AM MÀIGH

Mìos an aoibhnis is an oirchis
Air bheil ainm na maighdinn shònraichte
Air bheil bunaitean mo dhòchais
Air an stéidheadh;
Ionaltradh aig buar is caoirich
Criomadh feòir measg bhòidhche raointean
Agus réidhlean;
Laoigh is uain a’ falbh ’nan deann-ruith
A’ cluich cho saor am braon an t-samhraidh,
A’ bhanachag le ceuman uallach
Dol a bhleoghainn a’ chruidh ghuaillfhinn
Chun na h-àirigh.