X

Theagamh nach eil i ’nam chàs
ealain iomaluath an dàin,
labhar mar ghleadhraich nan dos,
teud-mhodhanach, no caoin le fois,
ged a thàrr dhomh uiread gràidh,
uimhir smuaintean gun tàmh,
uiread iomagain, uiread cràidh,
’s a dh’fhòghnadh do chòmhlan bhàrd,
’s a dh’fhòghnadh don chòmhlan gun tost,
gun fhurtachd, gun fhoighidinn, gun fhois,
dha bheil an t-àite seo a-bhos
cuide ri Yeats is Uilleam Ros.