (11) na cossachtaighi
Ocus a mbruith ar mil ocus blonag muici do cur trithu ocus (12) a cur na ceirin ar in inad ar nach bi finnfad ocus fasaidh co luath (13) ocus in ni cetna do brised ocus a cur na ceirin ar greim con confaid ocus foirid ocus (14) ni dhenann urcoid ni is mo et relicua
(15) AUENA :(14).\. i. in coirci ocus ata (16) brig lacthach co hailginac (17) and ocus is mor foghnus sé (18) a naigid na natt tesaidi ocus bogaidh na h(19)adbhuir cruaidhi ocus is imcubaid he ar na hadbaraib neimneca ina ceirin et relicua
(20) AURICULA MURIS .i. in liath(21)lus beag [p.18v](1) ocus adeir auicenna in luibh do brised ocus a cur ar in ndhealg bus ailt do (2) tabairt a ball ocus tairrngid he co cumachtach
ITEM ceinnsgethrac (3) do denum de ocus glanaidh in inchinn ona salcur . ocus a tabairt (4) do lucht eipilinnsia ocus comfortachtaighi iad co mor et relicua
(5) AURUM (4).\. i. in (6) tór ocus is ar a measardhacht nach(7)ar cuiredh a ceim he tar (8) na mitalaibh ele . ocus is mor ocus foghnus don (9) craidhi ocus ata catimia mur in cetna .i. slaitheach an óir . ocus fo(10)ghnaid co mor a naigid elifanncia . ocus comfurtachtaighi in gaile ocus sing(11)coipiss ocus cordiaca ocus a tabairt fo do shechtmain . ocus is maith (12) a slaitheach no e fein a mbiaidh no a ndhigh ocus foirid in lubhra
(13) ITEM pudur do deum don tshlaithech sin . ocus a cur fo na suilib ocus sg(14)ailid a mbrait ocus a salcur
Ocus atait cumachta hegsamla ac in ór .(15) .i. uair ann métaighi ocus comfurtachtaighi na sperma . ocus calmaige in dilegud ocus fost(16)taghi gach fluxa uair ele o na cumachtaib . ocus is maith he a n(17)aigid na fuardachta ocus na teasaidheachta . ocus innarbaid gac uile imarcraigh anbho(18)onnighis in naduir ocus glanaidh na leanna salca et reliqua .\.
[hs][p.47v](1) OPONACAS .i. is inann opoponax isan greig ocus (2) sugh luibe neoch dogabar sa (3) [d]oman toir ata se tesaide tirim sa .3. ceim .
Orrdaidh platiairus pillidhi (4) beca do denamh de a nuigh buig ocus a caithem ocus foiridh asma
A cur a s(5)ugh orafuinnt re lo ca noiche ocus a silodh arnamarach ocus siucra ocus mil do (6) cur and ocus a ol ar cetlongadh ocus foiridh an nidhroipis tic o fuardacht ocus gac tir(7)caire fuar ele tic o fiabrus
A cur ar smearoidibh dearga ocus a deatach do ligin (8) fon maclug ocus toghairmidh an toirrceas
Pisairium do denum de (9) ocus cadas do tuma ann ocus a cur sa maclug ocus doni an cedna
Opoponax (10) do tobairt maille re sugh mormoint ocus re mil ocus marbaid gac uile peist bhis (11) a mbroinn ocus a ngaile ocus a neachaibh
(12) OLIBANUM teas tirim sa .2. ceim ocus guim croinn hi dogabur sa cathraigh (11)// dana h[a]inm alaxanndair ocus do(13)gabur i sa cathraigh darab ai[n]m gamasgum ocus a n(14)dath . geal glas is fearr i ata brig comfurtacht cnoitec ann ocus is m(15)or do blathaibh beireas a brig ann
Olebanum ocus masdix do comusg maille re (16) fin ocus re gealan uigh ocus a cur um na hairgibh ocus coiscidh silid na leanann o na s(17)uilibh ocus o na fiacluibh ocus coisgidh tuitim an tsine tseaain ocus ni liginn silead (18) na leanann cum an clibh no cum an sgamain
Pille do denam de (19) ocus a tobairt do neach re loighe ocus coisgid an longoideac goirt ocus co(20)mfurtachtaid an dilegud
An guim cedna do cur ar smearoidib dearga ocus a de(21)atach do ligin fon mhaclug ocus togairmidh an torrceas gan f(22)uireach amail adeir isac
Pudur oilebanum do cur a finegra { no(23) co } leagad ocus breid lin do tumadh and ocus a cur ar na cichibh (24) ramhra troma ocus lag[dh]aid iad gu hailginach min cennsa
(25) Oilebanum do bearbad ar fin ocus a fassgadh trid { ed(26)ach } lin ocus a cur mur a bhfuirth fa fa na suilibh ocus gla(27)naidh an radharcc ocus coisgid tindes na sul ocus a ndeirge (28) ocus a cur a deochaibh do lucht an tersiana ocus an coidiana ocus (29) an cartana ocus foirigh iad gan cundtabhuirt et reliqua
[p.48r](1) OUUA AD ON NA HUIGI is teas fliuch na hu(2)ile uigh ocus adearar (3) co fuil fliuch ana mbuigean ocus ana gealan
An tan (4) rostar am buighean bidh brig fosthadach ann
Eidir gac uile uigh is (5) iad uighe is fearr ann uigh na cerc ocus is mo is inmolta ur .iad. na crin
(6) IS dimolta ugh na nen gnathaigis uisci oir cruthaigter drochleanna uatha do reir (7) auidseanda
Adeir fos co fuil cosc neime ocus tinnis a ngealan (8) gaca uighi ocus co hairighi a ngealan ugh na cerc
Adeir auidseanda gurab amlaid (9) is fearr iad a mbearbad ocus a caimthemh bog ocus is mo moltar am buighean na [a]n ng(10)ealan cum na hoileamna
Buighen do caithem bog ocus foirid gair(11)be an goth ocus cumgach in cluais ocus foghnaid do lucht pleurisi ocus do lucht na (12) heitice ocus do lucht emaetoica [*] ocus in sele fola
Orrdaig auidseanda (13) uighi do bearbadh ar finhegra no co mbeid cruaidh ocus foirid disinnteria
(14) OS DI CORDI CERUI .i. de cnaim craigi in fiada (15) ocus ni fadhtur a ceim a leabhar (16) platiairus ocus a leith cli an craidhe bis ocus is dfuil an craigi doniter é (17) bid cosmailes an cnama so a croidhe an gabhair .i. bi an dath forruadh (18) ocus beirid brig a cn[a]im croidhe an fiadha .x. mbliadna
A tirmugud ar dus re gre(19)in ocus ata brig comfurtacht an croidhe ann ocus brigh glanta (20) na fola
Casnaigheach in cnama so do bearbadh (21) ar borraidsi ocus a tobhairt do neoch ar a mbidh singcoi(22)pis no cardiaca paisio ocus foiridh iad gan fuireach
(23) ITEM pudur an cnama so do tobairt ar fin ocus foiridh (24) flux fola in daergalair
Ocus a tabhairt ar fin ocus fo(25)irid singcoipis ocus is imda buadha mora maithi (26) ar an cnam so amhail adeir ipracaid /////
[p.48v](1) ORDIUM .i. an eorna fuar tirim sa .2. ceim ocus [']s mor moltar (2) a leabhar ploretus cum na leigis i oir is di do(3)niter sisan ordi ocus is mor foghnus do lucht na fiabrus mar adeir (4) ipocraid in libro reumennta acutorum sa cetpairt .
Adeir gu foghnann an naigid na nescoidh tesaide ocus fuar co coitcinn .i. min eorna ocus finhegra cum frithbuailte na (5) nescoid tesaide ina tosac
Min eorna ocus buidhen uigh ceirc cum aipithi na nescoid [*] tes ina tormach
(6) Min eorna ocus pic ocus mil cum aipithi na nescoid fuar
Adeir galienus ider na huile { gran } guro(7)b i an eorna is mo oilis gu haicidech ocus is mo oilis an cruineacht gu nadurra
(8) Adeir isac eorna arna berbad do briseadh a mmoirtel ocus pothaid(9)si do denamh di ar bainde gabhur ocus is biadh imcubhaidh do lucht (10) na tisisi ocus na heitice sin Oir athnuathaighid in fhlitheacht nadura ocus (11) na spioraid amhail adeir isac in dieitis unuearsailibus ////
[p.48v](1) PANINUS .i. duillebar na finemnach is tesaide (2) tirim ocus a briseadh ocus blonag muice trid ocus a naighean ocus a cur (3) ar druim na sul mur ceirin ocus foirigh an deirge ocus tinnes (4) pisairium do denam de ocus toghairmidh in fuil mista (5) ocus in slanugud ocus in toirrces marb
Pudur do denam don luib (6) cetna ocus blonag muice trid ocus a cur ar na nescoidibh ocus foiridh (7) iad go cumactach
(8) PESACCIPPRIS .i. columbi(7)na tesaide tirim ata si an luibh (9) so do brised na henar ocus foirid in aillsi
A s(10)ugh do cur bog sa cluas ocus foiridh in tinnes tic o fuaridh(11)acht
An sugh cetna ocus bainne cich do cur fon rosc ocus (12) ichaidh he
A beith ad laim ocus ni goillfe coin naid (13) madraidh gaithe ort
(14) PETROSILIUM .i. in persille tesaide tirim (13)// sa .3. ceim . ocus ataid da (15) gne air .i. gne muinnterda ocus gne coillide ocus is i a f(16)rem ocus a sil is mo iartar cum leigis ocus beiridh a brig .u. bliadna ina s(17)il ata brig diureiticeach [ ag ] in sil ocus ann fein ocus { torbach } in (18) luibh so a nadhuig gaethamhlacht ocus a caitheam omh (19) no beirfe ocus is comhartachtaigh in gaile go mor [p.49v](1) ocus lagaidh in bru gu hailginach
A bearbad maille re bo(2)rrhaiste ar feoil caerach is cuamachtach a naigid stran(3)guria ocus disuiria ocus duinnti na nae ocus na seilgi
Ceirighin (4) don luibh so d[o] cur um na huirgib ocus foiridh an nat ocus a tinnes
(5) PULEGE MUNTANUM AD ON (6) .i. in puliol muntanum tesaide sa dara ceim ocus tirim sa .3. ceim ocus ata brig di(7)ureiticech ann a buain an tan bis a blath air ocus beirid a brig bliadain (8) inndti ocus a taisgid a ninad dorca ocus fognaidh si a te(9)asaighacht ocus a fuarighacht in cleibh ocus foghnaid si a naigid gae(10)tamhlacht an gaile ocus na ninneadh ocus foslaicid duinnti (11) na nae ocus na seilgi
A bearbad ar fin ocus glanaid sligi an n(12)fuail ocus foiridh stranguria ocus foghnaidh an luib cetna { an ngach }(13) easlainti na nalt a ceirinachaib ocus a ndeochaib ocus a n(14)urbruithibh ocus is maith ar fin i a naigid na fola mista
(15) PIPER NIGRUM .i. in pibar dubh tesaide tirim sa (16) cetceim ocus beirid a brig ann gu cenn .x. mbliadna ocus ata brig diur(17)eiticach cnaitheach ann
A pudur do cur isna cnedhaib (18) ocus coisidh an ainbfeoil ocus is leor da loscadh he ocus ata (19) brig attairrngech cnaitheach ann do reir auidseanna
Pudur do cur (20) sa sroin ocus toghairmidh in tsrefadhach ocus is cuis do glanadh (21) na hincinne o na leannaibh fuara i
Pudur pibuir ocus ainis (22) do caithemh maille re figeadhaibh a haile na codach ocus (23) comurtachtaidhi in dilegud
Pudur laedhain in p[p.50r](1)ibair duib do cur ar uisci na roisi ocus a cur fan suil (2) ocus foiridh finn na sul
ITim dena an sabsa so do me(3)dugud in tolaigthi .i. gabh saidsi ocus minntus ocus persille ocus bris { co } m(4)aith iad ocus ben a sugh astib ocus cuir pudur arain gil ar(5)na rostadh ann ocus pudur pibuir ocus cumaisc maille re finhegra (6) ocus re fin ocus caitear mar cuid
Na gnathaidheg lucht leanna (7) ruaid na fola deirgi oir ullmaige iad cum lubhra ocus ata gne eli te .i. (8) pibur fada ocus is mo comfurtachtis [ na ] an pibar dubh
Adeir auidseanna guru(9)b eadh is pibur fada ann .i. caitinach fasus ar an crann (10) ar a fasann an pibur dubh
Adeir ploretus gurob ar sleibhtibh (11) san innia dogeibter e ocus ata dimad na nathrach nime (12) ann gurub eigean a loscad gurub aire sin bis [ a ] cas dubh
(13) PULICARIA .i. an millsen monadh ocus ata (14) da gne air .i. gne mor ocus gne bec ocus ata an gne m(15)or fuar fliuch sa .3. ceim ocus ata an gne bec tesaide tirim sa .3. ceim ocus ata brig dis(16)cailteach ann
A bearbad ar fin maille re figeadhaibh ti(17)rma ocus innarbaid na leanna fuara o na ballaib spiorudalta ocus foiridh (18) cumgacht anala ocus gac gne don asma ocus forragadh do (19) denam don luib so ar talcar an macclaig ocus pudur (20) do denamh don luib so ocus a cur amail pisairium ocus medaidh an (21) geineamhain
ITIM lan durnn don luib so do bruith ar fin (22) ocus a cur te fon timtiracht ocus foiridh bolg an daergalair
(23) An luib cetna do cur ar leic te ocus a cur ar an mb(24)athais ocus coiscigh sileadh an rema amail adeir auidseanna
(25) PAIRITAIRIA .i. is tesaide tirim s[a] .4. ceim [ agus aderur uitriora risin luibh so .i. uitrum an gloine ] oir glan(26)aidh si gac uile gloine ocus a coimilt di ocus as ferr (27) a ur na crin ocus ata brig diureiti[c]each tseim cnaittec [p.50v](1) indti ocus is mor foghnus a naigid tinnes ocus gaethmuireacht (2) an gaile is na ninneadh ocus str[a]nguria ocus dismia a berbadh (3) ar uissci tsaillti ocus a cur ar an imlinn ocus furtachtaid gu (4) mor na heaslainti adumruar
Brister an luib so ocus bearbtar ar bran ocus (5) ar desgaidh ocus cuirter mon imlinn ocus coisgidh flux na bronn
ITIM den(6)tar fotharcadh don luib so ocus do duille eighinn na sgeithidh ocus (7) do dearglaidh [*] ocus do fremaibh madra do lucht disuria fortacht(8)aidh gu mor iad do reir ipracaid a naimprismorum
(9) PULUPTIUM .i. an sgim tesaide tirim sa .2. ceim adearur (10) da gne do beth urra .i. gne fasus ar clochaibh ocus gne (11) fasus ar crannaibh ocus ar dairgibh is i an gne fasus ar dairgibh is (12) mo iartur cum leigis
ITIM folmaigid linn finn co hoiregda ocus linn dub co tanaisti (13) on gaile ocus o n[a] hinnibh co mor ocus is mor foghnus do lucht co(14)idiana ocus tersiana doniter o coilera citrina ocus uitilin[a] ocus foslaici (15) duinti na nae ocus na seilgi doniter o linn ruad righin ocus is mor foghnus (16) gaile ocus isna hinnibh
An luib so do bearbad ar eanbruithi do lucht leanna finn (17) ocus linn duib do coimed na slainti ocus dentar an tsiroip so do brisedh na g(18)aethmuirecht .i. sil fenil ocus ainis ocus cuimin bearfur co maith ocus sithoilter ocus cur(19)tar siucra ann ocus is mor foghnus do coimedh na slainte et reliqua [*]
(20) PIPINALLAID .i. an theigreim tesaide tirim sa .3. ceim ata (21) brig diureiticeth ann is mor foghnus do lucht st[r]anguria (22) ocus dismia a frema ocus i fein do bruith ar fin coisgidh docamal an (23) fuail ocus brister prema na luibe so co maith ocus a cur mar cer(24)idin um na heaslaintibh gera ocus indarbuidh (25) iad gan cundatabhart do reir ipracaidh ocus auidseanna
[p.51r](1) POILITRICUM .i. gne dubcosach an { ruibh }(2) cloich ocus ata si fuar tirim fosluicech is maith i a naigid duinti (3) ocus ni dleagur a tabhairt gan luib diureitcech ann mur ata prema feinel ocus per(4)sille a mberbad ar fin ocus a tabhairt a nadhaigh na neas(5)lainteg adurumar leath tsuas dind roim seo fos
(6) PORRUM AD ON in lus is tesaide tirim sa .3. ceim sugh bon (7) an losa do tobhairt don l(8)ucht cuires fuil tri a mbel ocus bid slan barr losa do briseadh (9) ocus mil trit ocus a cur isna cnedaibh brena a mbi moran silid ocus foiridh (10) iad
Sugh losa do tabairt ar sisan bog ocus coisgidh an cosacht(11)ach co mor
Sugh losa ocus mil do cur trid ceili ocus a cur sa sroin ocus f(12)oiridh tinnes an cinn
Da [ mbia ] tinnes annsa cluais bainne do cur (13) do sugh losa do cur sa cluais a[s] sia on tinnes ocus icaid gu maith
(14) A caitheamh a tosac na codach ocus toirmiscidh an meisgi
A caithemh do mnai (15) a tosac na coddac ocus bi cland mar uadha
Prema an losa do cur (16) ar smearoidib dearga ocus a deaghac do ligin sa maclacc ocus toghair(17)midh an fuil mista
Sugh losa do cur sa sroin ocus coisgidh flux na bro(18)nd
Prema na losa do brisadh ocus foirid an neim
Murlain (19) losa do bearbadh ar bainde almonti ocus a caitheam ocus (20) togairmidh an druis ocus ata gne coillide de re naburar (21) sibhus ocus ata brig discailtech na leannann and ocus togairmidh an (22) fuil mista ocus an fual ocus a caitheam omh
An uair caitear an (23) luib cetna ar cetlonga tuismidtear gaethmuirecht nada (24) sin gaile ocus gortaidh na feithe cruthidhter deathidh ram(25)ra uadha noc urcoidis don rosc ocus is cuis daislinnibh trom(26)a da mhailis cosmailis tromlaighe a naimsir an collata (27) amhail adeir platairius anna leabar fein ////
[p.51v](1) PINGEDA .i. an methradh ata gne tesaide tirim de ocus (2) gne tesaide fliuch ocus is fearr methradh na mb(3)eathadhach bfiadhamhail cum leigis na mbethach eili ocus arr(4)saidhacht bias an tainmidh i[s] ferrdi an methrad ocus is e methradh (5) na cerc ocus na coilec is ferr ann
Methradh geid mathamna do coimilt (6) don ninad bias lom ocus fasaidh a finnfad
An methrad cetna do cur isna cneadaibh (7) a mbi ainbfeil ocus ich
Methrad an eisg ocus mil do cumusg trid a ceile ocus a c(8)oimilt do na suilibh ocus icaid a fliuchaidecht
Geir fiadha do cur amail uinnnminnt ocus (9) a coimilt do lucht an sbasmais ocus icaid iad
Methrad an gobhair do cur (10) a clistiribh a naigid disiteria ocus foirid iad
Adeir isag co bfuil methrad (11) gac uilidi ainmidh anumal don dilegud oir tuismidh duinti na mball
(12) PIRA AD ON na piridha fuar tirim iad a caitheamh (13) a ndiaid na codach ocus foiridh an (14) dilegud a caitheamh roim an cuid ocus coisgidh flux sa bronn (15) a mbriseadh ocus a mbearbad ar uisgi fortana ocus cuirter na ceirighin (16) ar bel an gaile ocus coisgid an sgeathrac coilerda
An ce(17)irigin cetna do cur ar a nimlinn ocus icaidh flux na brond
(18) PLUMPUM .i. an luaighe ocus ata brig frithbu(19)ailtec ann
Plata tana do den(20)amh de ocus a cur ar an mball a mbidh tinnes ocus foirid (21) e do laighdiugud ainntesa ocus tsiled na cneadh ocus aa tirmaig (22) gu maith do reir auidseanna
Ga copa do denamh de ocus a cur (23) sa cneidh no plata a mbidh moran poll ocus a cur (24) orra leath amuigh ocus is mor furtachtaidhis iad do cosg (25) neim loisgce donitear o teinigh no o uisgce
(26) Plata luaighe do cur orra ocus foirid iad gan cunntabairt
[p.52r](tmarg1)[hs] comortus ann so re gilla padrig o toindidh 67b17 bu
(1)[hs] [Q]UERCUS .i. in dair fuar tirim sa dara ceim ocus ata (2) brig fosdtoighthech tirmaigtech ina crand ocus na (3) duillebar ocus ina toradh a neneccht
Duillebar an croinn so do brisedh (4) ocus a cur isna cnedhaibh ocus coisgidh flux fola na cneadh
Duillebar an (5) croinn cetna do bearbad ar uisgce ocus a ol ocus coisgidh disinteria ocus gac uile (6) flux fola
A cur fon timtireacht ocus foiridh tindeasmon
(7) ITIM cairt do bearbad ar uisce ocus an tuisce dol ocus an teslan do cur na tsuighi (8) ar an cairt ocus coisgidh na heslainti adubhrumar
Measoga na dar(9)ach ata togaim an fuail indti ocus coisgi gach flux ocus is mo ata (10) brig sdipecca a mblaisg na mesog na na toradh ocus is mo ata si(11)n ana blaisg na na copanaib
Oir adeir auidseanna ider na huilib ni sdipecca gur(12)ub iad copain na mesog na ndarach is mo sdipecca dibh
[hs][p.75r](1) UERNIX .i. gum croinn hé noc ata fuar tirim sa .ii. ceim ataid tri gneithe air (2) .i. gné bhuidhe acus gné ruadh acus gné gheal acus is i an ghné gheal sholus is fherr dibh (3) acus ata brig chengailtec dluithighech na nuile dath ann . oir is é cuirid na pinn(4)taraigh tar eis gac datha arna dealbad . oir dobeir a dhath fein do gac dath acus bí so(5)lus loinnerdha uadha .
Uernix acus tuis acus geal uighi do cur ar bél an ghaile acus (6) coiscid gach uile scethrac
Et coiscid pudur an ghuma so gac uile fhlux
An gum cet(7)na do choimilt do cheir acus beiridh a brig innti ced bliadna gan truailled .
(8) UERUENA teasaide tirim acus is treisi a tirmuidhecht ina a tesuidhecht .
An luib so do bearbad (9) acus foiridh neim ledartha na con confaid acus in luib fein do cur [ a ] nceiridhin ar an cneidh
Sugh na luibi (10) cetna do chungmhail isin mbeol acus foiridh an galar beoil
Duillebar na luibi so do (11) cur isna cnedhuibh dearga acus foiridh íat
An luib cetna dól ar fhin no ar linn a nagaid gac uile neimi
(12) Tri fremha acus tri duillebar don luib so do bhuain acus paider lé gac duillebar acus lé gac freimh acus a ól ar (13) uisci srotha acus foiridh terciana
Et .iiii. duillebair acus .iiii. premha do bhuain mur an cetna (14) acus a ól roim aixis quartana acus ícuidh hé .
Ueruena do beith ad laim ag dol (15) dfhis tothair acus fiarfaig de cinnus ata acus da nabra gu mbía gu maith tic(16)fa ass acus dá nabra gu mbia gu holc ragaid dhég
An luib so do berbad ar fhin (17) no ar linn no ar mhidh a nagaid gac uile eslainti tic o fuardacht an ghaile no an cleibh acus is (18) tarbach fhoghnus doibh .
Ueruena acus bitoine acus an tathair talaman do brisidh acus a (19) coimilt acus a ól ar cetlongadh gac lái acus brisidh na clocha fuail gan amaires
(20) UIoLA .i. an tsail cuach fuar a tosac an cetceim fliuch a ndeireadh an dara ceim
A tirm(21)ugud acus beiridh a brig dá bliadna innti acus is fherr a buain gaca bliadna acus ní do blath (22) uiola acus do shiucra doniter do molasium .
Et is don blath cetna acus do mhil do(23)niter mil molacsium acus ge be acu sin bis ail let do dhenam cuir an blath annsa (24) mil no annsa nolaig no sa siucra acus leig ann fedh daimsir acus faisc as a hai(25)thle biaidh mur adobramar
Et is amlaid doniter siroip na uiola .i. blath ui(26)ola do bearbad ar uisci acus in uair bís fuar é siucra do cur ann acus is imcubaid [ an ] tsiroip sin [p.75v](1) a nagaid na neslainteadh teasaidi
Dénam eili uirri .i. ar olaig bláth uiola do brisidh (2) acus a cur maille re holaig a soighech gloine re grein a naimsir shamraig re .u. la (3) dheg acus bi ina holaig toghaidi acus fortachtaidh an ola so gac droch coimplex an cuirp
(4) Et denam eili ar an tsiroip .i. blath uiola do cur ar uisci fedh oidhchi acus a shithlad arnamar(5)ach acus siucra do cur innti acus bí na siroip .
Ola no uiola do coimilt don étan acus do na (6) hairgibh acus icaid tinnes an chinn tic o teas
Et ataid tri briga innti .i. na neithi garba (7) do mhiniugud acus na neithi tesaidi dinnfhuarad acus na neithi cruaidhi do bhogad acus in sdupail acus (8) in cengal bís arna haebh do lagadh .
Uiola maille re gealan uighi do cur um na (9) neascoidib tesaidi acus fritbhuailid íat ina tosac
An luib cetna do bearbad ar uisce acus na cosa acus in agad (10) dinnladh ass acus dobeir an codlud
Et tuic let gurab córa in uiola do bearbad cum (11) siroip do dhenam di ina an rós . oir ata flichidhecht righin didiscailti innti acus flich(12)idhecht soscáilti shiltech ata isin ros
An uiola do bearbad ar uisce acus a ól acus coiscid (13) in latirt no a bolad fon sroin acus doni mur an cetna
Et adearmuid an uiola ar a (14) mbi blath donn derg gurab imcubaid a nagaid epilinsia i
ITIM blath uiola acus croch acus mirr (15) do cumusc trit a cheile acus a cur ar na suilib acus foiridh at acus deargudus na sul
ITIM sail cuach (16) do brisidh acus a cumusc maille re mil acus re finegra acus a coimilt do chinn déis a bh(17)ertha acus icaid a bhruith acus a shalcur
An luib so ar leic the acus a cur mur sin ar an at acus coiscid (18) a neim acus a thinnes
An luib so do bearbad ar uisci acus a deathach do léigen fon machlag acus icaid (19) a créchta
Síl na luibi so do thabairt ar fhín acus glanaidh an fuil mista
Ceiridhin don luib so (20) ar an potagra tic o teas acus icaid í
An luib so dól ar uisci acus innarbaid linn ruad bis isin (21) gaile
An linn cetna do bearbad ar medhg a nagaid pleuirisi perplemonia acus gac uili es(22)lainti an chleibh
Ola na uiola do coimilt do cliabh na lenam mbec acus coiscid (23) a cosachtach
Sugh na luibi so do cur bog isin cluais acus foiridh torman na cluas tic (24) o teasaidecht
Sugh na luibi so dól ar cetlongadh
An duine o téid aurlabhra an (25) luib so do thabairt dó ar fhin acus dobeir aurlabra dó .
(26) UIRGA PASTORIS .i. lus na leadan immorro fuar tirim acus ni fagur [p.76r](1)[ brig ] fhasdoightec innti acus is imcubaid í a nagaid flux na bronn
Ceiridhin di do cur mai(2)lle re gelan uighi ceirci acus re min eórna ar an imlegan acus coiscid flux na br(3)onn .
Pudur na luibi so do thabairt a bhuig acus coiscid flux na bronn
Ceiridhin (4) don luib so maille re gelan uighi ceirci do cur ar an teinidh diagh acus foiridh hí
Ceiridhin [ in ] luibi so (5) do cur ar an cenn acus fortachtaigh frenisis
(6) UITRUM .i. an ghloine fuar sa cetceim tirim sa .ii. ceim ma(5)ille re holaidh na cnó frangcach (7) do cur { um } an cenn acus fortachtaigh gac uile carraighi .
Pudur gloini maille re tirpintina (8) do cumusc acus foiridh gac uile bruth an croicinn acus a coimilt de
ITIM gabh blath na smer (9) acus pudur gloini acus ola na roisi cumuiscter trit a cheile acus a cur ar an morfia acus fuilidh air (10) ar tus acus foiridh é gan amurus do reir platiarius
Pudur romhin gloini do cumusc maille re sugh fein(11)eil acus a cur fon suil acus sgrisaidh finn na sul
(12) UUA .i. caora aibdhighthi na finemhnach teasaide fliuch íatsein acht mina toirmiscid (11).\\. claochlód an fhuinn no na tíri a naicned
(13) Et adeir isag gu tuismighid fuil glan acus gu tiadhuid tar na huile toradh acht (14) amhain na hubla figi
Et adeir isag co nexamlaighid a .iiii. folaid ag(15)aibh .i. a cnaim fuar tirim acus a sugh teasaide fliuch acus a neitneadha teasnaidi tirim acus a croicinn fuar (16) tirim fós
Et adeir galen gurab inann oibriugadh croicinn na risin acus croicenn caor (17) na finemhna oir atáit dodhileagtha gaothmur
Et ideir isag co coiscenn caora (18) na finemhna meisci in fhina acus gac meisci tic co hobann is gairid bis ar neoch (19) acus gac meisci tic co righin is fada bhis ar neoch
(20) UINUM .i. in fin teasaide tirim ocus is mor oilis a corp ocus coimedus an tslainti (19).\\. ocus a ól gu mesarda do réir (21) isag in detis un[i]uersalibus ocus calmaigi se in dílegadh isin ghaile ocus isna (22) haebh ocus isna ballaib co huilidi oir adeir galen na briatra so a lebur choimed(23)a na slainti . Impossibile est actionem uirtittis digestiue confor(24)tari abice uiuo .i. ní fétar oibrige na brigi díligthi do chalmugadh (25) gu foirfi in uair anmainnighter hí gan fhin . oir comaontaigh a tes risin tes (26) nadura ocus a flichidhecht risin flichidhecht nadura ocus inntaigid co hurusa a fuil roghloin ocus [p.76v](1) metaigid na spiraid ocus glanaidh se in fuil ocus laighdigid duinti na nái ocus na seilgi ocus glan(2)aidh na suile ocus innarbaid bron ocus toirsi an cridhi ocus calmaigi an tanam oir cláochlaid bron ocus cuma (3) ocus toirsi ocus calmaigi na boill gu huilidi ocus métaigid in forbhfailtechus ocus in menma ocus comfort(4)achtaigid an tanam cum aitrighi ocus cum diaghachta ocus cum beoghachta ocus cum arrachtais
Et is follus (5) do reir isag co dleagar an fin do tabairt i ngac uile ais ocus aimser ocus coimplex ocus foghnaid (6) do reir mur fuilngis an naduir é do reir méada no laighid
Et adeir isag gurab mó dleagar (7) an fin do na macamhaibh ocus do na dainibh óga dá ól na do na senndainibh óir géma (8) imcubaid doibh é do reir a coimplex[a] ní fuilngthech an inchinn air do réir anmainne na (9) brigi ainmidhi acu ocus buigi a feitheadh Et is examail oibrigi an fhina do reir isag (10) óir is mur leigis amain dleagur a tabairt do na senndainibh ocus mur biadh do na dainibh (11) óga ocus mur bhiadh ocus mur leigis do na lenbuibh ocus do na macamhaibh
Et a beith mur leighis (12) do na senndainibh is é is aadbar dó .i. teas an fhina ac frithcatugud a nagaid fuaracht na (13) háisi sin
A beith na leigis do na dainibh óga is ed is adhbar dó .i. gurab inann coimplex (14) ocus naduir doibh
A beith mur biadh ocus mur leigis do macamhaibh ocus do na lenbaibh is é is adh(15)bur dó . óir nír coimlinadh a teas na a mbriga na a mboill gu foirfi ocus ata (16) a flichidhecht gu himurcach mur adobramar ocus ceartaighi in fin na neithi sin ocus is ullam he (17) do dhul a oileamain na mball
A naimsir geimhrid ocus fhoghmhair fuar dleagur an fin (18) do thabairt a méit móir ocus aimsir shamhraid ocus a foghmur teasaide dleagur a cumusc maille (19) ré huisgi óir beiridh seimidhecht an fhina an tuisgi a ninmeadhon na mball (20) da ninnfhuarad ocus da fliuchadh
Et examlaigter an fin do reir aísi .i. an fin nua (21) enbliadna amain ocus in fin arsaidh on .iiii. bliadain amain gus an .uii. bliadain ocus fin inmheadh(22)ónac o dhá bliadain gu .iiii. bliadnaibh
An fin nua uero ata sé teasaide fliuch sa (23) cetceim gurab uimi sin is mór fhoghnus a nagaid na fuardacht ocus na fliuchidhecht ocus itim na (24) huile deoch is é is mo téid a noileamain na mball do réir isag ocus gidh (25) edh thuismidhter droichlenna truailligi uadha ocus gaothamlacht an ghaile ocus na ninneadh (26) óir adeir galen nach fédann an fin ur an biadh do bhreith leis cum na mball
[p.77r](1) An fín arsaidh uero ata sé teasaide tirim sa .iii. ceim ocus ata seirbhi ann ocus is bec oiles (2) ocus is luath téid isin cend ocus cum buaidhridh na cetfadh da neabur co mi(3)nadura é acht muna rabh arna cumusc maille re huisgi nglan Et seachna(4)dh an lucht ag a mbí na cetfadha rogera ocus na feithe roanmanna in fin so (5) acht muna bed maille re mórán fliuchidhechta noc fheadus frithchathugud a nagaid gér(6)aighechta ocus rothesa an fhina
An fin inmeadhonach immorro ata sé teasaide tirim sa (7) .ii. ceim ocus é im[cu]baid do gac uile ais ocus coimplex da tuctar é gu mesardha
(8) Uenenum .i. an neim ocus is iat so na neithe frithchathaighis a nagaid na (9) neime mur ata feóil na naithrech neime ocus calimint ocus sugh praisci coblain (10) ocus orobus .i. pis enain ocus ipericon .i. bithnua ocus ceclamen .i. cularan ocus e(11)forbium ocus salann ocus ruibh ocus gaillbilar ocus sdoinsi fada ocus eitneadha na cnó (12) frangcach ocus a caithemh maille re ruibh ocus sbaragus guna sil ocus balsa(13)mam ocus finégra ocus fuil mil muige ocus bainne asail no lára ocus uirghi fiadha (14) ocus gairleóg cona cosmaile
(15) UENTER .i. an bru ocus is iat so na neithi coiscis flux na bronn (14).\\. ocus dileagadh na neithi sin beith fuar tirim maille re (16) folmugud remhar .i. cruél derg ocus terra sigillata .i. talam selitach ocus b(17)olus oremenícus .i. iubhar sleibhi armenia ocus sraidin ocus premha ne(18)amnaide ocus eidhinn crann ocus crann na spinan ocus croicinn fuinnseóigi ocus (19) sugh croicinn soilech ocus draganntum ocus gum arabi ocus menaghach ocus ai(20)lim ocus uirga pastor is pentafilon ocus fuil colaime ocus lu(21)aith adhairci bó ocus finnfad míl ar ndenam pudur de ocus luaith choghna fiada
(22) UERMIS .i. na piasta ocus is íat na neithe marbus íat mur ata (23) anbru ocus gach ní ag a mbí cáil ger mur ata absint ocus surumunt ocus (24) sdoinsi ocus gairleóg ocus ruibh ocus minntus ocus gaillbhilar ocus cartlainn ocus mírr ocus (25) déthgha derg timpoliol ruad ocus carbi cogal ocus co hairighthi na neithi marbus (26) na míla mur ata argat béo ocus sdafisagria cona cosmaile
[p.77v](1) UOMITUS .i. an sgeathrach is iat so na neithi thoghairmes an sgetrach (2) mur ata bun fearbain ocus grán oililla ocus dathabha geal ocus sil eilieotigi ocus sil bilair ocus (3) sil ragum
Et is íat so na neithe comshuigthe toghairmis an sgethrach mur ata (4) sirop aigidi ocus sugh premhruisc an truim
Et is iat so na neithi thoirmiscis (5) an sgethrach mur ata ceiridhin sdipeacdha do cur ar a bel do na neithibh so .i. mastix (6) ocus olibanum ocus gum arabi ocus mas ocus sbodium ocus [n]ux muxcata ocus galenga (7) na neithi so do bearbad ar fhinégra ocus éduch lín arna dubladh tri cuarta do (8) cur ann ocus a cur ar bél an ghaile
ITIM gabh rós ocus mirr ocus sugh ueruena ocus sugh (9) minntuis ocus cumaiscter na sugha so maille re harán geal rosta ocus curtar ar (10) bél an ghaile ocus coiscid an sgethrac
(11) URITIUA .i. na neithi ag a fuil brig loiscech mur ata piletra [*] ocus sdafi(10)sagria ocus pipur dubh ocus mostard (12) ocus gairleóig ocus a ol úr ocus glaisen léna ocus { bainne } gearr an eidhmhe ocus aibhill uisci ocus (13) premha tenedh talman ocus barr nennta gan brisedh ocus a cosmaile
(14) YRINGI IN { CUILEANN } TRAGA teasaide fliuch ata sé ocus is mor comfort(15)achtaighis a prémha an dilegud ocus oslaigidh duinti na nái ocus na seilgi
Prémha (16) na luibi so do bearbad ar uisci ocus pinginni beca do dhenam dibh ocus a mbrisidh gu (17) mín a moirtél ocus a mbearbad ar mil arna spumáil no gu mbía tiugh (18) a ngné lictubaire ocus curtar na puduir so ann .i. pudur gailingain ocus sinnser ocus nut(19)amaic ocus cainel ocus calmos aromaiticus ocus mas ocus cubebis ocus (20) sil aneiti ocus ainisi ar ndenam puduir dibh ocus croch ocus cuirter iat annsa lictubaire (21) cetna ocus is e is ainm dó dieiringe
ITIM déntar an deoch so a nagaid galair (22) na nárand ocus dhúinti na nái ocus na seilgi .i. gabh lán duirn do premaibh na (23) luibi so ocus fremha fenéil ocus persill ocus hecrim ocus meirsi ocus fremha milbocain ocus ceirin muice fiada (24) ocus dubhcosach úr ocus esgobeain ocus premha buafallain ocus airgead lúacra ocus barr (25) calimint ocus saitsi ocus ros dearg ocus oiread do gac ní dibh ocus bearbh íat ar braith(26)lis maith no ar an digh re nabur mulsa .i. ocht rainn duisgi ocus in [n]aomadh [p.78r](1) rann do mhil ocus cuirter pudur na siltadh so sa bhfíuchad .i. pudur sil feneil ocus persilli (2) ocus egreimi ocus elitroint ocus sil cularain ocus gaille egreime ocus bearbtar no co ndeach (3) an .iiii. cuid faí ocus sithoilter co maith ocus glantar le mil no le siucra ocus cuirter (4) pudur licoirisi ann ocus cuirther began gabhala innti ocus eabur a mochtrath ocus re (5) lighi ocus glanaidh an deoch so an maclag ocus na hairne ocus ullmaigi docum na geinem(6)na ocus glanaidh an breith ocus oslaigidh duinti na nái ocus na nárann ocus na seilgi (7) ocus métaigid an toil ocus in sperma ocus comfortaigh an dilegud
ITIM an luib cetna maille (8) re minén muire do bearbad ar fhin ocus foiridh disinteria ocus sdranguria ocus is imcubaid hí (9)[ a ] nagaid na heslainti re nabur diabetes .
(10) YCOR .i. uiscemlacht na fola ocus adeir galienus braon don fuil do cur ar hingin (9)\\. do haithli na cuislinne ocus (11) dá sgaile ar hingin ata an fuil sin maille re huis[c]emlacht ocus muna sca(12)íle is deghcomurtha do leath na fola ocus is dimmolta sin a bhfollamnughad (13) na slainti oir singnighi imdugud na leanann nemdileagtha isin corp
(14) YDOR .i. an tuisci ocus adeir ippocraid ocus galienus co bhfuil sé ar[n]a cumus[c] ó dhá cháil (15) aonda .i. o fuardacht ocus o fliuchnus ocus nac tabhair metugad ná oilemain don chorp acht muna (16) rabh arná cumusc maille re neithibh eili
Et ata frithcatugud aigi (17) re gac uile ní noc a teasaidi ocus a tirmuigecht ocus ní fhétann sé fás na (18) oilemain do tabairt don corp óir mur mhuchus an tuisci an tene ocus mar (19) mhuchus an tsoillsi an dorchadus is mur sin mhuchus an tuisci an tes nadura (20) ocus is amlaid ata an tuisci gu háonda ocus in corp gu comsuigthe ocus ní oilter (21) ní acht óna cosmailes fein mas ead ó nac bhfuil cosmailes ag an uisci ris (22) an corp ní oilter an corp uadha amail adeir galienus gac ní comsuigthe is aigi (23) ata fás ocus forbairt ocus a contrardha sin ata ag na neithibh aonda (24) mas ead o ta an tuisci aonda ní oilter uadh ocus dá dearbadh gurab ní (25) áonda an tuisci do reir isag óir gac ní comsuigthe ata blás ocus balad (26) air ocus is follus nac bhfuil blas ar in uisci mas ead is ní aonda he
[p.78v](1) YARAPIGRA GALIENI .i. comsuiged uasal do ordaigh galienus ocus (2) is inann iara isin gréig ocus sacra isin laidin ocus is inann sacra isin laidin ocus (3) ní coiserca isin gaidilg óir is bennaighthi coiserca an leiges so docum eslainti (4) an cinn óir folmaigi linn finn ocus linn dubh gurab aire sin is imcubaid é a nagaid (5) epilinnsia ocus apoplexia ocus melangcoilia ocus mania ocus emegrainia ocus goto(6)mia ocus uirtiuo sefalia ocus coiscid torman na cluas ocus comfortachtaigh (7) an radharc ocus oslaigidh duinnti na nai ocus na seilgi ocus na nárand ocus comfort(8)achtaidh an machlag ocus is imcubaid é a nagaid sietica ocus arteitica ocus potraga (9) ocus coilica ocus ilica
Et atait comsuigthe eili ann re nabur yara rufini (10) ocus yara logodion ocus yara consdanntini
(11) ZCIBER .i. in sinnser teasaide sa .iii. ceim fliuch sa .ii. ceim ocus comfortachtaidh an ga(12)ile ocus lagaidh na hinne ocus is { imcubaid } é a nagaid urcoidi an cleibh ocus na (13) sgaman
a bearbad ar fhin no ar linn ocus comfortachtaidh tinnes an ghaile ocus na n(14)innedh
Pudur sinnser do cur ar biadh heigin ocus fortachtaidh (15) lucht na singcoipissi
(16) ZIUCRA teasaide fliuch sa cetceim gu mesardha ocus ata brigh lagtach bo(15)cthach innfuarthach ann ocus geraighi linn ruad ona (17) millsi óir adeir isag gac ní aigéidigh coiscid sé geraighecht leanna ruaid ocus gac (18) ní milis métaighidh geraighecht
Gaethi beca do mhil ocus do shiucra ocus do (19) hsalann do thabairt isna fiabhrusaibh gera ocus coiscid an ainntes
Et (20) atait .iii. gnethi air .i. siucra geal ocus siucra buidhi ocus siucra cainndi
(21) An siucra geal is é is imcuibhde docum na siroip ocus docum na comsuiged doní(22)ther a nagaid na bhfiabhrus nger ocus an siucra cainndi coiscid anita (23) ocus ainntes an gaile ocus is imcubaid é do lucht an tsaothair isna haimsearuibh (24) teasaide ocus do lucht na tisisi ocus na heitica ocus na cosachtaighi ocus a thab(25)airt a lictubáiribh ocus a mbiadhuibh ocus a deochuib dóibh ocus gac ní do cnaidhigh [p.79r](1) ocus do scailed ocus do laighdighedh don fliuchidecht nadura coimlinuidh an siucra hé
Et den(2)tar lictubairi de .i. gabh siucra geal punt no do ocus maothaighter é (3) le huisci fuar no gu legha gu huilidi ocus cuirter é a crocan prais da bearbad (4) na spisratha so ann mur ata sinnser ocus cainel ocus galengan ocus nutamic (5) ocus bearbtar iat mur is du ocus ata brig comfortachta an croidhi ocus na mball gu hu(6)ilidi sa lictubaire so
gurab amlaid sin fhágbhamuid crich inmholta (7) cumair tarbhach ar an leabursa noc do thairringedh a hainntitairibh ocus a hei(8)simlairibh catrach salernitani ocus do reir sduider comaontaigh do (9) dhoctuiribh shleibhi pisalain ocus adubradur na maighistrecha sin gach ní (10) tinnscainter a nainm dé gurab dingmala a crichnugud a nainm dé gur(11)ab amlaid sin do crichnuighedh an leabur so o tadhg hua cuinn .i. baisi(12)ler a bhfisigecht a mí octimber a sollamain lucais suibhisceil ocus is (13) íad dob uimir bliadna ó ghein crist conuigi sin .i. míle bliadna ocus .iiii. cet bliadna ocus .u. (14) bliadna dheg ní is mó ocus gac neach léghfas an leabursa tabraid beannacht ar anm(15)ain taidhg í chuinn ocus ghilla padraic hí challanain . neach do ghabh hé a ngai(16)dheilcc
FINIT
amen
Misi gilla colaim
(17) Ar tregaid .i. glasduille oghruighi do coimilt ar uisci ocus ceiridhin de ar tregh(18)uid ocus ícuidh .\\.
(19) Duille soilech do brisedh ocus a bearbad ar uisci ocus ceiridhin de ar treghuid ocus icuidh
(20) Urchusc ann so do dhuine ar a garrtur dentur teora cnó df(21)innfad patachain ocus oslaigedh a bel impu ocus sluigedh an duine
(22) Urchusc eile do neoch .i. finnfad patachain do chírad treas ocus a ól ocus iadhuidh (23) na tuill
Eólus dá fhis an garrtur ar dhuine .i. fircainnend dithi ocus bi(24)aidh a balad ar an crecht dá ngarrtur air
Ar loscud uisci no tenedh .i. ros(25)uisci ocus im do bearbad trid a cheile ocus a fáscud tri breid lín ocus a coimilt don (26) loscud
Ar loscud tened .i. mil ocus geir caorac ocus luaith driseóg ur ocus a cumusc [p.79v](1) ocus bidh air co mbí slán
Croicenn lemhain do chognam ocus a cur ar an filun tic ar an (2) corp
cuir pudur dibhi ar dhigh ocus ceiridhin di do cur ar na cnocuibh
Ar an cetna des(3)gaidh ocus blonag muice do shuathad trid a cheile ocus a cur na ceirin ar an cnoc ocus ternuidh leis sin
(4) Ar an filun tic na bainneadhuibh dubha no buide no geala morelle do brised (5) ocus uisci trid ocus a fhascud tre breid lin ocus a sugh sin dól ocus an ni anus sa mbreid a (6) brised aris ocus buiden uighi ceirci do cur trid ocus ceiridhin de ar in filun
Do leighis crecht in (7) fhiluin .i. cenel don lemach muige risi nabur uismailbi a premha sin ocus duillebair an (8) lemhuigh buide ocus an da luib sin do bruith ar uisci ocus in tuisci uile do cur ass ocus na losa (9) ocus plur crechta do shuathad trid a cheile ocus a teghadh re teinidh ocus a cur ar an crecht ocus (10) icuidh
Ar an filun .i. sugh fírfothfannain maille re huisci ocus a tabairt da (11) ol do ocus ícuidh ocus ceiridhin don lus féin ar an filun
Eolus do tabairt a cheille do (12) dhuine o teid a chiall .i. síl ruibhi do brisid ocus a sugh dfascad a poll na srona (13) ocus aibsint do tabairt ar dhigh dó ocus tic a chiall dó
Eolus dobeir labhra (14) ar dhuine da mbentar aurlabra a ngalar .i. aibsint do brised ar fhin ocus ibh(15)edh ocus laibheorad
Eolus dobeir labhra ar dhuine .i. sugh nennta do beith co fada (16) na bheol ocus icaidh
Ar in cetna .i. sinaip do brised tre aigét ocus bolgum do chu(17)ngmhail de na bheol gu minic ocus icuidh
Ar chodlad .i. pobol rig do bruith (18) ocus a ol
Eolus urdhalta ar dhuine galuir do cur na chodlad .i. aibsint gan (19) brised do cur fó tháobh ocus coideolad muna fagus bás dó
Do thabairt (20) codalta ar dhuine .i. adharc ghabhair do cur fó chenn gan fhis dó
Ar chodlad (21) sgribh na hanmanna so a nduilleoig ocus bidh fo bhraighid an eslain (22) ocus coidelaid muna fagus bas dó faselus + comedius + egemus (23)+ stefanus + torbatus + sapatus + sirianus +
Eolus is fherr fó nim (24) da fhis nama béo námá marbh an duine co cenn mbliadna tar eis na (25) cuislinne an tan leigter hí bainne no dhó no tri don fhuil do cur a soightec [p.80r](1) lán duisci ocus dá ndeach co himlán a nichtar ní bá marbh isin bliadain sin (2) ocus dá nana ar uachtar ocus sgailid doibh is guasachtach dó
Ar gach (3) loscad o theinidh gu huisci .i. garr tairbh do loscad guma luaith ocus a caithim (4) ris coma slan
Ar breidh leinibh do mnai gan ghuasacht na briatra so do (5) scribad a nduilleoig ocus a cengal fó broinn na mná .i. maria peipirid χρristum (6) anna maria elestabet iohannim celma remisium +sator+arepo(7)+tenet+opera+rótás+
Eolus is ferr fo nim ar galar thuitme .i. an tan (8) tuites an duine . marbh cú ocus tabhair a domblas aí ar dhigh dó ocus ní ghébha (9) co brath aris
Cosc ar theinidh dhíadh .i. sugh cruaiche padraig do cur air ocus ícuidh
Cosc (10) ar an cetna .i. samha do brised ocus a shugh do cur uirri ocus icuid
Eolus dfir aimrid (11) .i. binid mil mbennach do cumusc ar fhin ocus ibhedh ocus geinfider uadha
Uirghi mil bhennaigh (12) dithi no a luaith dibhi ar dhigh no ar bholgam fina do mnaí aimrid ocus comr(13)aigedh an fer ría íar sin ocus is mac beiris
Lus ar bhreith meic .i. ruighel bis (14) fo bhun chuinn ocus a ól ria codlad ocus iar codlad
An ben ga mbia lenb marbh (15) na broinn tabhraid fuarc eich ar leic dheirg dá hinnsoiged ocus léigedh a dhé fona (16) sróin ocus bearuidh gan fuirech
Ros bilair do bruith ar medhg ocus ibedh an bhen ocus beiruidh
(17) Urcusc maith eile fair tri caora ime ocus sgidin do chac gabur a medhon gacha (18) cairi dibh ocus a munslugud di
Ar robhar fola na mban .i. inchinn pa(19)tachain do bruith ar lemhnacht ocus icuidh
Ar robar fola do mnai ocus ar tuismedh .i. rusc dreas ocus aircced luachra do bruith treass ocus liti do dhenam air (20) do mhin chruithnechta salaigh fuirri
Ar robar fola .i. croidhi mil bhennaig do cur re det(21)aigh gu mba cruaidh ocus toirmiscid aonbrochan de an robur ocus a sgris air
Ar ro(22)bur fola ocus ar breith leinibh .i. iobhar talman ocus mecan tua do bruith ar (23) bhainne ocus a bhiadh ocus a dheoch do chaithemh no catlainn do bhruith ar uisce
Eolus (24) ann so do mnaibh dá tic robur fola .i. samha do bruith ar lemhnacht doibh (25) ocus ceiridhin de ar comair an machluig ocus bidh slan
Ar robur fola .i. cac gabhar [p.80v](1) ocus bréid lín nua uime ocus bearbtar ar lemhnacht gu fiuchach ocus ibhedh ocus ná bidh (2) a fhis aici ocus icuid
Do chosc shilti na cuislini frasa i ndniter coinneall chi(3)arach ocus baiter a naigéd ocus cuirter co tinnisnec a mbél na cuislini ocus is derbtha
(4) Eibisdil ar gac nolc ocus ar thormugud demna ocus ar adhmilled ocus ar gac mbás acht (5) bás adhart .i. sgribh día dhardáin iar nannam + soter + saluator + mis(6)ias + χρistis +ip̄mccc spiritum +uuuu+aaaa+ spem + maría (7)+ mateus + stefanus + petrus +
Do chosc fhola na mban so (8) do sgribad a nduilleoig ocus duilleog fá gac sliasaid di +p+c+p+(9)e+u+o+ et +pf+ et +nemuu+
Ar rith fhola i. luaith chongna fiada do (10) cumusc ar coirm ocus a ol ocus icuid a cétoir .
FINIT
[hs](11) a ceann mhis domhar chuiagh me a siunna agus a ceann mis do gheamradh (12) do theanic me ann ocus da oidhce do bi mi ann ocus rist a ceann .ui seachtmuin (13) ocus ui oidhce do thanigh me risd go folbh