Air an Spiris

CO-CHRUINNEACHADH JORDANHILL

GLE ghoirid an deidh do’n àireamh so de Ghairm a thighinn o’n chlò, bithidh grunn math de 1uchd-teagaisg Gàidhlig a’ togail orra a Ghlaschu a chur an cinn ri chéile a thaobh teagasg na Gàidhlig anns na sgoiltean, air Gaidhealtachd is air Galldachd. Is ColaisdeJordanhilla chuir an cuireadh thuca, agus bithidh na coinneamhan sin air an cumail anns a’ Cholaisde bho’n trìtheamh gu ruige an t-siathamh là de’n Iuchair.

Tha an t-àm iomchuidh gus a leithid so de cho-chruinneachadh a ghairm. Tha àireamh an luchd-Gàidhlig a’ sìor shìoladh as, ach aig an aon àm tha cogais nan Gall ’ga bhiorgadh a thaobh seann chànain na dùthcha. Is fhada bho bha e aithnichte do dhuine smaoineachail sam bith gum b’ann fìor dheireil a bha teagasg na Gàidhlig anns an sgoil-bhig, an uair nach leughadh ach corra dhuine a’ Ghàlidhlig le tlachd, aig aois ceithir-bliadhna-deug. Aig an aon àm, feumar aideachadh nach eil ach criomag de leabhar an sud ’s an so, ann an Gàidhlig, a tha freagarrach do chloinn na h-aoise so.

Is iomadh rud a dh’fhaodadh sinn fhòghlum bho’n rian-teagaisg a thathas a’ cleachdadh an Eirinn agus anns a’ Chuimrigh, agus bho gach ullachadh, a thaobh leabhraichean is eile, a tha ’ga dhèanamh anns na dùthchannan tha sin. AigJordanhillcluinnidh sinn luchd-labhairt as an dà dhùthaich sin, agus a thuilleadh orrasan feadhainn de ar luch-teagaisg is ar luchd-ceasnachaidh fhéin—leithid Raghnaill MhicLeòid, Alasdair Urchardain, Iain MhicGilleathain an Obain is Iain MhicGilleathain Inbhirnis, Anna NicCoinnich agus feadhainn eile. Tha sinn an làn-dhòchas gun cluinn sinn uile rudan a chuireas smuain oirnn, agus gun cuir an smuain sin gu gnìomh sinn, anns an sgoil-bhig, anns an àrd-sgoil, ann an Comhairlean Siorrachd, ann an Colaisdean, agus an Oil-thighean.