AN DROCHAID UR*

Is iomadh rud a chì an duin’ ’ios fada beò.
Chunnaic mise ’s chuala, ar leam gum bu bhruadar,
An Ceann a Deas is Tuath gun d’fhuaigh iad e le òr.
Is iomadh rud a chì an duin’ ’ios fada beò.

Dheilbh iad air gach taobh i, tarsainn tràigh is caolais,
’S guma slàn gach aon a shaoithrich ann le dhòrn.
Is iomadh rud a chì an duin’ ’ios fada beò.

Thàinig far na Galldachd màthair na Banrigh,
Is dh’fhosgail i gach bann ’s bha danns’ againn is ceòl.
Is iomadh rud a chì an duin’ ’ios fada beò.

Dh’fhosgail i le saoirsne, chuid a chlann nan daoine,
Ach tha cor an t-saoghail caochlaideach ’na dhòigh.
Is iomadh rud a chì an duin’ ’ios fada beò.

Is ma theannas argmaid air sàilleabh na Gearmailt,
Ni iad dh’ise targaid, falachaidh anns na neòil.
Is iomadh rud a chì an duin’ ’ios fada beò.

*Chaidh an cabhsair eadar Uibhist a Tuath is Beinn na Faoghla fhosgladh air an t-seachdamh latha dhe’n t-Sultuin, 1960.