56 Iorram Suirghe

Esan: LINEBREAK Bhuam cas-chrom, bhuan cas-dìreach, LINEBREAK Bhuam gach mìs is cìob is uan; LINEBREAK Suas mo lon, nuas mo rioba– LINEBREAK Chuala mis’ an gug sa chuan!

Buidheachas dhan Tì, thàine na gugachan, LINEBREAK Thàine ’s na h-eòin mhòra cuide riu; LINEBREAK Cailin dubh ciar dubh, bò sa chrò.

Seisd LINEBREAK Bò dhonn, bò dhonn, bò dhonn bheidireach, LINEBREAK Bò dhonn, a rùin, a bhligheadh am bainne dhut, LINEBREAK Hò rò rù rà rì roideachag, LINEBREAK Cailin dubh ciar dubh, bò sa chrò! LINEBREAK Na h-eòin a’ tighinn, cluinneam an ceòl! LINEBREAK Na h-eòin a’ tighinn, cluinneam an ceòl!

Ise: LINEBREAK Nàile, ’s e mo chuat am buachaill LINEBREAK Bhagradh am bata ’s nach buaileadh! LINEBREAK Cailin dubh ciar dubh, bò sa chrò.

Esan: LINEBREAK Mhoire, ’s i mo rùn an cailin, LINEBREAK Ge dubh a cùl is cùbhr a calann! LINEBREAK Cailin dubh ciar dubh, bò sa chrò.

Ise: LINEBREAK Is tu mo luran, is tu mo leannan, LINEBREAK Thug thu thùs dhomh am fulmair meala! LINEBREAK Cailin dubh ciar dubh, bò sa chrò.

Esan: LINEBREAK Is tu mo smùidein, is tu mo smeòirean, LINEBREAK Is mo chruit-chiùil sa mhadainn bhòidhich! LINEBREAK Cailin dubh ciar dubh, bò sa chrò.

Ise: LINEBREAK M’ eudail thusa, mo lur ’s mo shealgair, LINEBREAK Thug thu’n- dè dhomh ’n sùl ’s an gearrbhall. LINEBREAK Cailin dubh ciar dubh, bò sa chrò.

Esan: LINEBREAK Thug mi gaol dhut ’s tu nad leanabh, LINEBREAK Gaol nach claon gun tèid mi ’s talamh LINEBREAK Cailin dubh ciar dubh, bò sa chrò.

Ise: LINEBREAK Is tu mo chugar, is tu mo chearban, LINEBREAK Thug thu am buit dhomh ’s thug thu an gearr-bhreac. LINEBREAK Cailin dubh ciar dubh, bò sa chrò.

Esan: LINEBREAK Mo shùgradh sùl thu ’s mo shùgh sòlais, LINEBREAK ’S m’ fhairchill bhinn thu ’m beinn a’ cheòthaich. LINEBREAK Cailin dubh ciar dubh, bò sa chrò.

Ise: LINEBREAK Tì ghad chùmhnadh, Dùl dha d’chòmhnadh, LINEBREAK Spiorad Naomh a bhith chùl do lòin! LINEBREAK Cailin dubh ciar dubh, bò sa chrò.

Bò dhonn, bò dhonn, bò dhonn bheidireach, LINEBREAK Bò dhonn, a rùin, a bhligheadh am bainne dhut, LINEBREAK Hò rò rù rà rì roideachag, LINEBREAK Cailin dubh ciar dubh, bò sa chrò! LINEBREAK Na h-eòin a’ tighinn, cluinneam an ceòl!

LINEBREAK Oighrig NicCruimein