Liososoman

’Se bloigheagan beaga air an còmhdach le meamran tha seo, agus geibhear iad anns a’ chealla. Tha stuthan annta a chreachadh a’

chealla gu léir, nan leigte ma sgaoil iad. Nuair a tha cuid de fhàs-bheairtean a’ fàs, bho ìre an uighe gu ìre an inbhich, tha cuid de na structairean annta a’ dol bho fheum agus feumar am milleadh. Mar eisimpleir tha earball na dairbeig. Caillear an t-earball nuair a theid an dairbeag ’na losgann, agus cuiridh na liososoman ás do’n earball a tha a nis gun fheum. Anns an aon dòigh, ma bhriseas sinn cas gu dona, faodaidh gum bi spealgan de chnàimh air am fàgail anns a’ chois. Tha na spealgan sin air an toirt air falbh leis na liososoman. Seirbheis eile, agus seirbheis fìor chudthromach a tha na fàs-bheairteagan sin a’ dèanamh, ’se bhith a’ milleadh nam bacteria a tha air an cuairteachadh le cuid de na ceallan gealfhuileach. Anns an dòigh seo tha iad ’nan dìon dhuinn roimh bhacteria a dh’fhaodadh cron a dhèanamh oirnn.