Bocsa-Chlar

NUAIR a tha e fàs cho cumanta do mhóran dhe’n òigridh a bhith a’ cruinneachadh an tighean a chéile ag éisdeachd ri clàir chaidh mi do na bùthan a dh’fhaighinn a-mach mu’n liuthad seòrsa bocsa-chlàr a thatar a’ cur mu’r coinneamh. Ma tha sibh a’ smuaineachadh air fear a cheannach so agaibh na h-innealan as freagarraiche a rèir an fheum gu’m bheil sibh a’ dol g’an cur.

Ma tha sibh ag iarraidh bocsa-chlàr saor airson a bhith ag éisdeachd ri na h-òrain chumanta agus fhads nach eil sibh uabhasach àileasach mu ’n fhuaim, gheibh sibh fear cho saor ri £11 10s. ’Se so fear ris an canar DANSETTE. Tha e beag, aotrom airson a bhith ga ghiùlan o àite gu àite. Na biodh dùil agaibh gum bheil móran brìgh anns a’ bhocsa-chlàr so. Chan eil an t-inneal ’na bhroinn ach lag ach mairidh e iomadh bliadhna ma choimhdeas sibh ás a dhéidh. Cluichidh e clàr sam bith. Chunnaic mi feadhainn bheaga shaor eile mar a tha ELPICO aig £13 16s. 5d., agus fear air a dheanamh le PYE aig £13 2s. 6d. Chan eil an t-inneal annta so dad nas fheàrr na DANSETTE. Tha sibh a’ pàidheadh not no dhà a bharrachd air a’ bhocsa fhéin agus air atharrachadh dhathan.

An ath phrìs ás déidh so ’se COSSOR aig £23 12s. 6d. ’Se PHILIPS a tha gan deanamh so agus tha an t-inneal a th’annta glé mhath. Tha fear so Stereophonic. Cha ghabh an COSSOR ach aon chlàr aig gach àm.

Ma theid agaibh air not no dhà eile a chruinneachadh bhiodh sibh na b’ fheàrr leBUSHaig £28 17s. 6d. Tha an t-inneal anns an fhear so air a dheanamh le GARRARD agus tha e coltach gur e so an t-inneal as fheàrr ann am bocsa-chlàr. Tha am bocsa cuideachd briagha agus faodaidh sibh tòrr chlàir a chur air còmhla gun a bhith gan cur air fear ma seach. Tha am fuaim aige math agus faodaidh sibh doimhneachd a’ chiùil atharrachadh. Chan eil am fear so Stereophonic idir ach gabhaidh sin a leasachadh ma cheannaicheas sibh ceann eile agusamplifier .Cosgaidh sin £13 13s. Tha àite air cuideachd airsonTape - Recordera cheangal ris. Tha am bocsa-chlàr tha so math da-rìribh.

Tha PYE a’ deanamh bocsa-chlàr a tha cosg £29 18s. 6d. Tha fear so Stereophonic agus faodaidh sibh doimhneachd a’ chiùil atharrachadh air.

Tha sinn a nis a’ tighinn chun an fheadhainn as daoire. Faodaidh

Ma tha sibh ag iarraidh fear uabhasach spaideil gheibh sibh e aig £87 3s. ’S soDYNATRON MAZURKA. Tha bocsa briagha fiodh air agus tha e ’na sheasamh air ceithir chasan. So am bocsa chlàr as fheàrr a gheibh sibh.

Ma tha sibh airson a h-uile pong a tha na h-inneil chiùil a’ dèanamh a chluinntinn bhiodh sibh na b’fheàrr le fear dhe na bocsaichean-chlàr as daoire. Tha barrachd doimhneachd annta. Tha ’n fheadhainn a tha Stereophonic nas fheàrr ann an àite mór. Bhiodh iad gu math freagarrach ann an talla-dannsa, ach cuimhnichibh gum feum iad clàir a tha air an dèanamh air leth dhaibh fhéin.

Tha h-uile gin a dh’ ainmich mi chun a so air an obrachadh le solus an dealain, ach tha feadhainn ann cuideachd a dh’ fhaodas sibh a chluichd far nach eil so ga chleachdadh—anns na h-eileanan air neo ma bhios sibh air chuairt o ’n tigh. Tha iad air an obrachadh le“battery” .Tha DANSETTE a’ deanamh fear dhiubh so aig £15 4s. 6d. agus E.M. I. aig £14 3s. 6d. Tha iad aotrom ri ’n giùlan agus cluichdidh iad clàr sam bith.

Gheibh sibh dà sheòrsa snàthaid airson bocsaichean-chlàr. ’Se snàthad léig-ghorm no“sapphire”as saoire. Tha i a’ cosg 6s. agus mairidh i ma dhà mhìos. Tha snàthad dhaoimein a’ cosg eadar 15s. agus 30s. ach mairidh i so còrr is bliadhna. Gheibh sibh fuaim nas fheàrr leis an tè so.