(Music Hath Charms,leNorman Hyde, Oliver & Boyd.12/6. )

Ma tha thu airson beachd a bhith agad, le dà uair a thìde de leughadh, air a liuthad dòigh anns a bheil ceòl ’ga dhèanamh is ’ga chluich anns gach ceàrnaidh de Bhreatainn, faigh greim air an leabhar so. Chan e leabhar anabarrach sgoilearail a th’ann, ach tha e taitneach ri leughadh.

’Se sop as gach seid a th’ann—cunntasan goirid air mith-cheòl, air ceòl na pìoba, air ceòl nam bàndaichean de gach seòrsa, air òrain a bha ’gan seinn an iomadach suidheachadh, air ceòl na h-eaglaise, ceòl anns atheatre ,is a leithid sin. Saoilidh mi gu bheil an t-ùghdair gu math nas eòlaiche air ceòl nan Sasunnach na tha e air ceòl nan Ceilteach, agus thàinig e gu m’ inntinn aon uair eile cho feumach ’s a tha sinn air luchd-ciùil a nì obair sgoilearail air ceòl na Gaidhealtachd. Cuin a gheibh sinn Gaidheal a rannsaicheas amach dhuinn gach nì mu ghnè is mu fhàs a’ chiùil sin, is a chuireas ann an leabhar dhuinn toradh a rannsachaidh?

R. McT.