[toggle numbers]
[start of Text 1]

[hs][p.3r](1) Ata an dánsa ag trachdadh ar chóig neithibh airidhthe (2) bheanfas re hiarrla earra ghaoidheal et rena onóir do reir sinnsireachd (3) a shean agus a dhaoine roimhe An céidní .i. gach sdaighle agus gac onóir (4) budh coir do dfaghail on rígh agus o uaislibh alban An dara ni (5) .i. gac toitheasda slóidh agus sochuighe darab cóir freagra (6) dhó a nám coguidh no easaonta .[ An ] 3 . ni .i. mur gabhus se a chuladh (7) chomhluinn et a dheise chatha uime a measg ghaoidheal do reir (8) fasuin na ngaoidheal et a shinnsior riamh roimhe . an 4 . ni (9) .i. mur doní sioth iar gciosughadh gac aicme et ar gcosg da (10) esaonta et mur fhogras se as égcoir et ainndlighedh et (11) luchd denta uilc feille agus fionghuile agus aos gaca neimhchertuis (12) iarchena An cúigmadh ní .i. gach soaimsiorachd síne agus sonuis (13) eireochus rena linn amhuil as bés deirghe re linn na deighriogh (14) et na ndeaghuachdararán do thoradh mara agus tire do thes agus dfheabhus (15) aimsire diomad iasg ar inbhearuibh agus cnuas ar coiltibh (16) et do barr gacha maithis bhudh dheasda

1. (17) MAITH an chairt cennas na ngaoidheal .
greim uirthe ge b[e] ga mbi
(18) nert slóidh san uairsi do arduidh .
coir is uaisle a nalbhuin í

2. (19) Ceannas mo ghaoidheal mhoighe monuigh .
maith an chairt chuirther le
(20) cíos ó shlúadh goirmgreanta gaoidheal .
tuar oirbherta daoinfer é

3. (21) Cennus Gaoidheal maicne mileadh .
mana ratha ni reimh mion
(22) luchd coingleaca ós chách do chonnbháil
tuar oirbhearta dfoghbhail dfhior

4. (23) Cuirfed ceisd ar fher an eoluis .
fa fhuil ghaoidheal na neadh noir
(24) cía ga bfuil o chóir a gcennus .
na sloidh o thoil thennus tóir

5. [p.3v](1) Fuaisgheolad fein fáth na cedcesda .
chuirter orm ni cruaid an chíos
(2) cennus ghaoidheal na chéim clechduidh .
ag aoinfher dfein breatuin bhios

6. (3) Giolla esbuig iarrla gaoidheal .
glacas cairt cennais an tslúaidh
(4) do bhi riabh o choir na chartuidh .
riar an tslóidh gan antoil uaidh

7. (5) Do chengladh a gcairt a shinnsher .
sealbh na ngaoidheal do dhul do
(6) leis buaidh an duluinn s na daoine .
urruim shluaidh ca máoine is mo

8. (7) Cennas gaoidheal oilein alban .
aige aris bú riogha an chairt
(8) do dherbh grios a ghruadh a ttacar .
cios a sluadh ar achadh airt

9. (9) Damhna meanma do mac cailin .
codhnac gaoidheal ris do rádh
(10) annamh tóir no ráon nach reidhidh .
an chaor shloidh nar fheimidh ágh

10. (11) Leis ó chóir búdh chennus riogha
rogha a seabhac sealg a sliab
(12) rogha a ccolg is a ngreadh ngoile .
ar lórg a sean roimhe riabh

11. (13) Roga an lúireach s a lann leabhar .
leis na choir budh cennus búan
(14) congnamh sluaidh is each is eididh .
buain a chreach ni fheidir úadh

12. (15) Leis rogha a séd s a ccorn ccumhduigh .
cios a ninber iasg a loch
(16) baird a múr tar ghairbhe a nglaistren .
daingne a ndun s a gcaisdel chloch

13. (17) S é na áirdbreithem ós albain .
onoir oile ga thaobh tais
(18) a tig an ríogh gur ben braighe .
fer dhiob gaca lámha leis

14. (19) Aireomhad fos cuid da chennus
cosg feilli agus snadhmad síodh
(20) as beg do crothuibh nac certuigh .
cet crochuigh fa reachduibh riogh

15. (21) Cur dlighidh fa dortadh fola .
fuasgladh braighdeg o chuing chruaidh
(23) dlighedh caingene agus dion daoine .
daingne an riogh an taoibhe a tuaith

16. (24) An úair ghoirther a ghairm thionoil .
teguid uime gasraidh gall
(25) gairgfhir ó chrích gairbh . na gaoidheal .
gan díoth áirm ar aoinfer ann

17. [p.4r](1) Cóir ar tús ag cur san chaithréim .
clann domhnuill chuige on tir thuaidh
(2) na ferchoin as dána an doghruinn .
ealchuing ágha an chomluinn cruaidh

18. (3) Aireomhad féin ferrde [ a ] echdra .
armuinn uaisle innsi gall
(4) tig don nós sin deabhtha is doghruinn .
cethra tóisigh fhoghbuim ann

19. (5) Clann giolla eóin na néchd naighmheil .
iathuid uime crosfhal colg
(6) síad na chenn o mhíonmuigh muile .
riogradh tenn na mbuillead mborb

20. (7) Sirthe slóidh fan gcédghairm chuige .
ó cenn tíri na fedh fíar
(8) tig a híle dúaim a heachdra .
líne sluaidh rer decra diall

21. (9) Clann raghnuill uime ar dhoigh deabhtha .
diorma romher leitmhech laoch
(10) ni réidh a nechdra ar uair bfedma .
ealta sluaidh na meirgedh maoth

22. (11) Fine leóid na mbratach mbodhbha .
bíd na thinol ni triall mhall
(12) ráon da neolussoin fa anbhuain .
leoghasuig caor armshluaidh ann

23. (13) Go mac cailin ceann an tionoil .
tig a barruidh na mbroin bhúirb
(14) ealta sluaidh gan fhuireach nuaire .
drong fhuilech is cruaide cuilg

24. (15) Clann fhionguine ar inneal troda .
teguid go laoch locha long
(16) ferrdi a echdra duaim na noirear .
ealta sluaidh na ccloidhemh ccorr

25. (17) Iathar uime ,, duimhnech ,, dogbuidh .
an dáil deabhta ar diultadh síodh
(18) fál túagh is lamha gan loige .
don tsluadh dhána is groide gniom

26. (19) Tig le meanma go mac cailin .
cuirt deghlaoch nac sechnann sioc
(20) coille chuir a fadchluimh féile .
dfhuil artuir is beinn[e] briot [*]

27. (21) Teghlach garbh fa giolla esbaig .
da fhuil fein budh r ferrde a briogh
(22) a gclu ar cuimne ni cheileabh .
cru duimhne gac deigfer diobh

28. (23) A fhoirnedh a measg a mhileadh .
do mac cailin is tus teinn
(24) [...] a reachd ga maoidhemh mairidh .
do nert ghaoidheal gabhaidh (25) gréim

29. [p.4v](1) Gabhthar lais a lár na { ngaoidheal }.
go grinneal ghliadh mur as dú
(2) mana ratha da dheirc dhosuidh .
beirt chatha le chosain clú

30. (3) Lé sén búaidhe fan mbeirt ghaisgedh .
gabhuis léinidh shédhuinn shróil
(4) dúaim ghrinn budh decra do dhenamh .
go sgim ealtan énuidh óir

31. (5) Triobhus donnsroil gan chlaon ccumtha .
cuirter uime móide a mhuirn
(6) cenn an tslúaidh ó inber abha .
do sduaim ingen bhrogha buidhbh

32. (7) Gabhuis tráth fan troighthech mboinngeal .
da bhróig chumtha uachdair óir
(8) nac bacann leim lúidh no lámhuidh .
a chéim cúil ni tharuidh tóir

33. (9) Cuirter cotún choileir ordha .
do hinnleadh do gres on ghréig
(10) fa leoghan lonn locha fíne .
sonn catha gac tire a ttéid

34. (11) Gabhuis luiridh leabhuir lonnruidh .
lochlannuid nguirm ttaoibh ghil dtrein
(12) cruaidh sgeine ni mhill a maille .
rinn sleidhe no ghainne ghéir

35. (13) Gabhuis sgaball bennchor bodhba
do bi ag eachdair mor mac príbh
(14) a sgél ón tráoi liom a línibh .
do bhi ag fionn nir milidh mín

36. (15) Duinter uime re huchd catha .
crios cathbuadhach nac taobh tóir
(16) do dherbh buaidh gac taobh na tiomchall .
go sgin chrúaidh go niomhchur óir

37. (17) Cloidheamh re thaobh moide a meanma .
mur mac an luin an ghleo gill ,
(18) no colg cruaidh osgair no fhearguis .
buaidh chosgair da ghealbhois grinn

38. (19) Gabhuis go gliaidh giolla esbuig .
a naice an chuilg sgáth an sgéith
(20) budh relta slóidh go sén bfoghla .
buaidh a hén da comhdha a ccléith

39. (21) Tegar [*] chuige a bfreasdal feinneadh .
crios feilm chatha go séla sroil
(22) ga mbi cinnte an eoil san ior ghuil .
a heoin impe ar iomdhuigh óir

40. [p.5r](1) Ar ndul do na dheisi catha .
budh ceim curadh dul na dháil
(2) ar mbúain tuinne a craoisich comhluinn .
s taoisich uime ar fhoghluim áigh

41. (3) Mar sin téid a ccenn a churadh .
cuilén leoghuin locha long
(4) damhna teithidh re gleo gaoidheal .
beithir bheo na ccaoilshleadh ccorr

42. (5) Ar tteachd dó na dheisi chatha .
ni chonnmuidh cách a ghoirt ghliadh
(6) ni éir ó sin aon na aghhuidh .
dobheir taobh re chabhair chliar

43. (7) Ar ngabhail cennuis gac cinidh
cengluidh siotchain na sith bhúain
(8) connmhuidh o sin reachd is riaghuil .
dobhir cert gan iarraidh úaid

44. (9) Cenglaidh se gan cheilg da cheile .
curaidh uaisle innsi gall
(10) leigther da thoil geill a geimhlibh .
ni fhuil dréim re eighribh ann

45. (11) Gloir na nén fa oighre artuir .
a nenfhoghar is ceol crot
(12) gan ghaoth re bun a fuachd earruigh .
ag cur chuart fa chennuibh cnoc

46. (13) Re linn leomhuin locha ar fíne .
fiodhbhuidh lupa o chnuas na ccrann
(14) tig don tes ar tí a thaghaill .
nac bí eas ar abhainn ann

47. (15) Tainig diomad iasg na ninber .
gan uíd duine ar denamh léin
(16) lor da moladh mana reachda .
toradh mara ag { teachd } a ttir .

48. (17) Ealbha fhiadh is beich da mbuaidhread .
fa bhun gach beinne is tuar tnúidh
(18) learga tuar o tharbha taguidh .
fa dhúal arbha abuigh úir

49. (19) Cloidhemh cruaidh cosnamh an lagha .
nac lubann le cealgaibh cáich
(20) da ngoirther iarrla o earr gaoidheal .
ar cenn riaghla ar naoinfher áigh

50. (21) Doni iarrla aicmi duimhne .
diobra feille is fogra an uilc
(22) croidh mer gan cungac ceille .
fer do chumhdach cleire ar chuilt

51. (23) Do fhoghluim tú as do thosach
na tri treidhe is ferr ag flaith
(24) iomchar goimhe go huair fedhma .
croidhe cruaidh is menma maith

. mhaith

[end of Text 1]
[start of Text 2]
1. [hs][p.7v](1) Goll mear m[i]leat[a] .
ceap na crodhachta
(2) [...] fialarracht
mian na moirdhachta

2. (3) Leomhan luathadhbal .
leonadh lanbiodhbadh
(4) [...] go treuntoirrneadh .
goll an gnathíorghail

3. (5) Fraoch . nar fuaridhaedh .
laoch go landeabhaidh
(6) reim an rigcúruidh .
mur leim lanteineadh

4. (7) Leoghan lonngniomhach .
beodha binndhúanach
(8) creuchtach comdalach .
euchtach íolbhuadhach

5. (9) Feargh gan fhúarachadh .
mál ag meadhachadh
(10) laoch gan lamhachadh .
nar thraoth treuntacear

6. (11) Dith ar deaghdáoinuibh .
dfioch a nollbuadhacuibh
(12) uaill ós árdrioghuibh .
buaidh ar borbthshluaghuibh

7. (13) Triach na tromchána .
an brian bionnmalla
(14) milid meardhána .
dilgheann diongmala

8. (15) Treunfhear treunlamhach .
seimhfear sloghdamhach
(16) fear lonn lanbuadhach .
goll mear móirdhalach

9. (17) Sgal is ciamhuire [*].
blath go mbuanaille
(18) tuile treunthshleibhe .
bhuille buadhlaimhe

10. (19) Mordha an mheariomghuin .
crodha ar chionargnibh
(20) tuir go dtromfhogluib .
múir os mionaibnib

11. (21) Tonn as treunfheardha .
goll nach glorgh[l]orrdha
(22)d searc na siorfoghla .
mac mear mor morrna

12. (23) Dith ar dhanaruibh .
cios gac cíonadhaigh
(24) grian os glanfheaghuibh .
fial re fileadhuibh

13. [p.8r](1) goll math morfhaoilteach .
flaidh nac fiordiamhuir
(2) gac tir treunleonaidh .
righ go righriaghail

14. (3) Duas go ndeirbheile .
cnuas is comhláine
(4) mac dian deaghdhaire .
triath gac tromdaimhe

15. (5) Sur gac siormhurúir .
clu nach gcainfithior
(6) gris beogha an buaneinigh .
breo nach bá[idh]fitear

16. (7) Feinnuidh fearu[i]nn mhin .
ceillidh comhall glor
(8) beim guill glain iomlain .
mar thuinn thoruinn mhoir

17. (9) Rurigh rannglorach .
fuileach siortsluaighach
(10) dealbhdha deggniomhach .
fearrdha fiorbuadhach

18. (11) Curuidh cruaidhreannach .
togbhail eirennach
(12) colg lonn luathbuilleach .
goll borb beidhmannach

19. (13) Flait na bfoghalchrioch .
maith gan mugha[dh] a gnath
(14) sruth ag siubhal luath .
cruth mur cubarblath

20. (15) Énfear iomarcach .
treunfear tromfholtach
(16) sgiath na sgeimhaltach .
cliath na gconnachtach

21. (17) Ceann sluaig thsaoir rotruim .
uaidh gan anach fuinn
(18) a treas taobfharsaing .
mur damh treuntabhfuinn

22. (19) Fiomh nach feidmfhallsa .
{ feibh } na { bfearglannsa }
(20) crodha an comhlansa .
mearrdha an meargoll

. goll

[end of Text 2]
[start of Text 3]
1. [hs][p.9r](1) An bfhaca tusa thu fén :
a taobh sneachtuidhe soilléir
(2) a cneas geal ar gne an lile .
red ré no air feadh haimsiri

2. (3) Ní creidim od ceibh thsholuis .
do deilbh ffein go bfachadis
(4) an gnuis chorcra no an gruaidh gheal .
rer dhulta a nuaill d [...]

3. (5) An bfhaca tusa an taobh seang .
no an beul sin is ciorte dean [...] (6) ar dath an drithlionn .
no an deud coimhgheal is ceirte sn[u]adh
(7) no an dearc mur oidhreagh fhionnfhuar

4. (8) An bfhaca a tu an braighe ban .(7)\\\ tromgraidh
no an gruaidh sin athabhuidh [...]
(9) no an troigh thana reidh romhuibh .
no an mhala thseimh thshiothamhuil

5. (10) An bfhaca tu an folt mur ór .
a gnuis nac { deirge } donntshr ol
(11) a geug abhla is trom toradh .
no an tabhra donn dathamhuil

6. (12) An bfhaca tusa an glac gheal .
no an colpa is cirte deanam
(13) do thuireamh dhuinne ní { deacair }.
no an glun roigheal roshocuir

7. (14) Ni fhaca tusa aithnim ort .
na ciche is cao[i]mhe { doconnarc }
(15) is cnuic ghealchorr go ngne ngil .
gan me eadarra daodbuidh

8. (16) Ceist ort ó nar amuirc sibh .
an glaine a naimsir eigin
(17) ca cuis far taisigh tusa .
a gnuis mhasec mhiollasa

9. (18) Is da egla hocht solus .
nar bfeuchus gan amharus
(19) teacht trithe da foghuil fein .
an adaigh thsithe shoille[i]r

10. (20) Bas dfaguil dod { annsacht } fén .
is baoghlach dod bais mhin(21)redh .
gan beim re innisin ort .
fad ceib iongantach damarc

11. [p.9v](1) Mar aingal dainglibh nimhe .
do chonnarc do cruth seimidh[e]
(2) is dearbh nac duine thusa .
a dealbh muire miollasa

12. (3) Bas dfaghuil is eguil damh .
dod gradhsa a inghen ionglan
(4) gan tfaicsin dob [fh]earr mo brigh .
a cenn aisdir na nardriog

13. (5) Ag luadh hanma ucht tsholus .
ata { orum } dfoltanus
(6) creud acht tuar domeanma damh .
a gruaid oireadha ioghon

. (7) AN FACA

[end of Text 3]
[start of Text 4]

[hs][p.12r](1) A nainm an athar agas an mhic agas an sbiorad naomh amen

(2) niall mac mhuiradhuigh cceadna

1. (3) Maith an sgel do sgaoil nar miosg .
teacht ar triath is tuar haoimhnis
(4) tar monghair mára nach minn .
go traigh ccall[ad] gan ccoigchrich

2. (5) Binne na fhorghain a fhios .
a ghiolla sgel do sgaoilios
(6) s ni fann ataim gan treise .
mo cheann madhtha maisgeasa

3. (6) Maoinmhaoine a naghuidh [a]n fhir .
ó faghuim caoine a chogir
(8) rug ceim a cceannus tar ccach .
ó leannus feile is fiorbhaigh

4. (9) Crodhacht chuinn re chosg san f[h]ior .
mhaitheas mhanannain fhaoiligh
(10) s dioladh haogh[a] ar ndfhuaisfhilladh .
ttri chruinn chnuais da comhdhlighadh

5. (11) Gerbh iomdha fille gan feall .
bhiadh da dhearbhadh le ndicheall [...]

6. (12) Aniuigh a niat innse gall .
aguinn a seilbh na saorchlann
(13) fear dionna on druing da sleachtadh .
chuir mionn chuinn a comhchleachtadh

7. (14) Ó bheith fiallmhur [ a ] gchlú chuir .
re mac lior coir ar chosmhuil
(15) go riar a chriche le ceart .
s nach iarr na hinnmhe ainnneart

8. (16) Mag uidhir giodh fior go fuair .
cluth ó eig[s]ibh s gach eanuair
(17) niorbh fear[r] [ a ] fheile fa { eallach }.
nar ceile riogh raghnallach

9. (18) ar cain ni doiligh a diol .
riam tainmhioch orm ni hainmionn
(19) an ccios a duaigh a dleaghadh .
s nac griomh nuagh don nealadhain

10. (20) Ó shomhairle chuaidh an chuing .
oruinn re diol mur deiruim
(21) ar riomh is deachtadh ar ndan .
fior na chleachtadh re chonnmhail

11. (22) A mhic domhnuill { duiti } bud is dleacht .
meigse d[fh]aghail le dubhracht
(23) o ta mo bhraighe go beacht .
t { uraim } aige is humhlacht

[p.12v]
12. (1) Ni leirr na chall dod chinnadh .
riomh a ccath no cceddhlighadh
(2) gan ragh riuigh follus a fhios .
no surr solus a seannchus

13. (3) Dhaoibhse is call gan a cleachtadh .
dar sliocht a ntrath tionnsganta
(4) s go { suidh } go reighidhe gach rann .
nac bfhuil na heilidh horam

14. (5) Ó teacht dar riarr ar ruire .
dia ar mbois go mbeannuighe
(6) ar cridhe ar gluasacht gan glas .
s cruasach mhillis e mhathas

. (7) Maith an sgel do sgaoil nar miosg

[end of Text 4]
[start of Text 5]
1. [hs][p.16r](1) Domhnall mac raghnuill rosg máll .
ni tost da ghlannluing mur gholl
(2) tri buagha as a mberar geall .
cuanna seang leabhar a long

2. (3) Gairid lein a luing in rígh .
sinn na cuir is an seg sáor
(4) ar { long } gasdaine go ngádh [*].
basgaire rámh tróm re taobh

3. (5) A stardha [*] lais [*] cona loinn .
sa darna [*] bhais chalma chuirr [*]
(6) a leathgha san laimh araill .
laidh { tairr }[*] a deabhtha ar a drúim

4. (7) Aluinn an sgiath sgiath an rígh :
taraill da triath is da treóir
(8) nathair sheng ag tuighe a taobh .
s a herr caolbhuighe na beol

5. (9) Debhuidh leath mogha maith linn .
flaith an bhrogha o thuinn go tuinn
(10) dergfaigh oigfher fhala finn [*].
rinn fhoga imdha choigidh chuinn

6. (11) Is long do sdiuradh gan sdiúir .
urradh a fhonn ge madh aill
(12) a ghort do roinn ris an rígh .
is tocht do sgin chroinn go cnáimh

7. (13) A bhanba ben d['] albain e .
an fer do gharguidh a gnaoi
(14) gan flaith { a } banba na bí .
ca tarba ri maith gan mhnaoi

8. (15) Fiorfer nior ghabh oileach úr .
fan ngroidhech ngeal ro ghabh ríar
(16) nior gheabh raithtemhair na riogh .
flaidfear fior mun { flaitem } fial

9. (17)[ A ] ghnuis ri temhra na ttonn .
cúis ga terrla do fhuinn fhionn
(18) madh naca bí craobh na crann .
do chí barr caomh os do chionn

10. (19) [R]ugais domhnall duin aníar .
na súl ngorm mall is { mín } gáol
[...]

11. [p.16v](1) As eisen an craob cas donn .
saor a bhas agus a barr [*]
(2) an toirghiallach ni locht leam .
na chenn gort goirmfiadhach gall

12. (3) Soillsi dreach í cholla chaoimh .
is dech ina tonna an chuain
(4) fada don chas bhinn ón bhuill .
nac sill an tsuil ghlas a ghruaidh

13. (5) Ó gothfruigh ó hámhlaoibh fhinn .
a ghallmhaoir o thuinn go tuinn
(6) fleasga donna a ndiaigh an ghoill .
do chloinn bhríain is cholla is chuinn

14. (7) Ionar dhonna ag díon bhur cnis .
a shiol mar shiol colla chais
(8) céadshúgh bhar niorar [*] on eas .
mar mhes iubhuir ghegur ghlais

15. (9) Cuma do bhuighe na bharr .
e mar dhuille na ccno corr
(10) fiat[hf]ruighther lat do bhe bhinn .
nar fhionn mac de no nar dhonn

16. (11) Doghen go halainn a aoír .
eadar mhálainn agus múaigh
(12) cuilén deidgheal ag derbháil .
grain eignedh ngeal ar a gruaidh

17. (13) Uair go domhnall duinn ag dul .
go sduaigh na súl ngorm mall
(14) uair go lemhain duinn ag dol .
rún con a ndeghaidh da dhamh

18. (15) Doghian [*] saoirsi maisidh mín .
daoibhsi is da bhur naisil óir
(16) da ráithe dhamh risin dúain
ga huaim do snáithe ghlan ghlóir

[end of Text 5]
[start of Text 6]
1. [hs][p.17r](1) Coir freasdal ar feill na gras ,
ó fuair sinn sela solais
(2) ar síth da seirm le reabhadh ,
mur sheilm bhinn do bhuachailla

2. (3) Le shonus do sheoladh dhaibh ,
solus ar ccriosd a cceadáir
(4) gur fhras a nealibh nime ,
ainglib dfhios na nfhaoghire

3. (5) Solas don talmhuin a theachd ,
a gcreth dar dion le dhaonachd
(6) bheith fa dhion oigh is hasuil ,
dar riogh roinn gur rofasadh

4. (7) Dealragh don diaghachd do las ,
ó neamh anuas le haoimhnaras
(8) a sgaoladh sgel a theachda .
maoighadh dé san daonachda

5. (9) Da teagasg ar triall da fhios ,
san meitil fior go suighios
(10) ccathair san bhrathadh nar ccre na luighe san cc[r]uinne ,,
athair na se sochuighe

6. [p.17v](1) a cheanglagh ar cairdeas le gras ,
oighre mathar ó fuarás
(2) ar tochd le cas dar coire ,
a corr le tlas trocoire

7. (3) Gloir dhuit a thrionoid ,
ata spioruigh ó thus s nach testa
(4) daomteachd an duiluimh dar dion ,
dumhluigh haonmhac an ard riogh

8. (5) Diol maithfidhe dhuilibh dhuinn ,
haithrighe fa mhed ar neasruin
(6) a rí do chaomhuin ar cain ,
s do shír aontauigh le robhaigh

9. [p.18v](1) Coir smachd ar ainmion mfheoladh
(2) le neart chriosd ó chomhdheonuigh
(3) a bhas a niochd na nuile
(4) le siothghras do ghlanghuidhe

10. (5) Furtachd mimniomh an mhaidhdean
(6) sgiath bhus dual dar deaghghidean
(7) ar siuir le leanb ó luige
(8) ar sdiuir a sealbh saoruighe

[end of Text 6]
[start of Text 7]

[hs][p.48r](1) Donnchadh mac floinn sionna mic maoil seachluinn (2) cuig bliaghna xx co ndorcur co nearbailt anno mundi 6141. anno domini (3)942.

Conghalach mac maoil m[i]thigh mic flainn (4) mic ceallaigh mic conghalaigh mic conuing cuirre (5) mic conghalin mic aodhe slaini .2. bliaghna dheg do (6) co ndorcur la galla átha cliath agus la laignibh a tigh (7) giudhra Anno mundi 6153 anno domini 954

(8) Domhnall mac muircertaigh mic neill ghlundhubh (9) ceitir bliaghna xx do a righe co neabailt a nard macha (10) Anno mundi 6177. anno domini 978.

MAOL seachluinn (11) mór mac domhnaill mic donnchaidh mic floin sionna (12) tri bliaghna fiched do a righe gur geibh brian (13) righe anno mundi 6200. anno domini 1001

(14) Brian Bouimhi mac ceinneidig (15) mic lorcain mic lachtna mic annluain mic math(16)gamhain mic toirdealbaigh mic cathail [...] (17) caimh mic conuill mic eatach baillderig (18) mic cairthinn finn mic bloid mic [...] [p.48v](1) conuill [ mic ] eachluaith mic luigdech menn mic (2) aongusa tirigh mic fir cuirb mic mogha (3) cuirb mic cormuic cais mic oilill oluim mic (4) mogha nuaghad mic moga neid mic deirgtenned (5) mic enna muncaoin mic loichmoir mic mofebh(6)is mic muiredaigh machna mic eathac garibh mic duaich (7) dalta deghadh .2. bliaghna dég a righe nerenn co ndorcur (8) la gallaibh {} atha cliath agus la lochlannacaib (9){} a ccath cluana tarbh anno mundi (10)6212 anno d[o]mini 1013

(11) maol seclainn mac domnaill naoi mbliaghna doridisi co neabailt (12) a ccroininis locha haininn iar mbuaidh naitrighe anno mundi (13)6221 anno domini 1022.

do riogaibh go bfreasabhra

(14) Toirrdhealbhach ó brian mic taoidg mic briain (15) [...] 2 bliaghna dheg co nearbailt Domnall mac ardgair (16) mic lochluin ó a raitter meig locluinn mhic muiredaigh (17) [...] arda macha mhic muircertaigh na cochall croi(18)cenn

[end of Text 7]
titleNLS Adv MS 72.2.2
internal date
display date
publication date
level
parent textMSS Collection
<< please select a word
<< please select a page