Obair Shalach

Bha triùir bhràithrean a’ còmhnaidh le chéile agus am piuthar a’ deanamh banas-tighe dhaibh.

Chaochail am piuthar agus an deidh greis chuir na fir umhail nach robh an fhàrdaich cho grinn réidh rianail agus a b’àbhaist di a bhith, agus dh’aontaich an triùir gum bu chòir boireannach a lorg a chumadh an tigh air dòigh.

Chuir iad an comhairle ri chéile ach gu dé an dòigh air am b’fheàrr so a dhèanamh agus b’e an co-dhùnadh a bh’ann gum feumadh Murchadh pòsadh.

Cha do chòrd so ri Murchadh. Labhair e mach agus thubhairt e“ ’Se Murchadh, daonnan Murchadh! Ma bhios iasg ri sgoltadh, ma bhios bàthach ri cartadh, ma bhios obair shalach air bith ri dèanamh, ’se Murchadh a dh’fheumas a dèanamh.

( ’Sann bho’n Mhàidsear Tormod Macleòid a fhuair sinn i so.)