Mairi is Domhnull MacAmhlaidh

le C.D.D.

THA mi creidsinn gum bi sibh gu tric a’ radh ribh fhéin an déidh sgeulachd na bàrdachd na òraid a leughadh, “B’ fheàrr leam gun robh fios agam có sgrìobh sud. Saoil an e leithid so a dh’ fhear na leithid so a thè?” Oir mar as trice chan eil an t-ainm a’ toirt móran cuideachadh dhuibh mar a bheil e ainmeil. So agaibh beagan mu ’n chàraid a sgrìobh mu Chlò Ceemo.

’Sann á Leódhus a tha Màiri agus Dòmhnull MacAmhlaidh agus tha iad a’ fuireach an Dun-Eideann. Bha an dithis aca ann an Oilthigh Ghlaschu far an tug iad a-mach an toiseach M.A. Dhealaich an slighe an déidh so—Màiri riPsychologyagus Dòmhnull a’ foghlumachadh an Lagh.

Tha Dòmhnull air inbhe àrd a ruighinn ’na obair. Tha e air ùr ghabhail an Cùirt an t-Seisein— ’naAdvocate—agus tha sinn a’ cur meal-an-naidheachd air. Bha mi foighneachd dha gu dé na cuir-seachad a bh’ aige agus so iad—Eòlas riaghlaidh, Ball-coise agus a bhith ’na Iar-Cheann-suidhe aig meur a’ Chomuinn Ghaidhealaich an Dun-Eideann. Tha iad gu math eadar-dhealaichte!

Tha Màiri air a cumail a’ dol le obair tighe agus a’ coimhead ás déidh Donna bheag. Saoil a bheil i a’ feuchainnPsychologyoirre? Nuair a gheibh i mionaid, bithidh i a’ sgrìobhadh òraidean is sgeulachdan as mór as fhiach a leughadh.