Sgrìobhadh Bhriain MhicUilleim

Tapadh leat airson do
sgrìobhaidh,
Faobhar geur a ghleus an fhìrinn,
Gonadh uaislean ’s àirde cìrean
Cealgaireachd is lochd;
’S ag innse mar tha lagh na
rìoghachd
Dìteadh dhaoine bochd.

Soilleireachd a bhith gad
chluintinn,
Tha e dhomh na mhòr thoil-inntinn,
Do chath ri mèirlich oighreachd
Bheag is mhòr;
Tha iad uile, tha mi
cinnteach,
Ortsa ’n tòir!

Tuilleadh cumhachd dha do
làmh,
Diùlt do luchd an fhòirneirt tàmh,
Seall dhuinn aingidheachd ar nàmh,
’S dhuts’ a’ bhuaidh;
Bidh thu ’n aghaidh sruth
a’ snàmh
Gu bruach na h-uaigh.

Ach ann an dubhar sgleò
nach sgaoil,
Riaghladh borb gun ghràs gun ghaol,
Samh nam breug nach moch an t-aol
’S ceartas marbh,
’S fheàrr cainnean chur ri
coinneal chaol
Na crùbadh balbh.