| 1. |
[hs][p.1r](1) [...] (2) ge lionmur [...] (3) gur minic le luchd ri na cl [...] [*] (4) [...] dhaoine er denamh laga is n [...] r |
| 2. |
(5) A dhaoine ge mor air geas (6) nach sminidh sibh cleas mhic de (7) an dhuill[e] arna luighe annsa pol [*] (8) bhí fa mhullach na coll ande |
| 3. |
(9) Cuid eile dfertibh mo ri (10) a nderadh a mhaoi mhaighne (11) cuiridh an [...] de [...] ad aris (12) a dherbhad gur fior an faidh |
| 4. |
(13) Ata misi an so a nuathad (14) do bhios uair gan a bheith a naon (15) gan neasbaidh duine no neithe (16) sin an shaogal f [...] h sinne |
| 5. |
(17) Sin agad laoidh na cuig rann (18) gan aenfhocal inte achd [...] [p.1v](1) [...] (2) do geibh trocair is cial is n [...] |
| . |
(3) Ni maoin gan bheith umal do criosd |
| 1. |
(4) Soridh soir go halbain uaim (5) fa maith radhairc cuan is glean (6) mar re clann uisneach aig seilg (7) baoibhin a bheth os leirg a benn |
| 2. |
(8) Tarrla maithe alban ag ol (9) is clann uisneac dar cóiṙ cion (10) ninghin iarla dhun treoir (11) go tug naoise pog gan is nfios |
| 3. |
(12) Do chuir se chuige ealta bhaogh (13) agh alluidh is laoch le cóis (14) agas do gabh se chuige ar chuairt (15) ag tfiladh ó shluagh inver neise |
| 4. |
(16) Mur do chuala mise sin (17) linghis um chen doigh don ned (18) churuis a curach air tuinn (19) fa coma liom beo no eg [*] |
| 5. |
[p.2r](1) Leanuid mise amach air snamh (2) enle is ardan nar ghnath breag (3) tpillad leo me ar mais (4) dias do chuiredh cath air ched |
| 6. |
(5) Tug naoise a bhriather go fior (6) luighis fa thri a fiaghnuis arm (7) nach curadh se oram gruim (8) no go rachadh ar sluagh na marb |
| 7. |
(9) Tug an bhen sin o dun treoir (10) breathar romhor is moid mher (11) no go rachadh naoise deg (12) nach rachadh si fein a dfer |
| 8. |
(13) Och da cluinadh isi anochd (14) naoise ar ndol fuigh bhrot a cre (15) do ghuiladh isi go bechd (16) agas do ghuilinse fa sechd le |
| 9. |
[p.2v](1) Ni hiongnudh cion bheith agam fein (2) ar crich alban fa reid rod (3) budh slan mo cheile na mesg (4) budh liom a heich is a hor |
| . |
(5) soridh soir go halbain uaim |
| 1. |
(6) A ri bheatha bi gum leighis (7) ni leigh eile dfoirfes sinn (8) na taobh me re lamha leagha (9) slanuidh a dhe cnedh mo chin |
| 2. |
(10) Ge ta mo chenn na thri trianuibh (11) ni thrid dhoirtim der mo shul (12) achd fan bhois do bhi fan tairnge (13) os i anois as tainibh dhuinn |
| 3. |
(14) Cred fa sginfin re sgein bherra (15) beg na sgela scoradh mo chinn (16) mesa liom mur do bhi a baoghal (17) cenn an ti ler saoradh sinn |
| . |
(18) a ri beatha |
[p.3r](lmarg1.1) Laoidh dorinne neill mor mac muiriche san dun do ruaidri mor mac leoid
| 1. |
(1) Se hoidche damsa san dun (2) nior be an coinnmhibh falsa fuar (3) cuirm lionmhur da hibhe a hor (4) fionbhrugh mor is lionmur sluagh |
| 2. |
(5) Teglach an tighe air gach taobh (6) is i fhine meghrach mhór (7) is ferrde suaibhnes ratha righ (8) lion cath[a] a nuaignes fa ol |
| 3. |
(9) Gair na gclairseach s na cuach ttrom (10) ag nach gnathach fuath na feall (11) gaire na miledh fleasgach fionn (12) lionn misgach is teine thenn |
| 4. |
(13) Ri o nolbhuir aignuibh ur (14) cunnbhuidh a chuidribh gach cliar (15) san enbhrugh ni haisling ol (16) da shluagh lionnmar farsaing fiall |
| 5. |
(17) Fichadh misge leinn gach laoi (18) ni bhudh treisi linne no le (19) fiu nert far m[b]etha do bhi (20) cethair a thri .7. le .6. |
| . |
(21) 6 hoidhce damhsa san dun |
| 1. |
[p.3v](1) Ni he mo gradh amain achd dia na ndul (2) do cruthidh go saimh fa laim an saoghalsa duinn (3) Ri na gras mo ghradh is naomtha muir (4) chenuidh le phais mo chain go daor o run |
| 1. |
(5) Ge hiomdha mart agas molt (6) muc agas torc dhiolta fiach (7) a chomharsan ata laimh ruinn (8) go berr linn bhiadh gan iasg |
| 1. |
(9) dFeruibh ile nar thoill toighbhem (10) a crich bhiodhbhuidhe gan bheit tais (11) a mhuinntir semuis na ccrannlong (12) tig air fairge cranruaidh chais |
| 1. |
(13) Fir leoghuis na long derg (14) drong eoilis fileadh is ord (15) na deghaidh is is lom gach learg (16) fonn derg ó chneadhibh a colg |
| 1. |
[p.4r](1) Iochd maith moghenar doni (2) ionmhuin adhbur righ gan tlas (3) ni do ghoid mo luinge uaim (4) do fhoirios do shluagh on bhas |
| 2. |
(5) Dar leamsa ní comann uir caomh (6) feall oram agas taobh riot (7) mo longsa do goid on traigh (8) s nach faghar air sal a sleachd |
| 3. |
(9) An ttuigenn tu gurab me (10) do thairuing ad ghruaidh ghnebhrioc (11) tfaicsin marbh niorbh e mo mhian (12) nach faca fer riamh ad riochd |
| 4. |
(13) Da leiginn budh beag an bed (14) do thrí ched do bheith fa fhiort (15) do fheadfuinnsi bheith um luing (16) ó thuinn go tuinn ar muir niochd |
| 5. |
(17) Sinne an triur ar nar luigh sgis (18) do chuir thusa aris ad riochd (19) as dearbh damadh aill don triar (20) nac blaisfeadh tu biadh no bliochd |
| 1. |
[p.4v](1) Luaithe cu na cuideachd[a] (2) toseach luighe dom leanan (3) luaithe na gach truitealta (4) aignuibh gheige an da gheallamha |
| 2. |
(5) Luaithe no ghaoth errachamhuil (6) ag buin fa bhennuibh cruaidhe (7) aignuibh baogh nach bannamhuil (8) aic inngin a roisg uaine |
| 3. |
(9) Dair an riogh roordha (10) bhereas na bretha cruaidhe (11) roimpe ariamh ni fhacamur (12) ag mnaoi aignuibh budh luaithe |
| 1. |
(13) Cethrar tainig anoir (14) a hinnsibh iarrar domhuin (15) nior thaisdil talamh no tonn (16) cethrar da budh coir a comhlann |
| 2. |
(17) Do bhi ar tos an cethrar chain (18) giolla og an erruidh fionghlain (19) cedmhac iruaighe na narm sain [p.5r](1) adhbhur ardri an domhuin |
| 3. |
(2) Buine borb thren mairg re buin (3) an dara fer don cethrar (4) sgiath go niorsuibh oir aige (5) deghmhac ri na haphfruice |
| 4. |
(6) Iolluin orarmach na cleas (7) an treas curidh fa coimhdhes (8) leis a bherar buaidh gach baire (9) oighre a rí na hallmhaine |
| 5. |
(10) Fer ler folbhuidher faichthe (11) mac ardri na heanlaithe (12) darbh ainm ceabhan an ghluin ghil (13) an cethro fer don cethrar |
| . |
(14) cethrar tainig { anoir } |
| 1. |
(15) Goll mear milenta (16) ceap na crodhachda (17) lamh fial arachda (18) mian na mordachda |
| 2. |
(19) Fraoth nach fuaruighter laoch gan lainfheithemh (20) reim an ricuradh . mur leim laintheined |
| 3. |
[p.5v](1) Leoghan luatharmach . leonadh lainmíledh (2) tonn ag treinbualadh . goll na gnathiorghal |
| 4. |
(3) Leoghan loinnghniomhach . beodha bionnshluaghach (4) crechdach comhdhalach . echdach iomghonach |
| 5. |
(5) Agh gan fhuarachadh . mal ag medachadh (6) laoch gan lamhachadh . nar thraoth trendhochar |
| 6. |
(7) Dioth ar dheghdhaoinibh . dfioch a nollbhuadhach (8) uaill os ardrioghuibh . buaidh ar bhorbsluaghuiph |
| 7. |
(9) Triath na tromchana . briathra bionnmhalla (10) milidh merrdhana . dillidh diongbhala |
| 8. |
(11) Treinfher trenarmach . seimhfher sloghadhbar (12) fer lonn loinghniomhach . goll mer mordhalach |
| 9. |
(13) Sgath ar sgiamhghaire . blath go mbuanaille (14) tuile treinsleibhe . buille buaidhlaimhe |
| 10. |
(15) Mordha a mheriomghuin . crodha ar chenairrgibh (16) tuir go ttromfhoghluibh . muir os mhionaiphniph |
| 11. |
(17) Tonn as treinfherrdha . goll nach gloirdhorrdha (18) serc na siorfhoghla . mac mer mor morna |
| 12. |
(19) Sgios ar churaidibh . cios gach cineadhuigh (20) grian os glainfhedhuibh . fial re filedhuibh |
| 13. |
[p.6r](1) Goll mer morfhuighlech flaith nach fiordiamair (2) gach tir treinleonuidh . ri go ririaghail |
| 14. |
(3) Duais gan derbhfheile . cruas gach comhdhala fer dian dighaire . triath na tromdaimhe |
| 15. |
(4) Suil gach siormhuirir clu nach cainfuidhear (5) seol gach siodh oirir . beo nach baidhfidher |
| 16. |
(6) Feinidh firainmhain . ceillidh comhallghlor (7) beim ghuill ghlainmhiledh . mur tuinn thoruinn mior |
| 17. |
(8) Glunriogh rionnghlorach . feoilidh fionnshluaghach (9) maisioch morfhuighleach . triath glan trenshluaghach |
| 18. |
(10) Curaidh cruaidhrennach . dogbaidh eirennach (11) colg lom luathbuillech . goll borb beamennach |
| 19. |
(12) Flaith nam bfoghuilcrioch . monach don mumangnath (13) sruth ag siobal luath . cruth mur chubruphlath |
| 20. |
(14) Einfher iomarcach . treinfher tromfholtach (15) sgiath na sgeimhealtach . cliath na connachdach |
| 21. |
(16) Cenn sluaigh fhiorrotruim . uaidh gan enachmuing (17) a ghreas gherfhairsing . mur treis treintafuinn |
| 22. |
(18) Fedhm nach feidm fallsa . beim na morglonnsa (19) crodha an comlannsa . mordha an mer goll sa |
| . |
(20) goll mer milenta |
| 1. |
[p.6v](1) Caoin thu fein a dhuine a bhochd (2) do chaoinedh chaich coisg do shuil (3) ná caoin innghin agus na caoin mac (4) da deachuidh fuigh bhrot san nuir |
| 2. |
(5) Caoin ar tos do phecuidh fein (6) sul rachis cre ar do chorp (7) caoin os egin duit a ioch (8) a phais fuair criosd ar do shon |
| 3. |
(9) Caoin ar fuiluing ar do sgath (10) criosd do chenuidh cach a crann (11) caoin a dha laimh agus a dha chois (12) agas a chroidhe do sgoilt an dall |
| 4. |
(13) Racheidh cach uile fa seach (14) na caoin neach da deachidh uait (15) tair da deachidh ariamh a cre (16) doiligheach dhuit thu fein a thruaigh |
| 5. |
(17) Dar chruthidh lamh dheas an { tsaoir } (18) dar fer agus mhnaoi is mhac (19) ni bhfuil diobh sin truagh na trein (20) nach rachan deg uaibh mur sin |
| 6. |
[p.7r](1) Techduir de os e an bas (2) da biadh ort mur chas cruadh (3) go denan tu taimhleas fein (4) agas aimhleas an te do chuaidh |
| 7. |
(5) Ar sleabh sion la na sluagh (6) bhudh duibhe na gual do ghne (7) anois ge halluin do chruth (8) muna caoine abhos thú fein |
| 8. |
(9) Truagh sin a bhochdan gan ceil (10) da fiosda fein mur ataoi (11) do leigfas do caoinedh chaich (12) do bhiasa go brach ag caoi |
| . |
(13) Caoin thu a duine a bhochd |
| 1. |
(14) Clann raghnuill fa eoin san oilenn aoibinis (15) saoiluiidsai fa dheoigh nach toghbheim do na triallaibsi (16) laoch re taob ag sededh srol isle (17) legibh do na sloghuibhsi raon on riaghailsi (18) as beg do bhrath ar leim an leoghuinsi (19) do reir ar neolisne is flaith do na (20) fianibhsi [p.7v](1) as beg da chrodh ar cleir do chaomhnuisi (2) [...] dol a naonuidhsi a geaill do na clearuibhsi |
| . |
(3) Clan raghnuill fa eoin |
Cathel mor (4) mac muiridhig cecinit
| 1. |
(5) Gabh a mhic mo mhunadh (6) ar toghtheachd uaim ar eachdra (7) do dhol annsa dunadhsa (8) de tiocfas do leasa |
| 2. |
(9) Do dhlighfinn do tegasg (10) do gabhail uait gan diomus (11) gus anois nar eidarsa (12) nach tusa mathair dilas |
| 3. |
(13) Ge chanidh na midhaoine (14) aitheasg nach deid a darbha (15) briathra diana diomhuin (16) nar bhudh mian let a labhra |
| 4. |
(17) Na biadh ort mur dubhachis (18) sgel da olcas da fuighther (19) ni budh mo do shubhachis (20) fa sgel is ferr da cluine |
| 5. |
[p.8r](1) Luchd na breag go tomhuin (2) na fuighedh uaibh fur nuruim (3) na riogha agus na roidhaoine (4) gurab iad do luchd comuin |
| 6. |
(5) Do shirc uatha bhudh maranach (6) deis iomthechd ar do shuras (7) bi red chairdibh carrannach (8) gach uair da roibhed chugad |
| 7. |
(9) Den mur adubhartsa (10) a mhic a bheiris gach enbhuaidh (11) mur bhudh ardri comhachdach (12) toil gach fir don aois ecruaidh |
| 8. |
(13) Coimhgheal fos go firineach (14) do ghealladh a gheg fhionnglan (15) budh gleic sibh or siorchinadh (16) mo mhunadh ort ni hionghaibh |
| . |
(17) gab a mhic mo munadh |
| 1. |
[p.8v](1) Clann an iarrla o iomluibh bhanbha (2) na broin bhubha nach doigh iomdha (3) bern a hiomal na fer fherrdha (4) nar bhean biodhbha (5) Le dlus luireach garbh is gormghlas (6) agus arm niomdha (7) iomdha leo a leim gach trota (8) bhudh tuar buaidhridh (9) serreach seng ag bleth a bheilmheir (10) agus bein eich uai uibhridh mocion a bheth reidh ris an rioghruidh fir seaimh suaimhneach (11) Iomdha cotun choillear rionnta (12) go roinn dealbha (13) feilm chorr air dhircuibh duilbher (14) agus beirt throm thribhridh (15) Iomdha aige an droing nach doigh do restal (16) don reimh bhurgidh (17) sgiath le naicther com air chrechdghuin (18) donn ó drugfhuil [p.9r](1)C [...] sgine aig lo [...] (2) crain na cupluibh (3) aige a bi iolair a arm a nechduibh (4) agas baibh ag brugtoib (5) Iomdha donnshlat dhiobra[s] saithde (6) agus sreng da lubadh (7) birrinn chaol nach reidh do ruacad (8) agus ceir da cludadh (9) Agus guna chuiris feidhm ar oigfher (10) agus sgreim da sgrudadh (11) o bi a fer a chleasta gruaidh dhubh (12) agus pleasg aig pfutar (13) Iomdha re cois cethernac nach loctar (14) laoch mur fhoghla (15) le cuirer cuairt re fedh feidhma (16) fer duirge [*] dorrda (17) giolla nach cuir dlith [*] ar diomda (18) suighe ar fhoghla (19) fer craitde a chraoiseach go calma (18) taoisech [...] |
| . |
(20) Clann an iarrla |
[hs][p.9v](1) niall mac muirichig
| 1. |
[hs](2) Dia bheatha ar ar los a leinbh (3) dia leat is rath od rifhreim (4) a ghin chruasghloin don chollfhuill [*] (5) don treibh dhuasmhuir domhnalluigh |
| 2. |
(6) Failte romhad uath na neon (7) eon mach leóid eoin ar nairseoir [*] (8) da chuaille ag connbhaill a gclainn (9) da uainne fhonnbhain fionnghall |
| 3. |
(10) Do theachd chuguinn don chursa [*] (11) adhbur muirne is macnusa (12) a leinbh go neamharsuigh núagh (13) deaghcosmhuil [*] deilbh do deargghruadh |
| 4. |
(14) Bheith ar [t]hathair mur oighre . ris an trionóid (15) taombainne : a leinbh a crobhuing chraoi chuinn (16) go mbaoi fa urruim eadruinn |
| 5. |
(17) Le huath is le mac moire (18) guidhim dia na deaghghloire (19) um neart is mo no minbhe (20) go techd dó go deighinbhe |
| 6. |
[p.10r](1) Ionnuath aonguis fuinn iligh (2) iarmo ruaghri ri[gh]inmhigh (3) da gcuain sin an tí timsi (4) ni da nuaislibh airbhimsi |
| 7. |
(5) Minic leo a námh ola (6) cosnamh chadhuis onora (7) is diol roghaoisi na rann (8) ag diol foraoisi fionnghall |
| 8. |
(9) A thechd oruinn don fhuil riogh (10) ar nuath eoin dia da gdeighdhion [*] (11) fa dar meanma s dar mheaghair (12) a trath feadhma ar feinnedhuibh |
| 9. |
(13) Go rabh athair na nuile (14) gac aonuair da ionghuire (15) nac diosg a nám na hairce (16) bann ar criosd fa comhairce |
| 10. |
(17) Guidhim saogal is slainte (18) gar leanbh sochraidh sophairte [p.10v](1) [...] gim gan claoi c [...] (2) go mbaoi saidhbhir seanfoirbe |
| 11. |
(3) Do re go rabha socair (4) gan orchra gan anshocair (5) a leinbh riogh le mbia breatha (6) dia dod dhian an dheighbeatha |
| . |
(7) dia bheatha |
| 1. |
(8) Taire riut a ghiolla easbuigh (9) dena freasdal ar hinbhe (10) os leat an teadach nuachuir (11) bias ar uachdar gac rioghna |
| 2. |
(12) Ma[s] srol é no siodha (13) a fhír chrionna na caillsi (14) maithi do cheart ar an culaidh (15) bias fa bhunadh na bannsi |
| 3. |
(16) Na maith turad [*] an fainne (17) na truis bhraghad na ghealbhan (18) o ta sochar an dána . na chuis (19) agha dod leanmhuin |
| 4. |
[p.11r](1) An bonn ar barr { na } ficed (2) dligidh sibhsi s a fhir dhana (3) s a luach oile do ghebhdibh (4) doni do chiste saidhbhir |
| 5. |
(5) Dligidh onoir a nollamh (6) a bheith a ccomuigh re hiarla (7) agus cuairt gaca tuaithe (8) ceithre huaire sa bliaghuin |
| 6. |
(9) Na sochairsi ó linn chormuic (10) is fa[th] formuid nam fileadh (11) ni duit nac mor an donus di (12) do reic ar dolór no ar sgillinn |
| 7. |
(13) S nach fuil id dheoigh do dhochar (14) bheith annsna foclaib fathach (15) no teagasg na mac leighinn (16) no bheith go ceilligh craithbheach |
| 8. |
(17) Na fuasgladh na cceast ndorcha (18) a nam orchra agus eigne [p.11v](1) na sloinnedh an iuil fhire (2) on [n]uag go linne an chéidfhir |
| 9. |
(3) Ni fuil tuigsi na tteangan (4) nis mo faith chiall na bfeallsam (5) ort mur dhochar na deaghuidh (6) no fios mur dhleaghar seancas |
| 10. |
(7) Cioth dhuitsi a dhuine a dhána (8) gan do chána do thabhach (9) s nac fuig an duine narach (10) ni go gradhach gan cheannach |
[hs] Niall mac muiriche
| 11. |
[hs](11) Ceisd chuirfeas an mac fochlag (12) ort a dhoghduir is chrinna (13) cia ga rabha an ghairm ollam (14) fuair tusa a chromain ciorrdhuibh |
| 12. |
(15) Oific na mbard s na bfileadh (16) na den da sireadh maille (17) achd ar denamh do g dheagbhrog (18) tabhair go teaghmaa taire |
| . |
(19) taire |
[hs][p.12r](1) Ge go ndubramar go bfuilid cas (2) airidh eile in nach eidir absoloid (3) do tabhairt amach gan na peacuidh (4) uile deistachd ní diobh sin cais naire (5) an aithrigh achd as deimin giodh be do (6) leigfes de aonpecadh marbhtha (7) graineamhal gan innisin tre naire nac (8) biadh do tharbha na faoisidh aige teachd achd (9) pecadh marbhtha nuadha do chur a cenn na pecadh (10) do bhi air re . teachd do cumha na foisidin (11) do reir teguisg na agus n naithrech agus coim(12)airleach na hegluise agus adeir solamh (13) giodh be cheiles a peacuidh air dhia nach gluisionn (14) ar deghshlighidh agus giodhbe admhis iad (15) go bfuighe se trocaire aduim a dhuith a tighearna (16) adeiredh dauidh meit do chuir am aghuidh (17) fein agus air ball do mhaoithedh thu mo croidhe (18) olc do chuaidh d['] adhamh gan a phecadh dad(19)mail ar ball olc do chuaidh an ní chena da (20) drochmhac caighin oir da nadhmadh (21) a pecuidh an tan do fiafruigh dia dhe [p.12v](1) agus pardhun diaruidh do ghebhadh (2) gan amharis As iomdha anam da losgadh (3) a nifrionn fa gan admhail na peacadh (4) dadmhail go hiomlan ag ceilt codach diobh (5) tre naire biadh tri red comhairleach do muin(6)ter luisifer do ghnath ag cur toirmesg (7) ar an anam gan na peacuidh do chur san (8) naoisidin .i. ainmian na colla saint an (9) tsaoghuil agus an uabur ader an cedcomair(10)leach riot gan a innisin don oide fhaoisidne (11) cia ga bfonn do ghradh no do shuirge degla (12) go cuirfedh dfiachuibh ort togbhail (13) de sin adeir an dara comhairleach [...] (14)[hs] go cuirfed dfiachuibh ort tog(15)bhail (16) de sin adeir an dara comhairleach
| 1. |
[hs][p.13r](1) Cionnas mhaires me am aonur (2) gan fher ruin dom rothaobadh (3) ag ar ghnath diamhair dana (4) diarruidh a ttrath togbhala |
| 2. |
(5) Misde me go mairim buan (6) deis { shaoith } na bfocal bfionnuar (7) gan fher dfoghluim mo leabhair (8) fedh an ghormfhuinn ghaoidhealidh |
| 3. |
(9) Bheith beo as decrach dhamhsa (10) s nach mair maithghin agamsa (11) olc an mharthuin budhdhein dfior (12) sgarthuin re ceill s re caidreabh |
| 4. |
(13) Do curedh ós cionn a ccionn (14) aois dana oirir eirionn (15) bhudh henar dhuinn na ndeghuidh (16) gan leghadh ngluin nginealidh |
| 5. |
(17) Siad ar neg uatha uile (18) filedh chloinne ar gcolluini (19) gan fher labhra lorg duaine (20) borb an damna diombhuaidhe |
| 6. |
(21) A mesg mhiledh chloinne cuinn [p.13v](1) geadh iad lemsa as luchd comuinn (2) meisi na ttigh ni thedhma (3) gan seisi fhir ealadhna |
| 7. |
(4) Dursan leam is me da mhes (5) nach mair suas don ord eiges (6) dual fesda a dhul a dochar (7) cur ceasda na comhfhocuil |
| 8. |
(8) Mairg do fhuair eolus orra (9) aos aithenta ar bfoghlama (10) feithemh na ndeoigh as decra (11) gan breithemh . eoil noidechda |
| 9. |
(12) Rugadh dhiom ni dail chabhra (13) mo leithen uird ealadhna (14) cred nach baodhal budhdhesd dhámh (15) am aonur a mesg miladh |
| 10. |
(16) Eoin mac briain na briathar gciuin (17) deg uainne a niathuibh ainiuil (18) fa ghloir ghallbhan na ghoire (19) mor an tadhbhur eolcuire |
| 11. |
(20) Gan fher lenamhna laimh ris (21) dhuinne budh damhna doilghis [p.14r](1) fer bhúdh saoire ag snoidhe rann (2) croidhe bhudh caoine comann |
| 12. |
(3) Deis na cliarsa do chuaidh dhinn (4) me anois ionnmhuil oisín (5) gan sbeis gan treighe toile (6) deis na fenne fiannuidhe |
| 13. |
(7) Anois da ttegmadh dhamhsa (8) triall le toil on tsaoghallsa (9) gan fher cuimhnighthe oirn ann (10) doirbh na cuibhrithe ar comann |
| 14. |
(11) Gan neach dinnleadh ma marbhna (12) agam dom fuil atharrdha (13) deis eoin nar mheall a mheabhair (14) bhudh cenn eoil ar oidedhuibh |
| 15. |
(15) Don ord eiges nochan fhuil (16) nech re ccuirim ceisd focuil (17) a ccertus no a luas laoidhe (18) no chlechdus cruas comaoine |
| 16. |
(19) Gan slechdadh donoir gaoidheal [p.14v](1) a nord eiges dursgaoiledh (2) a cclú gan chor a negar (3) da gclu sgel do sguiredh |
| 17. |
(4) Gan neach re cuimhne a gceimenn (5) do riomh chreach no caithremhenn (6) gan snas ar fiorbhun a bhfis (7) glas ar a ngniomhradh daithris |
| 18. |
(8) Doibhsion as damhna docra (9) gan fher maoithe a mordochd[a] (10) gniomh a sledh no a gcolg ccadar (11) ar lorg treabh o ttangadur |
| 19. |
(12) Beid a maithe fa mhéla (13) do dhioth lochda a leisgela (14) s a nuaisle budhdhechd fa bhroid (15) cert san uairsi ni fhaghbhuid |
| 20. |
(16) Guais doibh a ttra[t]h a ttinoil (17) go mbid aicme eireamhoin (18) la an oil gan fhocal bhfiledh (19) na dhocar dhaibh dligfidher |
| 21. |
[p.15r](1) Luchd cuimhnighthe a cceimenn cruaidh (2) s dardachadh reimhe a rioghsluaigh (3) tugsad bann ar neludh as (4) s ni glelan ann a neolus |
| 22. |
(5) Nar chlechdadur na cru cholla (6) gan aos eoluis etorra (7) gus an uairsi dior an dal (8) a nuaisle ag sniomh ar seachran |
| 23. |
(9) Da ttegmadh do chloinn raghnuill (10) nar chúir druim re deghfhoghluim (11) bheith rodorcha do choir cháigh (12) mor an comhartha caochlaidh |
| 24. |
(13) Leigmid dhinn a nderna me (14) mithigh cuimhne ar mac muire (15) s teachd ar pennuid dhe dhealbhnair (16) gabhmuid e mur eisiomlair |
| 25. |
(17) An ri do cuiredh san ccrann (18) as leis do hairgedh ei ifreann (19) tug uainne an te do thoghas [p.15v](1) os e as buaine bunadhus |
| 26. |
(2) Eoin mac briain do bhi na bhrugh (3) eider ainghlibh da iomchuir (4) s a eg le labhradh leisa (5) cred achd adhbur aoibhnesa |
| 27. |
(6) Mar tha thuas ar nimh neamhdha (7) ar luchd tighe an tigherna (8) mairidh beo choidhche gan cuing (9) achd ceo ge fhoilche oruinn |
| 28. |
(10) Coiride dhuinn denamh air (11) dun an duilimh mur dhleghair (12) neach thall on toigh nach tillfe (13) s nach fhoil achd imirc[i] |
| . | cionnus |
[hs](14) s nach foil [hs] Cathelus mac muriche (15)// cecinit //(16) Cathellus Mac Murech
| 1. |
[p.16r](1) Fuarus cara ar sgath na sgoile (2) sgela soin on suilbhir sinn (3) fer do thuigsi s do dhion dana (4) an chuidsi is díol garda gill |
| 2. |
(5) Cara soin gan obadh naoidhedh (6) aoinfher aomus dhioladh duas (7) as riu soin do eir a aignemh (8) s toil reidh le caidreabh gan chruas |
| 3. |
(9) Go ttug leannan an uird eigis (10) amus cinnte ar chúr a chlú (11) ni do bheir na am gan iarraidh (12) ag sin bann ler riaradh rú |
| 4. |
(13) Do thogh se mur choingheall crionna (14) comall mbriathar meanma is mo (15) fear soin nar char meid a maoine (16) gur bhreg toil na ndaoine dho |
| 5. |
(17) Oighre dhomhnuill searc na saoigheadh (18) ar sir semus do thoill tail (19) as e an cara a nam an eigen (20) call blagha ni fheider air |
| 6. |
[p.16v](1) O do gabh mur oifig iomlain (2) iomchur aoidheadh gach aonuair (3) nior mheall aithni chenn na cléire (4) geall caithmhe geall feile fuair |
| 7. |
(5) Mur tainic as coir a choimhead (6) cennus gaoidheal maoithfe me (7) chuige do bhaigh fhola is uaisle (8) rogha chaigh san uairsei é |
| 8. |
(9) O chrich rois gus an roinn ileach (10) aige fein budh dual an dion (11) o iath leoghuis go muir manuinn (12) fa fhuil bheobhrais raghairbh riogh |
| 9. |
(13) Umpa iaghuid oirechd fionnghall (14) eigsi chaich da labhra leam (15) gurbh iad sin sealbha na sinnser (16) s tigh temhra na ttrinnsegh tenn |
| 10. |
(17) Riut is cubhaidh cennus criche (18) cabhair cheall is carrain chliar (19) gabhail rem ord do fhear oruidh (20) ar lorg bur sean romhuil riamh |
| 11. |
[p.17r](1) Fuigh dhamhsa ionadh fhir eolais (2) amhais gaoithe no bhaird bhuig (3) no na leagar linn a labhra (4) teadal binn gan tarbha tuig |
| 12. |
(5) Geb e aca iaras aoidhe (6) iomirt oir no bronnadh bhúar (7) donithter libh go seimh socair (8) a fhir fheil is focail nach fuar |
| . | fuaras |
| 13. |
(9) Bainchenn churadh aicme huisdiuin (10) ingean í leoid is glan gne (11) gan taom gann na goimh san mhnaoisi (12) ag soin rann dom laoisi le |
| . |
(13) Fuarus cara ar sgath na sgoile |
(14) Niall mac muirichidh cecinit
| 1. |
(15) Mor an lensa air aicme ile (16) sgel nach curridhe a diombrighthe (17) gan duine dhiobh re fhaghail (18) sniomh ar fer an eolchuir |
| 2. |
[p.17v](1) Mor an len a niomthechd uile (2) diobh sin ni roibhe drochduine (3) og no airrsuidh beg no mor (4) achd ionparchuis lan ea donoir |
| 3. |
(5) Do budh eolach me ortha fein (6) dob aithne dhamh a geaga gineoil [*] (7) coirid dhamh a radha go fiosach (8) na poir aile [*] iolchleasach |
| 4. |
(9) Air asad fein os é an fath (10) o chennos eoin an cedla (11) gach droing dhiobh da roibhe (12) ann ag treabadh na fearan |
| 5. |
(13) Budh diobh an cuiredh meamnach mor (14) ag a fuighe cuirm s comhol (15) clann alasdir na sgiath dualach (16) ainesgar fial iolbhuadhach |
| 6. |
(17) Bhudh diobh ó reimh cholla dhuais (18) le diolfuidh barr gach aon duais (19) clann eoin na sroal sesfach [p.18r](1) an por ge cengailte cerdhchealsac |
| 7. |
(2) Budh diobh ó rí lochlan lain lochlan lain (3) drong budh decair a dionghbhail (4) sliochd duphshithe na stait sholas (5) budh len ar fer a foltainnis |
| 8. |
(6) Budh diobh aris uatha sin (7) a dha aicme úr aoibhin (8) gach drem dhiobh do gabh ges (9) clann ghiolle isa s clann phetris |
| 9. |
(10) Budh diobh o eoghan mhór (11) do marbhadh le conn a cedóir (12) clann aigh na saireach suibhlach (13) ní mairenn grain a gormluireach |
| 10. |
(14) Budh diobh ó niall na naoi glas (15) aig sin duit ciall a seanchuis (16) clann mhíc beathadh a gnathaigh ghrin (17) luchd snoidhe chnamh is chuislean |
| 11. |
(18) Budh diobh ó reimh na rosg mall (19) mac rí lochlan na gerlann [p.18v](1) Clan aoidh na [*] fleagh mollach (2) agus na ttegh naolchlar nionnailt |
| 12. |
(3) Budh diobh ó ri muille amach (4) ni mairg ga roibhe a freamhach (5) na siolsi do tharrnnuig anois (6) siol terluigh agus tamhuis |
| 13. |
(7) Budh diobh ó domhnall dronn (8) derbhbhrathuir do Niall ghlundubh (9) clann lochluinn an ghaisgidh gheir (10) an aicme nar thoill toighbheim |
| 14. |
(11) Bhudh diobh o emun mhór (12) do chardidh iad analloin (13) an shliochd a[g] giolla bhride bhrais (14) do dibradh sinn or dughas |
| 15. |
(15) Do bhí moran daicme eile (16) annsa chrichsi na hiorghail (17) ni dith eoluis dobheir dhamh (18) gan a seoladh annsa tsloinadh |
| 16. |
(19) Da faghadh budh mor an modh [p.19r](1) o cumhachtuibh an coimidhe (2) fer a nionnadh an fhir ro chuaidh (3) do na cinneachuibh glanshluaigh |
| 17. |
(4) Do fhedfadh ri fhlaithis de (5) os aige ata cenn gach aonre (6) na siolsi a tharrnuig ge terc a poir (7) a techd aris go romor |
| . | mor |
| . |
(8) Mor an lensa ar aicme ile |
(9) Giolla colluim mac ile bhride mhic phersoin (10) chille comain do roin an laoidhsi
| 1. |
(11) Mairg doní uaile as oige (12) a iasachd deilbhe a deirc ghlais (13) a cruth seimh a aghuidh aoibhin (14) a ceibh bhuidhe caomhmhin chais |
| 2. |
(15) Da ttugadh dia duit a dhuine (16) daoine meallta mheallis iad (17) ded mur chuib is taobh taisslim (18) duit araon budh aisling iad |
| 3. |
[p.19v](1) Duille an bhetha bhúdh bhrlt blath breige (2) baoghlach a chuirp cur re ioc (3) na dean uaile fa chenn a chruine (4)sgo s gerr go buinfuigher do dhuille dhiot |
| 4. |
(5) Da fagha fos ni fath diomuis (6) duille an bhetha nach buan seal (7) coimnigh re re dala an duine (8) os e namha an uile fhéar |
| 5. |
(9) Cuimhnidh ar cruasach na grainoic (10) guais dod thionnol bheth mur bhid (11) ni bfuil achd pian ann dod tanamuin (12) na hiar barr an talmhuin trid |
| 6. |
(13) Ubhal ar gach bir da biruibh (14) beiridh don taobh [ a ] tid siad (15) ar ndol on choill fhadbhuig fherchaoin (16) fachfuidh fa bhel aonphuil iad |
| 7. |
(17) Faigfuighter let ar los an tsaogail (18) mur sogh cuirp ar cosg a mhean [p.20r](1) fa bhel na huaighe ós e an tanam (2) sgel as truaighe a chalan chreagh |
| 8. |
(3) Da tfuarus dor agus a dionnmhuis (4) deachuibh s do bhuaibh giodh bert chle (5) ni leigfuighter diobh a dhuine (6) achd brat lein don chruine che |
| 9. |
(7) Ibhinnes a chuirp cuid da uabhar (8) egail duinn a chur os aird (9) daor re dhaormheas uail na hoige (10) buan re haoibhnes moid is mairg |
| . |
(11) Mairg doni uaile as oige |
| 1. |
(12) Cnoc an air an cnocsa shiar (13) go la an bhrach bid da chairm (14) a phatrig na pachal ban (15) ni can [']n fath ttugadh an tainm |
| 2. |
(16) Innis masa chuimhuin let (17) ua chumhuill nach beg bron (18) innis s beir { mo } bhennachd leat (19) sgel fior agus na can go |
| 3. |
[p.20v](1) Is truagh a ni ler an me (2) a mhic airplin nar er neach (3) an sgel ro fiafruidhes diom (4) innsad ar sgath rí na breath |
| 4. |
(5) La da deachaidh fionn na flegh (6) is fian eirionn na neach seng (7) ar an chnocsa lion a shloigh (8) nib egail leo techduir tenn |
| 5. |
(9) An enbhen dob aile no ghrian (10) do chí an fian ag thechd san leirg (11) do mhac chumuill innisim duit (12) bennuighes rioghan an bhruit deirg |
| 6. |
(13) Ge tu a rioghan air fionn fein (14) is ferr mein is s haile dealbh (15) fuaim do ghutha is binne lein (16) na bfonn re snimh gin co serbh |
| 7. |
(17) Niamhan nuachrothach is e mainm (18) inngen ghairbh gharaid [*] mhic dolluir fhionn (19) airdriogh greg mo mallachd air [p.21r](1) s e do thrat me do thailg mac trein |
| 8. |
(2) Cred do bher da { sheachnadh } tu (3) na ceil do run oram anois (4) do chomhrug ar do sgath go la bhráth (5) gabham do laimh ar do ghosg |
| 9. |
(6) Ri fa tugsech an fuath (7) do roine dhubhghual dom ghné (8) gluas agus urpball s cenn cait (9) do bhi ar dar liomsa narbh ait an ceim |
| 10. |
(10) Diomidhis an domhan fa thrí (11) nar fhagus ri an no flaith (12) nochar iarras achd sibhsi fhian (13) gnar gheall triath manacal air |
| 11. |
(14) A riacad tusa a ninnghen og (15) do radha mac cumhuill nar chlo riamh (16) no go tuitid ar do sgath (17) na sechd cathsa ata [']n fian |
| 12. |
(18) Ar an laimh sin ortsa fhionn (19) is guais lein go dernnus breag [p.21v](1) a tí ó tichim a fad (2) tuitfuigh leis cath agus cet |
| 13. |
(3) Na den iomarbhaidh as (4) a fholt cas ar dhath an oir (5) nach tainig aonlaoch fan ghrein (6) nach fhaite san nfein fer da chlo |
| 14. |
(7) Is gerr go facamar uainn (8) ri fer caitchenn fa cruaidh lamh (9) nior bhennuigh is nar umluidh d['] fionn (10) is iarrus cath air cionn a mhna |
| 15. |
(11) Do chuir sinn dech ced laoch na dhail (12) dob [fh]err lamh an lair gled (13) nar fhill aonlaoch diobh ar ais (14) no No cor thuit le tailg mac { treoin } |
| 16. |
(15) Iarrus osgur ced ar fionn (16) ge holc lein é da luath (17) dholl do chomhrag a laoich loinn (18) mar do chonairc di na sluaigh |
| 17. |
(lmarg1.1) Dobherim ced duit ar fionn . ge holc liom do thuitim trid (lmarg1.2) eighridh s ber mo bhennachd leat . s cuimidh do ghal s do ghniomh |
| 18. |
(19) Fedh cuig noidhche fedh coig la (20) do bhi an dias sin nar tla cleig [p.22r](1) gan bhiadh gan chodloch ar dhi suain (2) gur thuit tailg le buaidh mo mhic |
| 19. |
(3) Do leig sinn tri garra os aird (4) fan chomhruig sin fa garbh gleic (5) garrtha moidh caointe fan dechaidh don feinn (6) da ghair mhoidhaoim fa eg thailg |
| 20. |
(7) Niamhan nuachrothach mor an bed (8) mur do chonnairg med an air (9) gabhus naire a gruaidh dherg ghlan (10) as tuitis marbh a mesg an air |
| 21. |
(11) Bas na rioghan deis gach huilc (12) is e as mo do chuir ar cach (13) ar an cnocsa deas a cliath (14) do baisd an fian cnoc an air |
| . |
(15) cnoc an nair an cnocsa shiar |
| 1. |
(16) Sé la gus ande . nach faca me fionn (17) ni fhaca re mo re . s e budh faide leam |
| 2. |
(18) La agus ochd la . ata misi gan cheil (19) mo croidhe is truagh tinn . fegmuis fhionn fheil |
| 3. |
(20) La agus ochd lá . nach faca me [a]n fian (21) is faide leam é . no mo re riamh |
| 4. |
[p.22v](1) Mac inngene taidg . triath na fola trom (2) moide fein s mo triath . mo cheial is mo conn |
| 5. |
(3) Nior dhuilt fionn roimh nech . ge mo beg a lion (4) nar chuir as a thegh neoc da tainig ann |
| 6. |
(5) No cha treabadh troch . no nighenh fionn na fiann (6) gan digheal gan { tnuth }. gan duilt riomh e triath |
| 7. |
(7) Sechd slisa ar a tech . mac chumhuill go blagh (8) sechd fidhad sgeathchnes . ar gach slis diobh sin |
| 8. |
(9) Caocad iomuigh thall . a diomcheol mo rí (10) caocad laoch gan diommodh . ar gac iomuigh dhiobh |
| 9. |
(11) Dech ced blegha ban . na halla fa or (12) dech ced easgur gorm . dech ced corn ag ol |
| 10. |
(13) Fionn flaith ri na fiann . mac do chumhall sin (14) a dhe is mairg do mharbh . an te dob [fh]err ar bioth |
| 11. |
(15) Nior fhag beisd a loch . no arrachd a nuaimh (16) a neirionn na naomh . gur mharbh an shaor suirg |
| 12. |
(17) A chnes mur a chailg . a gruaidh mur a ros (18) fa gheile gorm a rosg . bhí fholt mur a tor |
| 13. |
(19) Chuaidh eneach os cach . a cleri na mion (20) ni deachaidh ri riabh . achd ri nimhe os a chionn |
| 14. |
(21) Ba file ba flaith . budh saoith re gach ceird (22) ba millidh seng saor . budh é tonn gan cheilg |
| 15. |
[p.23r](1) Tarbh agus ochd bath . do gach brughaidh ban (2) tug fionn cenn a thslogh . is budh cruaidh an cháin |
| 16. |
(3) Se ced leabtha seasur . re gaisgadh na thigh (4) cu s ben is giolla . aig gach duine diobh sin |
| 17. |
(5) Mathair ionmhuin é . maith an duine a gart (6) nior dhuilt duine riabh . ma bhiadh no fa bhrath |
| 18. |
(7) Maith an duine fionn . maith a duine é (8) a do thiomluic thiodhluic neach (9) leath air thiodhluic se ,, |
| . | se la gus an de |
| 1. |
(10) Mairg duine bhrathis e fein (11) mo bheirt da eis adchiam (12) ni ionnfa neoch fir no mna (13) mo run fein go bhrach aris |
| 2. |
(14) A bhen choman a chruth fial (15) do bhi oram riamh a geall (16) mairg leigis a run re mnaoi (17) fhuaire agus ataoi fam chenn |
| 3. |
(18) Oramsa fein do frioth an lochd (19) ni beg not da chur a geill (20) rug ar coman ceim air ais [p.23v](1) buailter duine da shlait fein |
| 4. |
(2) A diu[b]rrasa [*] orlach ar or (3) diom innghen as og snuagh (4) ge gerr ón de gusa nuigh (5) do bhuair me an tuisge suas |
| 5. |
(6) Med na toile ttugis duinn (7) mairg dar ghinadh a { ghnúis } nár (8) umam fein ó taoi go fuar (9) comhfada theid fuath is gradh |
| 6. |
(10) Do ghuala fein fada o riabh (11) cuman deisi do dhiol truth (12) duine o mhumann na mur geal (13) diobh is duine do leath cuinn |
| 7. |
(lmarg1.1) Do bhadar dha bliaghuin deg . an dias sgoilair sgel suirg (lmarg1.2) gan deghail gan diachra serc . ar fud eirenn deas is tuaith |
| 8. |
(14) Deis a muinte a bailtibh sgol (15) dala an chupla ar nach glos beim (16) do thionnsgin gach duine dhiobh (17) dol an trath sin da thír fein |
| 9. |
(18) Do bi fregradh an fhir a deas (19) is sruth deir ag techd re gruaidh (20) ni shiaoilum go faicam fein a graidh (21) cnuis a cheile go la luain |
| 10. |
[p.24r](1) Da thiocfadh ar an sgoiler a tuath (2) olc do chechduir uain da bhrigh (3) os ag deghail dhúinn nar dias (4) gur ba duitsi a bhias a dhioth |
| 11. |
(5) Deis air coman gus anochd (6) ni mor a bhen na folt slim (7) nach í freagra an fir a tuaith (8) fuarus uait ag deghail ruinn |
| 12. |
(9) Ni hí [t]hanntsocrachd no tferg (10) ni dioghbail ceile ni cerd bhaogh (11) ni fuath ni drochthesd ní druis (12) do bher deghail dhuinne araon |
| 13. |
(13) Gan tu san crichsi a bíadh meabh (14) no crich laighinn na neas reidh (15) no coigadh deguidh mhic sein (16) ttug mo deghail riot re mo ré |
| 14. |
(17) Ni fhuairis i giodh meanma saor (18) a ghlac shocrach gan taomcruas (19)fam fath mo thregsin is me ad ghar (20) is maith gach cunradh a fad uait |
| . |
(21) Mairg duine bhrathis é fein |
[p.24v](1) O dubhagan
| 1. |
(2) Bliaghuin so sholas a dath (3) slighe aigenntach eolach (4) a riaghail fa lomnan liom (5) an bliaghuin chomhlan choitchenn |
| 2. |
(6) Ceithre raithe a mbliaghuin bhuig (7) as i gnaithshlighe ghabhamuid (8) trí mí i ngach raith a bliaghuin (9) snaithe í fa einriaghuil |
| 3. |
(10) Ata a mí gheanuair greanta (11) triochad la is la aigennta (12) tosach don mí on mhealltoir (13) mur do chí on chailenntoir |
| 4. |
(14) A mí fheabhra thall ata (15) ochd laithe is fiche fionnla (16) sgriobh gan chiorra sios mur soin (17) mios is giorra san bhliaghuin |
| 5. |
(18) La is tri .x. an mharta mhóir (19) riaghuil chinnte gan claochlodh (20) ni gan chleith a aithne araon (21) tri dech da aithle a nabraon |
| 6. |
[p.25r](1) A mí maoi maith re mholadh (2) triochad is la ag leabhrughadh (3) gan chleith ar niuil as i soin (4) tri deich a mí iuin gle gloin |
| 7. |
(5) A mí giuil nar ghortach grian (6) la is tri .x. a dheighchiall (7) a hughduir da cceill a ceisd (8) a urdal eile a naibgheisd |
| 8. |
(9) tri .x. an sebtempir slan (10) gach ughdur aga iomradh (11) siotha ro aom timbear (12) triocha haon a noctimber |
| 9. |
(13) November tri deich dhealbhtha (14) a ughduir na healaghna (15) desember gan gruig thall thra (16) se chuig ann agus aon la |
| 10. |
(17) Cuig la tri .xx. tri chéd is se huaire (18) is se huaire gan oired (19) as riaghuil fa lí do leath (20) san bliaghuin nach bí ar bhiseach |
| 11. |
(21) Gach tosach a mbliaghuin bhain [p.25v](1) sloinn go rathmur tre robhaigh (2) cuir go frosach sna froighibh (3) tosach ar na tosuighibh |
| 12. |
(4) Oirrdheirc an guth on ghleann toir (5) cedtosach an cailenntoir (6) maith ro locradh tra is tuig (7) an tochdmadh la iar nodhluig |
| 13. |
(8) Tosach eile a mbliaghuin mháis (9) an tra tugadh an tsainais (10) riaghuil nach diosg dho dhailedh (11) bliaghuin criosd re a chomhaiream |
| 14. |
(12) Tosach nach oirghderc ag aon (13) da dheich re san abraon (14) mur dob ullamh a nglanad run (15) do cumadh na ceathardhul |
| 15. |
(16) Domhnach aidueinte an aigh (17) tosach ghabhus an griogair (18) mur dhleaghair do gach aon inn (19) maraon san leabhur leighinn |
| 16. |
(20) Cedla don bliaghuin go mbiogh (21) baistedh iubhlach an airdríogh [p.26r](1) maith gné a ghruadh tra re a taisdiol (2) se la uadh go hathbhaisdedh |
| 17. |
(3) 9 mbliaghna .xx. fior dhamh (4) agus se la gan locadh (5) edir 2 bhaistedh dhíea dhil (6) an taisder cia nach cuimhnigh |
| 18. |
(7) Fiche la nocha leathdail (8) go feil foil ó eifepain (9) o fheil poil gan luadh ale (10) ochd la go feil buan brighde |
| 19. |
(11) Iarnamhairach mor an mhais (12) do chuaidh muire don egluis (13) mirr is tuis di da dhergadh (14) si gan chuis ga coisergadh |
| 20. |
(15) A ccionn laoi is da dheich daoibh (16) do chuaidh pedar na chatháoir (17) maith an tres caithi gan chas (18) an tres laithe ag matias |
| 21. |
(19) An dara la degh as doigh (20) do mi marta feil griogoir (21) as airemh suadh e tra is tuig [p.26v](1) se la uadh go feil patruig |
| 22. |
(2) 9 la gan dul uaidh tar ais (3) no go fhuair muire an tsainuis (4) rainig tair gach saoirmí sloinn (5) tainig an caoimhri a ccoluinn |
| 23. |
(6) Da laithe dheg go ndaithe (7) agus fiche fhionnlaithe (8) ó fheil ogh mhuire gan ais (9) go feil mhorghloine mharcuis |
| 24. |
(10) A sechdmhadh la lith gan mhoid (11) la feil philib is iacoib (12) fa la traith niamhdha toile (13) la blaith naomhtha bailtuine |
| 25. |
(14) An treas la do shamhradh shuairc (15) feil na croiche don chedcuaird (16) an sgoth nocha ttoirne thoir (17) croch an choimhdhe dar ccobhair |
| 26. |
(18) Ceithre la deg go deimhin (19) go feil brenainn bain bhleighidh (20) saor a glor nocha diaud de (21) naomh as mor cuid don cruinne |
| 27. |
[p.27r](1) Cuig is 2 dheich adearar (2) o feil brenuin barr leabhuir (3) naomh mholuim go leir (4) go feil choluim chaoimh chille |
| 28. |
(5) An treas lá uadha gan agh (6) barnabas easbag iomshlan (7) an sechdmadh la na ling soin (8) la fheil mo ling a lughair |
| 29. |
(9) An tochdmad la is leighenn dhearbh (10) feil eoin baisde go mbithshealbh (11) iomdha da gairm go ceill caigh (12) darab ainm feil shan seaan |
| 30. |
(13) An tochdmadh la uadh gan ail (14) la feil poil agus peadair (15) dairmar uadh tre shimon sin (16) do badar di mhor deisdin |
| 31. |
(17) An tochdmadh la deg male (18) cur na nasbal o cheile (19) fer na aonar s gach oireachd (20) do sgaoiledh le sgeluidheachd |
| 32. |
(21) Sechd la grinne agus glainfheigh (22) go feil muire maghdhalen [p.27v](1) ben rer cabhraigh ri na riogh (2) do taghadh í go nairdrigh |
| 33. |
(3) Ceithre la is fior go feas (4) go feil iacoib gan aincheas (5) is ris adearthair san seim (6) ní fann dhlegur gach deghsgel |
| 34. |
(7) An tochdmadh la uadh mas fior (8) la feil peadair na poirtghniomh (9) cach a ccasadh ní cosmhuil (10) an la soin la lughnasadh |
| 35. |
(11) An deichmadh la dfoghmhar ogh (12) la feil luibhrint lanmhór (13) as i suin tra gan tlas (14) an la soin la san labhras |
| 36. |
(15) Arnamhairach grian glanta (16) la feil uasuil attrachda (17) da ogh nar ciontach a gcol (18) an da bhanogh fhiortach uasal |
| 37. |
(19) Eg do mhuire is derbtha dhamh (20) an .5. deg .5. la deg dfoghmhur (21) rí na gced da togha thoir (22) rogha na negh an teg sin (23)[hs] roga na neg an teg sin |
| 38. |
[hs][p.28r](1) An deicmhadh la iarsin sloinn (2)parlan parthalan easbal aluinn (3) an seisemh la uadh feil eoin (4) da ceisim ar gach cealloir |
| 39. |
(5) Enla is da .v. gan chol (6) go rugadh muire mhathar (7) tlaith re fhoghail is re fheall (8) do chobhair caich go coitchenn |
| 40. |
(9) Arnamhairech briathra binn (10) ciaran an cara thogham (11) is in fedhmdha buadha a bhreth (12) tigherna cluana an cleireach |
| 41. |
(13) An .vii.madh uadha is eadh (14) la feil croiche an coimhdegh (15) sin tollairbhi i gach tigh (16) mí ar comairce an croinn sin |
| 42. |
(17) An tochdmadh la feil matha (18) nocha nuaisle aonfhlaitha (19) niort dia na aonur ní chel (20) a[n] naomhadh la feil michel |
| 43. |
(21) An suibhisgel saoi gan tlas [p.28v](1) in fichetmadh la lucas (2) a ghloir na dhiaigh ar na dhol (3) fa liaigh do phol na bpobal |
| 44. |
(4) La agus da .5. gan chas (5) go feil simoin is iudais (6) cuig la uadh sin go samhuin (7) sluagh do dligh an duileamuin |
| 45. |
(8) Arnamhairach as beachd linn (9) mairb na cruinne go coitcenn (10) giodh gleo re harm giodh eg sin (11) marbh gach beo is bed bhunaidh |
| 46. |
(12) An taonmadh la deg dealbhtha (13) don geimhredh ní go meanma (14) crodh an ghuirt garmmuighe ghoil (15) la feil mucmarbhuigh martain |
| 47. |
(16) An treas la deg go direach (17) cleman cenn na martireach (18) an sluag robochd nach bochd bhias (19) ochd la uadh go feil aindrias |
| 48. |
(20) Da roibh feil aindrias co naoibh (21) ar luan ar mhart no ar cedaoin (22) cios gach droinge do deghailt [p.29r](1) roimhe bhias a naighebint |
| 49. |
(2) Dardaoin aoine sathrann sin (3) aigaibint da heis abar (4) mur creidir daighdis do (5) da roibhe feil aindrias orrtha |
| 50. |
(6) Sechd laithe fionna as forus (7) go feil naomhtha nicholas (8) fesd an chleirigh nar cainedh (9) cennsgeimh na sgolairedh |
| 51. |
(10) In treas la na dheaghaidh so (11) do coimredh maithair iosa (12) an ceathramhadh la diaigh sin (13) la feil finnein na fiorcheil |
| 52. |
(14) Se laithe deg gan doilghe (15) la feil tomais toghaim ní (16) togh comramach go ceil (17) asbal ollbhlaghach eisin |
| 53. |
(18) Cuig laithe uadha lí nach lag (19) la os la gach la la nollag (20) ciodh cia mar do dearbadh dhe (21) da ndernadh do dhía duine |
| 54. |
[p.29v](1) Steaphan mairtir mor am broid (2) arnamaireach iar nodhluig (3) la feil eoin arnamhairach (4) a threoir fa seimh soghradhach |
| 55. |
(5) Arnamhairach buan in blagh (6) do muchadh an mhacrighe (7) do raingadar nemh na nel (8) a mbi riflath na bfiren |
| 56. |
(9) A cuig iar nodhluigh neamhdha (10) tomas asbal ard aobhdha (11) maithe an cleas chaidhche na cheil (12) an treas laithe ag siluesder |
| 57. |
(13) An la sin do reir riaghla (14) fiardheiredh finn b[l]iaghna (15) criosd do nimh in gach trath thóir (16) do bhlath in gach bliaghuin |
| . | bliaghuin |
| 58. |
(17) Gach airemh dar airbheas ann (18) ar sollamhnaibh na sarchlann (19) im chroidhe go ttiubhra astegh (20) iodhna oile sa naimhreamh [*] |
| 59. |
(21) Ata fos gan chlaon ceill [p.30r](1) ag riomh gacha rifheille (2) ag gach la seimh re seal (3) an da fheil annsa nairemh |
| 60. |
(4) Gach nech ann da du aoine (5) cluinfid dronga deghdaoine (6) sigh dé nach do taom thogus (7) nach be aon na amharus |
| 61. |
(8) Epipfain feil luibhrint lain (9) nolluig is feil san seaain (10) samhuin nach diosg a fulair (11) dia chuirp criosd is [dh]easgabhail |
| 62. |
(12) Da easbal deg na desgel (13) cethrar sendna suibh[i]sgel (14) do charus tuile na tred (15) sanuis muire s a moireg |
| 63. |
(16) Ag sin na haoithe agha (17){ nar } obus a nonara (18) aoine thric a ccas na cuir (19) tig an bas i ngach bliaghuin |
| 64. |
(20) A . b . c . d . e . f . g . (21) na haoin sin is da ttreighe [p.30v](1) cert gach rodamna on rertoir (2) sechd colamhna an chailentoir |
| 65. |
(3) A sechd fa cethair gan chol (4) an ciogal grianda gleghlan (5) caite gabhann dlus gan dath (6) no fagann tus ar tosac |
| 66. |
(7) Iongnath mased adearar (8) as e an cedla an ceathramhadh (9) diongna in brethnughadh da dha (10) in cethramhuin an cedla |
| 67. |
(11) An bisioch mbrogha a datha (12) in chiogol grianda ghniomhach (13) tuas go mbeinn uaill gan agar (14) an enuair ma fhuaradur |
| 68. |
(15) An ceathramhadh bliaguin buan (16) don chiogal grianda glanfhuar (17) ina shechd riaghla mur sin (18) as i an cheart bliaghna bhisidh |
| 69. |
(19) A . cedlitir dhomhnuidh de (20) ar denamh chlair na cruinne (21) b . dia luain . c . dia mairt |
| 1. |
[p.31r](1) Namha an chird nach [...] dher (2) aithnim ar dhaoinuibh egin (3) an eigsi o nach aithnuidhther (4) ní anan si a eintoigh |
| 2. |
(5) Diotheoluis na healadhna (6) tug a fuath air na daoithibh (7) achd began dom brenachadh (8) nach nochdfa dona daoinibh |
| 3. |
(9) Buidhen mhomur mhorlentach (10) mor an tochuin don tsuiridh (11) ni chaithed achd crochedach (12) mo thruaighe bert na buidhne |
| 4. |
(13) A cruth aois ealadhna (14) bid ag suibhal gacha criche (15) andach da nescaraid (16) minic a bhias an mac tire |
| 5. |
(17) Luchd leabur do nemhfhechuin (18) croch is geimhsun da lentibh (19) ga miste a mbheith deghedidh (20) is go mbi sida annsna beisdibh |
| 6. |
[p.31v](1) Ni fer [...] fiorbhodidh (2) a bheith lan do leabhruibh maith (3) re gerran a tsiorthsódair (4) cuirar srian an eich aice |
| 7. |
(5) Dar eis eirghe ó nealadhuin (6) ni trath da dhenamh dhoibhsin (7) ni chuiran achd fer meruidh (8) a lam a cenn bo maoile |
| 8. |
(9) Agra shalach shuislinnach (10) an damh doni go dana (11) do chobhuir na cuidechda (12) ni chuir misi achd namha |
| . | namh[a] an cird |
| 1. |
(13) Mor teas ar aire an tsluaigh (14) agus go deid gach ni uadha air ccul (15) nach tabhair iad an aire air mac de (16) agas a cre brath air anuir |
| 2. |
(17) Iomdha duine agus daoine ann (18) nach fiafruidh an ní is ainfes doib (19) giodh oc neach nach eir an deirc |
| 1. |
[p.32r](1) A dhuine cuimnigh an bás (2) s a dháil ag techd gac éanla (3) s go mbeirthir breith ar do ghniomh (4) gan chleith le hoighre an airdriogh |
| 2. |
(5) Tig mac an duine san uair (6) nac smuainenn tu chré dhiombuan (7) diarraidh cunntuis cruaidh an cás (8) a thruaigh nar dhiult an secharán |
| 3. |
(9) Do shéirbhís go maith s go holc (10) do smuainte s gac ní adubhairt (11) biaidh a meabhair mhic na hoigh (12) fád chomhair ar sliabh sieóin |
| 4. |
(13) Fuair tu is cuimhnech ar do cheill (14) toil shaor gac ni fad dheighréir (15) do dhenam maith buana dhuit (16) no pianta cruaidhe as do cruthair |
| 5. |
(17) An corp dar mhiann let a thoil (bmarg1) ad duabhar do chol is do dhruis (18) is gerr go mbiath ar leis daoil (19) fa lic thruim na luighe a núir |
| 6. |
[p.32v](1) Dean aithrighe ghlan ag so a ham (2) a dhuine ata dall ad lochd (3) na léig fiachan de gan diol (4) sul a rachus crioch ar do chorp |
| 7. |
(5) S na milte ag siobhal la huair (6) nac smuain lá na huaidhe ag techd (7) ca fios nac biann tú san tread (8) a dhuine cuir srian réad chorp |
| 8. |
(9) Smuain gac aon la feadh do ré (10) gurab é do chrioch fein anochd (11) na leig err M[t]haimsire an diosg (12) gerr go ttig techda on riogh ort |
| 9. |
(13) Claoi tuabhar le menmna íseal (14) den cuimhne ar do chrioch san chruinne (15) iarrum ort as uchd na trionnóid (16) na bi go diomhaoin a dhuine |
| . |
(17) A DHUINE CUIMHNIGH et cetera |
(18) Ag sin roinn do rinnis do dhuine do (19) chonnairc me ar ti pecadh do dhenamh nach (20) raibhe iomchubaidh dho pecadh ar bioth do (21) dhenamh
| title | A MacMhuirich Poetry Collection |
| internal date | |
| display date | |
| publication date | |
| level | |
| parent text | MSS Collection |